.. ..

عصر جديد,عهد جديد, عالم جديد, لكل البنات الحلوات , الجميلات
هذا هو شعار المجموعه البريدية , وهو اننا دائماً وابداً نعطي البنات وجه
بحيث اثبتت الدراسات ان المجموعه البريدية هي اول مؤسسه رسميه تسوي
إستفتاء لأراء البنات ونحن بكل فخر اول من عطانا وجه , لا ومهب اي وجه !!
سوينا إستفتاء نستطلع فيه آراء البنات وهالإستفتاء ماكان عن
وش افضل شخصيه سياسه , ولا وش افضل مدينه سعوديه , ولا وش احلى جامعه !
بل كان الاستفتاء عن اطخم رجل بالعالم !!!
يعني استفتاء ممعن بالخـقـقان والسـفور
وهـ يازين الديموقراطيه
عاد الحين بتقولون والله البنات ماينعطن وجه ومدري وشو !
واننا من هذا المنبر اذ نشـجب ونستنكـر اي شخص يعارض
حريّــة البنات واننا اذ نعلمكم اننا اخذنا على عاتقنا
ان يكون هذا الموضوع بداية عهد جديد من الديموقراطيه والحريّـه ,
وفي روايتن اخرى الانفلات
واللي عنده مانع يروح يجيب اخوه دوّاس

وان شالله يكون هالاستفتاء فاتحــة خيـر علينا يالبنات
وعقبال مانترشح بالمجلس البلدي ,
وناخذ حقوقنا بحيث نجعل الرجال يركبون ورى وحنّا نسوق فيهم !




.............................






طبعاً الاستفتاء كان عـبر الرسائل الخاصة
بحيث ارسلنا صور لـ 30 فنان عربي او عالمي وطلبنا منهم يختارون اجمل 10
وشمل الاستفتاء اكثر من 100 بنت ..



فلــونهout of order عباير اقلاع .. sky .. نرجسيـــــــه orangah
مستلجــــه Enya مستهبله بكيفي serina سيرة الحب Miss Jeanz
ستايل cupcake الدبدوبه M.M.A.K ريــ الرياض ـوف بنت الوادي جُودِي
عــــروق نجـــد aNa 6aL 3omRy نونيتا 0ne غير النــــــاس Chocolate
ســــــابينـــا خاشة عرض foteaash شينه & قويه عين Confused البــتول
سلطة فواكه no_body العسكـــريه مسالمه مسس شطه كركوره
قمـ كلهم ــرهم FreedoM غـــيـــداء |[ Female PRIDE ]| كناري السعوديه
!!مستعجبهـ Not 4 SaLe حاسبتها ^ غلط funky girl ^أكوس وحدة^
الشــــروق Me Myself & I تباشيـر SAtUrN ~روز~راعية رواقه الليـــدي عمشـى
^_^ ريمـوـو ^_^ SapNa انوار الرياض x p.u.r.p.l.e x جهينة ستار آآخر زمن
تفاريسه sweet river الهــنــوف BIBO123 مضيعه عقولهم لولي خالة عبودي
مصفـ بزارين ـقة Long Pause جـنــ M ــون **Colors** نامسه سـنــ الفضة ــا
عنيزاوية sweet novamber زوينة بزاف KhOoOKha أطياب مرقوعه بتاوه
قارورة بيبسي miss potato بسولفلك وبشكيلك Jroo7 ontha ســآرهـ !!
أغـ**ـراب @مغرزه بكعب@ رهووفه ~ الأيـام ذكرى~ بحرينية تحبكم ولايـــــف
نغم الوجدان بنــKSAـــت جحه مفقوشه *!* أحــلـى *!* الجوّ غيم جمـ الشوق ـرة
ميرندا تلقيمه لين ست الحريم دايـم معـكم ارهب وحده عسل شرقاوي cati




95 % كانو من بنات الفني , بحكم ان المرشحين هم فنانين
وفيه 5 % من اليوزرات من خارج الفني , ولكن كان لهم حضور فني بشكل او بآخر
عاد بعضهم رد بعد خمس دقايق , وبعضهم رد من بكرى , وبعضهم رد مرتين من زود الخقه



وهلىء خلونا نشوف النوميني اللي ترشحوا معنا ..
ونحب نـئل لكون انو التصويت كان ديموكراتي كتير
وحساب النئـاط كان كتير دئـيئ , وتأكدوا انو النتيجه راحت للي يستحئا





" المجموعة الاولى "

tarkan- عمرو دياب - george clooney - احمد عزّ - jesse metcalfe







"المجموعة الثانية "
justin timberlake - جاد شويري -colin farrellا- james denton - احمد الشريف







"المجموعة الثالثة "
John Abraham ا - matthew mcconaughey - اhrithik roshan - راشد الفارس - Abhishek Bachchan





" المجموعة الرابعة"
وائل كفوري - Matthew Fox - اkevin zegers - ماجد المهندس -johnny deep







"المجموعة الخامسة"
فادي اندراوس - brad pit - ا patrick dempsey - ا massari - اjosh holloway






"المجموعة السادسة"
orlando bloom - رامي عيّاش - tom cruise - راغب علامه - leonardo dicaprio







.............................





.. ..
قبل مانعطيكم النتايج خلونا شوي نستعرض لكم ردة فعل البنات تجاه هذا الإستفتاء
وكيف استقبلوا مسألة التصويت لاسيما انها غريبتن عنّا بتاتن البته
طبعاً ماتتخيلون كانوا البنات مختلفات
يعني كل وحده عاايشه بعالم اخر !





....................



" فيه بنات على جريـف "



[ يامجرررررررررررمه ياكافرره ياللي ماتخافين الله وش حاطه انتي وش احط وش اخلـــــي !! ]
[ وشكرا على الموضوع الاكثر افاده في عالم الاقلاع ]
[ ياصلاة النبي كلهم حلوين ويشقون الوجهه ]
[ واااااااااااااااااااااااو اول رسالة تجيني فيها خققاااان ]
[ هذي اللي والله مافيها طقة عصا معكم معكم موضوع فيه طخوم ولا اجي يالبيييييه <<طاقها التصحر اللي عندنا طق ]
[ في اشكال صراحه اول مره اشوفها من ضمنها رقم 18
وشو ذا من وين طلع !! <<< على طول قوقل
صراحه خشته = للخق فقط ]
[ وسووا دايم هالإستفتائات استانســـت عليهــا ]
[ آه يا بطني وش ذا جاني تعب نفسي وأمعائي وكلش كلش ]
[ الله اكـبر
تعيش حقوق المرأه
يـعيش الجمال
تعيـش حريه الرأي والمشور ]




!!





.............................








" فيه بنات يبغون لاعبين كوره "



[ وراتس ما حطيتـي رااؤل ولا باتستوتا .. ولا دل بيرو ]
[ كان حطيتو ياسر القحطاني طيب ]
[ وين Cristiano Ronaldo و Ian Somerhalder و David Bekham ]
[ وين ديفيد ليكهام ؟؟ انا متاكدة لو دخل التصويت فاز ... ]




اهم شي ليكهام
طبعاً اي بنت قالت نبي لاعب كوره تم شطب إسمها واصواتها , كنوع من العقاب
يعني هذا اللي ناقص لاعبين كوره !
لكن تدخلت مشرفتنا بنت شيوخ و توسطت لهن وقالت احسبي اصواتهن
لأنها تقول لو صالح النعيمه مرشّح كان خليته يفوز غصبن عنكم كلكم




...........................




" وفيه بنات ماكفاهم الـ 30 اطخم اللي فوق وطالبوا بأسماء اخرى "



[ هاني سلامه << من عندي بس ما علي ابيه ]
[ الله عاد لو حاطين معهم روبي ويليمز ]
[ وراكم ماحطيتو ملحم زين بدال هالاشهب راشد الفارس ولا بدال عمر ذياب ]
[ أنا توب ون عندي ميل قيبسون ياهمارة ليش ماحطيتيه هو اجمل رجل بالعالم الدنيوي بالنسبة لي ]
[ طيب سلفستر ستالوني ليه مو معهم << خاقه معه ]


اجل سلفستر




...........................






" فيه بنات مادري وش يبون من الحياة , انواع السوالف والخطمات "



[ صراحة احلى واحد اللي موجود في توقيعك بس دورته من بين المجموعة ما لقيت خشته ]
[ يالله اول شي انا بالنسبه لي فيه نوعين من الرجال نوع يخقق ووسيم ونوع حلووو ويموت
وفيه نوع ثالث من الفطريات الله يكفينا شرهم ويبعدهم ]
[ يااااااااااجعلتس بالجنه خلي جوني ديب الاول ]
[ والله مدري وش السالفه بس يلاااا ]
[ اصلا انا مااشوف احد حلو الا ابويا وبس واللي يبغاني يجي مع الباب ويكلم ابويا << مسكت خط ]
[ james denton واااااااااااااااهـ ياملللللحححه اطالع المسلسل بس انتظره يارررب يرزقني بواحدن زيه ]
[ اهم شي حطو اسمي باللون البرقندي عشان يصير بارز هعهعهع ]
[ اعطيتس رشوه ؟اعطيتس مكافأتني كانك تبين اعطيتس كل اللي تبينه بس بليز جورج كلوني خليه الاول ]
[ الا على طاري الزين والحلى صدق اللي يقولون ان الحلاوه الطحينيه تجيب السرطان ]




اللهممممممممممم طولك ياروح







مجرد دخول راشد الفارس القائمه كان حادثه فضيعه !!
نحلف بالله مانكررها
يعني هذا جزانا نبي نصير غير عنصريين ونسمح بترشيح السمر والبيض سيم سيم !
شوفوا رأي البنات






[ ملاحضة كبر قريح وشوله حاطن صورة راشد الفارس وعمرو ذياب ضمن الطخمان كلهم تكرم النعمة ]
[ بعدين من هي الي حاطتن راشد الفارس ؟ والا عشان ترضون العبند ]
[ رساله توسع الصدر دام فيها ذا الطخمان بس لو الله فاكهم من راشد الفارس ]
[ لستتكم توخاقق .. بس راشد الفارس خاش غلط وبقوة بعد ! ]



وفيه بنات عجبهم راشد الفارس وصوتوا له
صدق البنات مايعرف لكن


[ صراحه الواحد مايتوقع ان سعودي يتاهل لاجمل عشره رجال بس هالانسان يعجبني بشكل مو طبيعي
كول وكشخه ورزه وصراحه رمز للنظافه وسواء لبس بدله او ثوب دايما شكله كول ماكنه
قريوي ابدالي هو راشد الفارس << انحط ورده بحكم انه سعودي ]
[ ذوقي احب الرجال الاسمر وما حب الرجال الي ملامحه دقيقه ]
[ * .. بس احلى شي فيك ان ماعندك عنصريه والدليل انك حاطه " راشد الفارس ]
[ 4 - راشد الفارس صحيح اسمر بس مملوووح ]




وفيه بنات شريراات



[ يعني لازم ترزين فادي معهم؟ ]
[ فادي اندراوس << هذا الحين من السبب في رزه بالقائمة هاااا ابوك ياستغلال المناصب ]
[ الله يرجك يالدكتاتوريه الا غصب بتحطين فادي من اطخم الرجال ]
[ ووشسمـــه ايه خخخخ فادي اندراوس اجل ]
[ بس فادي وعرفنا من مختاره هههه ابيشيك عباير اقلاع لها علاقه بترشيحه ههههههههههه ]
[ احوليت من التمقل كلن يقول الزود عندي بس فادي وش واسطته
من قال انه اطخم ..الا بتدخلينه بالغصب الله يستر ما تصيرين من نمونة بنت سعد وتحطينه الأول ]




.. ..






















.. والان نبقى مع الفائزين بمسابقة ..

" اطخم واحد بعيون الاقلاعيات حفظهن الله "
والترتيب بشكل عكسي , ونبدأ بالمركز العــاشر , وهكذا حتى نصل للمركز الاول











.. المــركز العــاشر..











حصل على المركز العاشر وبـ " 238 " نقطه
الفنان الهندي " John Abraham "
اللي يعلم الله اني اول مره اشوفه
ولاكنت اعرفه ولا اعرف اسمه الا عندما دخلنا في خضم الانتخابات !
هذا الفنان الهندي حقق المركز العاشر , وهو يستحقها بجداره نظراً لما يتمتع به من مؤهلات
جعلته يتغلب على فناننين عالميين طلعوا من التوب بس كرمال عيونه !
خاصه انه مايفصل بينه وبين josh holloway سوى نقطتين فقط !!









.. :: ..


















.. المــركز التاسـع ..









يا الهي وهـ بس
حصل على هذا المـركز التاسع وبـ " 239 "
الممثل الكيوت الوسيم leonardo dicaprio
طبعاً مافيه احد يخفى عليه وسامة " ليو " وطخامته والاناقه اللي يعيشها !
واهم شي اننا كبنات اقلاعيات خالفنا القاعده العالميه اللي طايحين فيها المهرجانات
بحيث انهم دائماً يرشحون "ليو" للجوائز واذا جا وقت الاعلان عن الجائزه سحبوا عليه ,
وعطوا الجائزه لأقرب تكروني جالس جنبه !!
بس بناتنا يالله من فضلك صوتوا له وخلوه ضمن اطخم عشره بالعالم
يعني ليشهد التاريخ اخيرا و لأول مره يتعرض" ليو" للإنصاف
وكله ببركة بناتنا الرقيقات


















.. :: ..







.. المــركز الثــامن ..











حصل على المركز الثامن وبـ " 240 " نقطه
الفنان احمـد عـزّ
مع انه الجمال العربي يحتضـر
ولكن فيه أمل انه يتنفس ولو من اوكسوجين اصطناعي !
بوجود هالفنان الوصيم
هذا الفنان الذي يعتبر حاله خاصه بالنسبه للأخوان المصريين
خخخخ مدري شلون طلع بينهم !!
يعني الوسامة والعيون والابتسامه القاتله !
هذه الصفات خلت الفنانه العجيّز " يسرا " تقوم بعمل بطولي معه
وتحاول بكل الطرق انها تتميلح عنده يمكن ربي يعمي بصيرته ويتجوزها !
بس الحمد لله يابنات , احمد عز مازال عازبا ً








.. :: ..








.. المــركز السـابع ..












حصل على المركز السابع وبـ" 242 " نقطه
الفنان العااالمي johnny deep
بصراحه مفاجأه انه يوصل للمركز السابع بس !!
لأن هذا جوني , مو حيا الله
بس وش نسوي بناتنا وتصويتهن !
عموماً جوني حالياً يعتبر من اقوى واشهرنجوم العالم , ان لم يكن الأشهرعلى الاطلاق
وصاحب جماهيريه مو طبيعيه , هالإنسان وين مايروح لازم يترك بصمته
لكن بليز جوني ماتزعل من بناتنا وخلي روحك رياضيه

















.. :: ..









.. المــركز السـادس ..













في المركز السادس و بـ "260 " نقطه
جا الفنان الكندي اللي من أصل لبناني massari
" مساري " ابو ابتسااامه جوناان
" مساري " ابو صلعـه جونااان
" مساري " ابو عيون خضرا جوناان
يملك من الملح مالا تمتلكه شركة " ساسا "
هالمزيون جا لأحد برايمات ستار اكاديمي 4
وكسر الدنيا وخلى البنات يتركون تسجيع الطلاب ويسجعونه بكل ضمير
كثير من الناس يستغربون اعجاب البنات فيه مع انه اصلع !
انا اقول جيبوا زي صلعته اللي تقل مرايه , وبعدين يصير خير








.. :: ..








.. المــركز الخامـس ..











حصل على المركز الخامس وبـ" 261 "نقطه
الفنان العراقي " ماجد المهندس "
يعني ثاني عربي يدخل التوب معنا , هذا ان دل على شيء
يدل على اننا معطين العرب وجه
طبعاً انا ماكان لي خلق ان ماجد المهندس يترشح , بس الله يرج هالمصداقيه
عجزنا نسوي شوي كله من هالمصداقيه !!
انا اعتبر كل بنت صوتت لماجد بصراحه تحب النوم وكئيبه واخاف عليها من الانتحار
على وسامته لكنه بصراحه انسان اذا شفت صورته يخليك تراجع ضميرك وتسأل نفسك
انا كم مره سويت شي غلط بحياتي ؟ كم مره جرحت احد من غير قصد .. تهئ تهئ !!
لأن ماجد وجهه يدعو للبؤس والغلقه !
بس وصيم













.. :: ..












.. المــركز الرابع ..












حصل على المركز الرابع وبـ" 263 "
الفنان الدبشه tom cruise
اعنبوا ابليسه مابغى يصير الرابع وقسم خفت يصير الأول !
توم كروز يعيش حالياً اسوأ مراحل حياته الفنيه والاجتماعيه
لأنه من عقب مانط على الكنبه حقت برنامج اوبرا واعترف انه يحب زوجته اللي ادبش منه
وهو ماشاف خير
لأن اغلب افلامه لاتحقق نصف الدخل المرجو منها , وشعبيته كل مالها بإنحدار !
بس ان شالله يكون هالخبر مفرح لحمولة الكروز كلهم
لأن مسألة ان بنات الاقلاع يصوتون لك وتصير الرابع هذا انجاز بصراحه
ويحسب لك في مسيرتك الفنيه والشخصيه












.. :: ..








.. المــركز الثالث ..












جينا للـجد !!
حصل على المركز الثالث وبـ " 293 "
الفنان الجميل , الوسيم , و الوسيم والجميل وكلش كلش !!
brad pit
هالإنسـان اختاروه قبل فتره ضمن قائمه اكثر عشر اشخاص جاذبيه على مر التاريخ !
واللي حصل على المركز الاول , هي صديقته وأم بنته " انجلينا جولي "
يالله من فضلك هو و أم العيال بقائمه وحده لأكثر النجوم جاذبيه على مر التاريخ
( وجه يحتري بنتهم تكبر ويشوف الكوالتي تبعهم )
براد تستاهل تصويت بناتنا , وانا عارفه انه تصويتنا يعني لك شي كثير
وقل لأنجلينا لاتزعل ان شالله نصوت لها بمناسبات قادمه ..







.. :: ..








.. المــركز الثــاني ..

















حصل على المركز الثاني وبـ" 507 " نقطه
الفنان التركي tarkan
طبعاً تاركان يعتبر من اهم اسباب العنوسه اللي صايره للبنات
مهب عشان البنات يبغون زوج مثله , خخخخخ الا عشانه هو احلى منهن
طبعاً تاركان مافيه اثنين يختلفون على جماله وسحر عيونه !
واللي يقول انه عادي ومهب ذاك الزود يصنف وبكل تأكيد ضمن قائمه الحولان والمصابين بالترخوما
يعني لما تدقق بصورته .. ماتدري وش تقول ووش تخلي !
هي عيون ولا خشم ولا حواجب ولا ضروس !
بإختصار تاركان آيه من آيات الجمال , الله يعضونا بالجنه ان شالله








.. :: ..



والان جينا للمرحله الحاسمه والنهائيه ,
ياترى من اللي حصل على المركز الاول !
تبون اقول لكم ولا اخليها بعدين عشان تتحمسون
لا لا بقول :
اللي فاز معنا ... انهو انهو انهو ...

















" فادي اندراوس "
خخخخخخ امزح عليكم وجع
لاصدق خلونا الان نشوف من الي فاز











.. المــركـــز الأول ..




















حصل على المركز الاول بـ " 555 " نقطه ,, نقطه تنطح نقطه
الفنان george clooney
حصل على هذا المركز بكل جداره واستحقاق
هالفنان الوسيم جدن جدن جدن "جورج بن كلوني "
معذب قلوب البنات وقاهر الرجال .. جمال وعقل وثقل ورزّه وهيبه !!
يعني اذا تطلعت فيه ماتقدر تمـيز وش الي يجذبـك فيه
هي عيونه الدافـئه , ولا ابتسامته المخـمليه ولا كله على بعضه إبن كلفس
مشكلة هالإنسان انه يعاني من رجوله ووسامـه مالها نهايه !
يعني على انه كبير بالسن نوعاً ما ,
وعلى ان اغلب البنات اللي صوتوا كانت اعمارهم بين 19 - 25
الا انهم اختاروه .. عشان يثبتون ان العمر لا يقف في وجه الحب < قولي قاء
الزبده .. جورج كلوني رمز من رموز الوسامة و الرجولة اللانهائيه ومابعدها !
يندر انه يطلع بالعالم احد ثاني يمتلك ولو نصف مقوماته
سواء على مستوى الشكل ولا الشخصية





خلونا الحين نستعرض بعض الصور لفائزنا الأطخماني ..












 

 

 

هذا البوصتر هديه رمزيه ارسلها لنا جورج
وقال ابي البنات يشوفوني بجميع حالتي يعني سواء وانا تكانه ولا وانا رومنصي ولا وانا مهستر !








ختاماً
وبعد ان انتهينا من اعلان الفائزين
لانملك الا ان نتمنى ان هالمهرجان يحوز على رضائكم واستحسانكم
وعقبال مانسوي مهرجان ثاني ويصير المركز الاول سعودي < ايه بالجنه ان شالله !