قبل سنتين ونصف كانت الـ مجموعه البريديه لـ الاقلاع مجرد فكره ،!
وبـ وقفه صادقه من الاداره والـ محررين ، ولدت هذه الـ فكره الجميله وترعرعت في احضانكم كــ قرّاء لها ومتابعين ,,
مرت اعوام ،، وهانحن ندشن الــ عدد10 ونطفئ شمعتنا الاولى ، ويتحول الـ حلم الى حقيقه بـ توفيق الله ثم بجهود المحبين لـ الاقلاع دوما ،،
وبــ متابعتكم وحرصكم واقــ تراحاتكم ..
انتم من صنع هذا النجاح ، بدون متابعتكم واهتمامكم لم يكن لـ يتحقق هذا الجمال ..
فـي عددنا سوف نحتفل جميعا ,,
سيكون عدداً احتفالياً بـ مرور 10 اعداد على تأسيس الـ مجموعه البريديه
تكريماً وعرفانا بـ الجميل ، لمن شارك فـي تدشين العدد الاول شاركونا فـ رحتنا بكلماتهم ،
صحبه لنا لن ننساهم ابداً ،،
شاركونا اجمل اللـ حظات ولهم يرجع الفضل الاكبر فـ تاسيس المجموعه ،
شاركونا اجمل الافكار ،،
لهم منا كل التحيّه والمحبه ..
صريع الرز
رئيس تحرير سابق ،
حينما طلب مني المشاركة في احتفالية العدد العاشر للمجموعة البريدية رجعت الى بدايات التأسيس تذكرت كل الطاقم الذي كان شارك في أول عدد كيف كان الحماس يغمرنا كيف كان "حنش" يتابع يوميا لدرجة اني حطيت له نغمة خاصة عشان ماأرد عليه ،، من كثر ماأشغلني بالاتصالات
اتذكر تلك الليلة التي صدر فيها العدد الأول حينما
سهرنا الى الفجر انا وحنش ومشعل كي يخرج العدد الأول فيه الكثير من خصائص
البدايات لكنه كان فيه حب كبير ورغبة في التميز ،، اتذكر الأفكار التي كانت تأتي
من أعضاء المجموعة وكيف كان الحماس والرغبة في نشر كل ماهو متميز على العدد الأول
ومن ثم بدأنا في التفكير في وضع تصميم خاص كانت الأفكار كثيرة وحسمها مشعل وأخيرا
هذا هو العدد العاشر يخرج وفيه كل التطور والرقي لـ
مجموعة بريدية متميزة أتمنى لها ولـ فريق العمل
فيها كل توفيق .الرهيب
محرر فـ المجموعه البريديه ،
السلام عليكم ورحمة الله وبركاته
يزيدني شرفي أني كنت من الفريق الذي وضع أول لبنة للمجموعة البريدية بالإقلاع .. كانت أيام حلوة نذكر فيها أخونا صريع الرز وطش ورش الله يذكرهم بالخير ..
طبعا اول عدد نزل كنت وقتها الصبح الساعة 7 أذكر أني غبت من العمل من الوناسة .. شيء جميل أن يظهر تعب مجموعة للعيان ..
ومن المواقف المضحكة كنت منسق للعدد في البداية وكنت مسوي العدد الأول ومنسقة المهم إنا عارف شغلي . وفي العدد الثاني وضعت المواد عشان حنش ينسقها وينزلها .. طبعا أنا أنهيت شغلي و أرسلت لحنش وقلت تم فيه احد الاعضاء زاد على تنسيقي .. وجاء حنش وضبط كل شيء ونزل المجلة .. بلاخير اكتشف حنش أن فيه زواية مكررة في العددين ألأول والثاني .... وجاني حنش وقال وراك حستنا بس تدري أنا أحبك رهيب حتى لو غلطت .. قلت له : حتى إنا أحبك ... لكن مهوب أنا الي حاس الوضع وعطيته الرابط وقلت شف هالعضو هو الي حاس الوضع ....
اذكر الاخوان في اول عدد وهم صريع وجعفر وطش ورش وخراب المجتمع وبنت شيوخ ومضطهد والدبدوبة وكاربلي واعتذر ان نسيت أحد
طش ورش
رئيسه تحرير سابقاً
عندما تم الاعلان عن طلب مواهب للانضمام لأعضاء المجموعة البريدية ،، قلت ::
مبدهاش يابت يا طش
الاقلاع في حاجتك ،، ونحن فدى الاقلاع << متأثرة بجو العيد الوطني
ارسلت لصريع ( الله يرحم الأحياء والأموات منهم
) << معزبنا قبل
لا أطوفكم تراني فلتة زماني
انضميت للمجموعة ،، وبدينا انطقطق بالعدد الاول
بدينا من الصفر
سواء في نوعية المواضيع اللي راح يشملها العدد ،، أو شكل العدد ،، وطريقة عرضه
أو حتى من بداية تعارف مابين أعضاء المجموعة .
وطلع العدد الأول
وبدينا نتعلم من نواحي القصور
وبدينا نكتسب خبرة
وبدينا نعرف المسلك لهدفنا
تتالت الأعداد
وتتالت الشخوص اللي تدخل المجموعة والثانية اللي تطلع منها ( جيهان واحشتني يا العبدة
)وتتالت الاحداث اللي عاصرناها وكانت لها مواقع في الاعداد اللي نشرت
منها وفاة الشيخ جابر ،، وخادم الحرمين الشريفين الملك فهد ،، وصديقنا في منتدى الجادة الفكر الحر
الله يرحمهم جميعاً
ومواضيع اخرى مثل ::
صور موضوع الجنون فنون << انبهرت منه هذا
صور موضوع فريق الاقلاع لكرة القدم واللي كان بيني وبين زميلي السابق << الله يرحمه المشكلة اسمه تركي
!والا موضوع مقابلة الممرور اللي تعلقت من رقبتي
عقبه << عين تناظر كحيلان
موضوع ابداعات اقلاعية لابن عدوان كان بمنتهى الروعة الله يعطيه العافية
تكليفي برئاسة قسم المجموعة البريدية واللي كان لفترة محدودة لكوني سافرت للخارج من بعد العدد السابع مباشرة .
كثيرة محطات المجموعة واللي كان لي فيها ذكريات ،، حتى أنه ما أعتقد عدد كامل يخصص لها راح يستوفيها ،، لكن يكفيني أني تعرفت على ثلة من الشباب مازلت افتخر بشرف العمل معهم
.لهم مني كل الشكر بتحمل العمل معااااااي ،، ادري اني قاسية وقاسية حيل بالشغل ،، لكن هذي صفة فيني حتى بحياتي الواقعية ما أقدر اتخلص منها ،، أحاول قد ما أقدر وحسب رؤيتي أن تقدم مجموعتنا أفضل ما يمكن تقديمه للقراء وأعضاء ساحات الاقلاع
بالأخير تمنياتي للجميع بالتطور والابداع
خراب الـ مجتمع
مشرفه تصاميم المجموعه سابقاً ،
هااااي .. اول ما حاجتني بنت الشيوخ واطلبت منى كلمه لـ مجموعه الاقلاع البريديه .. حسيت بغصه لانها كااانت من اجمل الايام واشقها
كان فيه تعب بالشغل وناسه وهواش 24 ساعه
اتقولون ضراير بس القلوب كانت صافيه اقلها قلبي
.. اول عدد ما كنا عارفين بالضبط شنو نبي انقدم بس
عدد ورا عدد اضحت الرؤيه لاننا ما كنا نبي انكون قروب تقليدي
.. يرسل بالاميل وكلها ضغطه زر ويتكنسل من غير ما
احد يقراه .. لذلك اتخذنا القرار انه يكون موقع
قائم بذاته من تصميم لمواضيع لمحتوي وحتى الكتاب اللي يشاركونا بمواضيعهم
..وحتى الفئه الموجهه لهم العدد طبعا كل هـ القرارت
ما يت بالساهل
طق عصي وهواش
لدرجه انه حنش فكر مره يشيل عضويه بالمره واللي دايمن بالنص مشعل
وبنت الشيوخ بس بالمسنجر تقراء عليك يمكن شياطيني تهدى
حق كل اللي شاركوني هـ الايام الحلوه صريع
, طش
بنت الشيوخ
نو بدي
, كوردليا
, مضهد
حنش ومشعل للاشراف العام والهواش
مالهم قلوب طبعا ورده ويحمدون الله
وباجي الاعضاء بدون قصور فيهم
اقولهم اشتقت لشغل وياكم وايد وايد وكيب اب ومتشوقه اشوووف العدد الياااي
مضطهد
محرر فـ المجموعه البريديه ،
فه ففه فووه << ينفخ في المكرفون يتأكد من صوته
السلام عليكم..
عشرة أعداد مرت ولا حتى تلتفت
يا سرع الأيام، أدري هالكلمة مستهلكة بس تعبر عن الي ودي أقوله!..
لما بدت فكرة المجموعة البريدية وأعلنت كإعلان من إدارة الساحة كنا كل الأعضاء ما ندري وش الطبخة.. وشو الي تحرير يعني مجلة؟ ولا قروب بريدي ولا أيش بالضبط!.. ما كنت متحمس أشارك لأني مدري وش المطلوب بالضبط ولا أبي أتحمس على عماها خصوصاً أن صريع هو الي كان ماسك التحرير وقتها وهو أكره شي عنده أن محد يفهمه
..لما فهمت 1% من فكرة المجموعة البريدية علطول راسلت صريع أني بأشارك
ونسيت الرسالة لأني متأكد أنه بيحذفها قبل لا يقراها بس ما دريت إلا ومنتدى
التحرير مفعل عندي!..دخلت وحستهم طبعاً وقعدوا بالتناوب دروس خصوصية يشرحون لي وش السالفة.. وكانت خراب مصممة التحرير و لاتعرف حتى تنطق يوزري صح
تسميني مضهد وتكتبه غلط في التصاميم!!..كانت أول مجموعة قمة في التفاهم والوناسة و روح العمل الجماعي البسيط المجتهد المتقن
..أكثر من غثيته صريع الرز
ثم طش و رش (شلونتس
).. طش مسكت المجموعة فترة شعللت فيها المجموعة
وكان كل عدد متميز.. وكان لتشجيعها وحسن إدارتها
سبب كبير في تطور المجموعة البريدية في زمن قياسي..كان - ولا زال - العمل ممتع في المجموعة البريدية، واستمريت في أول أربع أعداد وانقطعت فترة إذا تذكرون عشان أعتكف في غار للتعبد والتأمل ومحاولة سبر معنى لغز الكون ومحاولة إدراك ليش الأسطب التجاري خلال أسبوعين ينقلب من أحمر لبرتقالي
!!.. ولما رجعت علطول حضّرت في التحرير قبل القهوة
وكانت الرئيسة هي بنت شيوخ
.. وأحسن ما فيها فاهمة شغلها و دقيقة ومنظمة ولا
تحب كثرة القرق والصراخ (وجه يطالع صريع ويقول تراك
عكسها هههههههههه) أجل صريع كان يحجرنا ومعه لي
العماير الأحمر يقول ورى ما سويتوا الي طلبته منكم
العمل ممتع و سلس ويعتمد على الإتقان والجودة، وهذا السبب الي يخلي المجلة ما تصدر بتاريخ معين.. صدروها مرتبط بالإنتاج والإخراج النهائي أنه يظهر بأحسن صورة و أجمل حلة..
10 اعداد و الــ مجموعه البريديه تتقدم وتتميز وتقدم خامة إبداع الأعضاء والعضوات ؛ وتقدم زي ما نقول ذواقه لمنتج جميل ممكن نلقاه بشكله الصافي الكامل في كل منتدى من منتديات ساحة الإقلاع..
المجموعة البريدية قايمة على إبداع الأعضاء من محررين أو مشاركين ومقترحين وناقدين..
أشكر كل نفر
محررين ومصممين معنا في مجموعة التحرير وأقول يعطيكم العافية وعساكم على القوة..كان معكم مضطهد محرر في المجموعة البريدية بطاقتي مخلصة تاريخها ولا جددوها لي شكلهم ناوين يعطوني خروج نهائي
الدبدوبه
محرره فـ المجموعه البريديه ،
السلام عليكم ورحمة الله وبركاته
مدري من وين ابدأ ..
اتذكر اليوم اللي بدينا فيه في المجموعة البريديه وكيف كنا متحمسين
والافكار اللي كانت تتسابق كل وحده احسن من الثانيه والحماس الي كان
مسيطر علينا وكان هدفنا خروج اول عدد بافضل واحسن صوره ومن عدد الى عدد
ووصلنا لـ العدد العاشر عدد يظهر من خلاله مجهود مجموعة افنت كل ماعندها من مواهب ..
وابداعات وافكار اعضائها في ظهور اعداد تليق بسمعة ساحة الاقلاع وتتطلع لتميزها في جميع المجالات ،، وكل هذا كان بمجهود مجموعة من الاعضاء كانو ولازالو لهم اثرهم في ظهور المجموعه البريدية وتميزها
كل الشكر والتقدير لكل من ساهم في تطور المجموعة من بدايتها الى وصولنا لهذا العدد ، وكل الشكر والتقدير والحترام الى حنش ومشعل على ثقتهم واتاحة جميع الامكانيات لنا ...
الله يعطيكم الف عافيه جميعا
وشكرا ..
بـ نت شيوخ
مشرفه تحرير الـ مجموعه ،
تابعت المجموعه من اول عدد لـ الآن ،
وفي كل عدد اشاهد تطور اكبر من قبل لا بـ الديزاين ولا بـ المحتوى ، وعمل وجهد كبير .. ايام المجموعه البريديه الاولى فـ بداياتها رغم جمال بساطتها ،، لها نكتهها الـ خاصه ،
ليله نزول كل عدد ولمّتنا والتنسيق النهائي والرفع والتثبيت تمتلكني مشاعر مو عارفه اوصفها لها روح خاصه ،
كتبت كثير ، الـ يوم راح احتفل بـ صمت وانتم تحكون ، يكفيني اشوف قروبي واقلاعي يكبر يوم عن يوم ،
يكفيني ابــ تسم ، واتابع التفكير فــ الي بعدوو
،!شكر كبير لـ المحررين
شكر اكبر لـ "حنش ومشعل " متابعتهم هالانجاز من بـ داياته ،،
لاننتظر منكم التهاني نــ حن من سنقوم بـ تهنئتكم بهذا النجاح لانكم انتم من حققه بـ متابعتكم واهتمامكم ،!
..... لكم محبّتي ،