مره يقولون نبغى ننبش جثتها وبنشرحها !!
ومره يقولون لا ماراح نشرح ولا شي
ومره يقولون نبي نطلعها ونحطها بالثلاجه " ذكريات"
من جد احترنا مع هالمصاريا !
و مازالت القضيه مدهره فيه محاكم مصر وبريطانيا
وطبعاً كلها ضد " ناديه يسري " صديقتها المتهمه بقتلها
طبعاً شي مؤسف اللي يصير بعد خمس سنوات يرجعون يطلعونها !!
خمس سنوات ولا عرفوا الحقيقه .. وين كونان عنهم !
اسمعي يا ناديه يسري ترى اذا كانك انتي اللي قتلتيها ترى انتي وعه : (









............................







"خلصت الاماكن يوم انه ينجطل بالشارع "

هالخبر للبنات فقط !!
عاد " رامي عياش " من جولته في استراليا
وبعد النجاح الباهر راح للقاهره عشان يصور اغنيته الجديده
" يابنت الجيران "
طبعا الشي الغريب هو عنون الاغنيه الشعبي !!
يعني متعودين من رامي حركات كلاس وكليبات فكرتها كوول
الله يستر لايسوي فيها مثل كليب هذاك المصري اللي يمزح مع حبيبته ويضربها بنبيطه !!
لأن رامي حتى الان مابعد استقر على مخرج معين وياخوفي لا يطيح بالناس البيئه
يعني من بعد سعيد الماروق اصبح رامي تائهاً
رامي ارجوك ابتعد عن النبيطات !!
البوم رامي الجديد يضم 8 أغنيات هي :
( حبيتك ، وخليك، ويا بنت الجيران، وعيني على الغرام، ومن الشباك، وضميني، ودانا وانا )
كما يقوم حالياً بإجراء عدد من اللقاءات التلفزيونية والصحفية احتفالاً بصدور ألبومه الجديد .





...............................










وهالخبر للأولاد فقط !!
هل انت اعزب ؟ هل انت ودك تعرس ؟ هل انت ودك تتزوج بس مالقيت احد يعطيك وجه ؟!
لاتقلق اتتك الفرصه !!
لقد احضرنا لك نجمتين مشهورتين يحرجن على انفسهن
بشرط ان تكون كاش وتقدر الحياة الزوجيه
فلقد نفت " اليزابيث تايلور" انها مترتبطه بأي قصة حب لا من قريب ولا من بعيد
وان " فيروز زاهدي " اللي معها دايم هو مجرد صديق فقط
يعني مهب حبيبها ولا شي !!
** وعلى صعيدن آخر اعربت العارضه السابقه " ناتالي فضل الله "
انها عزباااء مع سبق الاصرارا والترصد
وانها من بعد خيانة زوجها لها لم تجد رجلا يستحقها
و حدّدت الخطوط العريضة لمواصفات الرجل الحلم، الذي تتمناه وهو ان يكون :
متسلحاُ بالثقافة وشيم الكرم والأخلاق و الثقة بالمرأة
بعيداً عن عقد الطائفة أو العمر
فعلى من يجد فيه نفسه المواصفات المطلوبه في كلتا الحالتين
ان يتوجه الى البوابه مباشرةً ..











اطلق سوبر ستار العرب
" ابراهيم الحكمي "
البومه الفلته من انتاج شركه التكامل
بصراحا الالبوم فااضيع ومتنوع وفيه اغاني
خليجيا ومصريا ولبنانيا
طبعاً الاشراف الكي كان للأمير " بندر بن فهد "
وقال انهم صوروا اغنيتين وراح تنزل قريباً ان شالله
MBC fm غطت حفل افتتاح الالبوم
والغريب العجيب ان محمد عبده جااي يدعم برهوماا
وكان في الحفل جمع من الاهل والاصدقااء
وعدد من وجهاء المجتمع < حركات جريدة الرياض
برصراحا يستاهل هالولد كل هالدعم الكبير لأنه يستاهل كل خير
صوته خطييير و احساسه دمار




،

اتذكر أيام عيد الفطر السعيد اللي راح
كنّا في اجتماع عائلي ومادريت الا البنات طايرات يركضن
يقولون جا تركي .. جا تركي !!
انا قمت اركض حسبته تركي ولد عمتى منيره جاي من القصيم قلت ابويق عليه
خخخخخخخخ مادريت انه فنان شاب جديد مرااا كان طالع ببرنامج على روتانا
الفنان هذا بصراحه عليه صوووت أفـ
له البوم مع روتانا اسمه " عشر قلوب" < شكلي معديته بأختيار العناوين اللي مدري وش تبي
صوته بصراحه شي رايق مره وفيه احساس ابد مو طبيعي
صور اغنية " نسيت الناس" وعلى ماقالوا الكويتيين شقل عدل
الاغنيه رايقه وفيها احساس عميق ولحنها حلوو مره ..
وطلع قبل فتره ببرنامج " مع حبي " مع ام عصاقيل جومانا
شكله ذكي وعارف من اين تؤكل الكتوف
واهم شي اغنيته " بنت السعوديه " شكله ناوي على مراهقاتنا عشان يشترن شريطه
مير الله يعظم اجر هالبنات سبل الهلاك تتلقفهن من كل جهه ..
بصراحه هالولد موهبه سعوديه قادمه
وبأنتظار اعماله القادمه ..






............................











أصاله يا أصاله
مدري وش فيها الحرمه هذي بدت تهستر !!
من جد اصاله اثقلي شوي هلكتينا كل شوي البوم كل شوي كليب
يعني مستحيل يمر سنه ماتنزل البوم !
يعني غيبي سنتين خلينا نشتاق لك ونوله عليك
مره قالت بأحد اللقاءات انها ودها تغني كل شي قبل لايتكبر ويخرب صوتها
يااختي لاتخافين مهب جايتس شي شوفي صباح عمرها الف والى الحين تجعر
كليبات اصاله الاخيره اللي على روتانا " اكثر " و " أرد ليه "
الاول حليو ماعليه اما الثاني مالأمه داعي
مغنيه بشكل مكرر وماصل ولايهون الفستان الفضي
الشي الغريب ان اصاله من تطلقت من زوجها الاول وهي صايرتن تتشخلع باللبس !!
وهذا هي اللي تقول انا محافظه على الاخلاق ومدري وشو
طلع الشامي الحمش صاكن عليها .. لو يحصل له لبسها عباة
بس اشوفها مع زوجها المصري ماشيتن امورها وتلبس اللي تبي وماتقول شي
ليه اصاله ماتشوف الفنانه " لطيفه " من مثل جيلها ومازالت محافظه على لبسها المحتشم
وهيبتها ووقارها .. ولامره شفت كليب او صوره لابسه شي مو محتشم
وما قالت اني لازم اتشخلع عشان اجاري فنانات هالجيل !!
اصاله قللي من البومات وطلاتك الاعلاميه غدينا نوله عليتس











............................












(غياب المصاروا )

عمرو ديااب وش فيه من تالي !!
مستواه تراجع مره وقلت طلاته وحفلاته
كله من روتانا الله يقطعهم
انا عندي احساس انه يسوي كذا بس حسد لروتانا وتشوفون اذا طلع من روتانا
بينزل اغينه بتصير قنبله مثل " حبيبي ولا على باله " وطقتها
و بيكسر الدنيا وبيخيلي البومه اعلى نسبة مبيعات وبنلقى صوره
على كل المحطات وكل الباصات ونسمع اغانيه بكل السيارات ..
< مسكت خط بالتخيلات
لا بس من جد مستوى عمرو تراجع بشكل مهول من يوم دخل روتانا
وكثير سمعنا عن خلافات بينه وبين الشركه
ياليته يطلع منها عشان يرتاح ويريح ويرجع لمستواه الخارق
** على الجهة الثانيه فيه الفنان الفلته " تامر حسني "
اللي كمان كان غايب الفتره اللي فاتت
طبعاً هالاثنين يعتبرون هم الأكثر جماهيريه بمصر
تامر توه طالع من السجن يعني مابعد مخمخ زين
ويحمد ربه ويشكره انه طلع قبل انقضاء المده المحدده ..
بسبب مطالبة الرأي العام وخاصه المراهقات المصريات < قسم لو اني كنت بمصر وقتها كان طلعت اتظاهر معهن
ياخي من فرّج عن مسلم فرج الله عنه يوم القيامه
الله يامراهقات مصر !! سويتن مظاهرات عند السجن والمحاكم كله عشان تامر
وبسببهن النائب العام اطلق سراح تامر درءً للفتنه و للفكه من صراخ البنات
يقطع ام المحاكم اللي كذا يا ناس
باللهـي اي واحد يقطع اشاره ولا يقتل زوجته ويسجنونه يقول لنا عشان نطلع نتظاهر له
كودهم يطلقون سراحه !










............................

...

 

.............................


 

آهـ بس : (
وانا اتمشى بين القنوات لفت نظري روبرتاج على قناة " الجرس "
كان الروبرتاج عن الفنانه الاستعراضيه الرااائعه " شريهان "
ياربيه ماتتخيلون وشلون ذاك الروبرتاج ضيق صدري
جابوا لقطات كثيره من فوازيرها
ياربيه تتذكرون الفوازير حقت شريهان مع انها كانت تقل بسّه بس ولو تهبل !!
وكانوا حاطين اغنيه راغب علامه
عن جد بقللك عن جد .. مش حلوه الغيبه هالقد : (
من جد شريهان لها ذكريات مو طبيعيه
كان لفوازيرها طعم ونكهه رمضانيه جميله
هالانسانه كانت عباره عن طااااقه هائله رااائعه ..
على كثر الرقص والاستهبال اللي كانت تعيشه الى انه كان فيها براءه وطفوله خياليه !
تخيلوا لو انها مستمره كان منى زكي وشلتها بخبر كان
شيرين اشتقنا لك .. الله يشفيك يارب : (










.............................














هاني ستارك 3
خخخخخ ودي اعرف بس وش شعور المصاريا تجاهه ؟
حيث انه استهل مشواره الفني مع الفنان Chris de Burgh
في اغنية My Fathers Eyes
** طبعا الشي الغريب انه هاني يغني بجهه وباقي الناس تردح بجهه
مدري شكلهم حاجرينه بعماره ظلما ويقالك انه مشترك معهم بنفس الكليب
وشكلهم اصلا مايدرون انه قاط معهم بالاغنيه
لأن طريقه جلوسه غلط .. كأنه ذيب ناوي يهجم على أرنب
الشي العجيب انه كيف هاني غني باللهجه اللبنانيه !!!
بصراحه شي عااااجيب مصري وأول اغينه له لبنانيه
يعني عكس الآيه !
بس مافيه شي يستغرب على ام عص رولا سعد وشلتها < يامصر عليكم فيها
هاني اغنيتك بصراحه اقل من عاديه
ياحسافه تشجيع مستعجبه فيك !















،


 

،
هذي الكليبات مااقول انها جديده
لأنه كل يوم نازل 567898765 كليب جديد
اقدر اقول هذه الكليبات لفتت نظري وبقول انطباعي عنها
وسوف نشرشح من يستحق الشرشحه و نثني على من يستحق الثناء








 

"كانت روحي "
الاغنيه بطله الحان وصوت خرافي
رايان من جد بدع بهالأغنيه خير تبديع
الكليب غريب شوي يغلب عليه
اللون الازرق والابيض < شكل المخرج مشاور ابوي بالالوان
طبعاً رايان تبون تعذبونه لبسوه بلوزه هاينك
لأنه موستحيل يغني مايطلّع صدره !
المهم ان قصة الكليب عن واحد يحب وحده و ماتت ويجلس يغني فيها
هذا شي عادي بس الغريب وشو !!
الغريب طريقة موت حبيبته
كانوا يرقصون وفجأه زلقت وماتت ! ادري ان الله قادر على كل شي سبحااانه
بس ياليتهم خلوا قصة وفاتها فيها اكشن عشان نتفاعل
يعني يخلونها تلعب بالشارع وتجي تريلا وتصدمها وقبل ماتموت يكتشف الدكتور انها حامل
بهذي الطريقه الواحد يتعاطف معها .. مهب جايبينها ترقص وفجأه تموت
ترى اختي اول ماشافتها طاحت قالت :
ساده هذي تالية اللي ترقص مع جذعان < ينحسدن على المخ اللي بروسهن






.............................










الصااااااروخ الجديد "دونا"
اغنيه حلوه بالحيل ووسيعة صدر
مع اني اغلب الاغنيه مدري وش تقول < ماالحق عليها تغني بسرعه
بس طريقة الكليب جديده وحركاتها كوول
و ماقلدت احد بنت اللذينا ستيل جديد بقوه
حتى صوتها غريب بنت الإيه .. مدري شلون حفظت الكلمات وما خربطت !!
الاداء والاخراج والصوت والاغنيه وكلش كان رهيب واللهـي
بالصراحه تستاهل نعطيها نجمه على جبهتها


.........................








" كارول صقر "
صحيح ان هالأنساانه وجهها يوحي بالأنيميا !!
بس صوتها أليم وهالأغنيه حليله ماعليها
ولو اني توقعت منها افضل من كذا
عموماً الكليب غريب حبتين عن كليبات روتانا ولاسيما
المؤثرات الصوتيه حقت ملحم بركات < مهوي هالشايب !!
الالوان كانت مابين الابيض و الاسود
وتحسون جو الكليب غير عن السائد حالياً
واهم شي احب اهني الجميع
بمناسبه تغيير كارول للون شعرها الابيض
قاااسم بالله توها تصير حرمه ..






........................







"ميريااام "
ياربيه على هالإنسانه
طاقه هائله ان قلتوا صوت ولا رقص ولا استهبال
لا وطايحتن بالتفحيط بعد < الله يكفينا شر من به شر
الاغنيه مووت .. بس الكليب احس ناقصه شي !!
يعني بس تفحط ! ليتها جايبه مسدس ولا رشاش وسوت اكشن
ولا جابت واحد ينتحر من الدور الخمسطعش
عشان نحس بالمتعه والاثاره < وش يقرب لتس صدام يااختي !
الكليب ماعليه جديد والاغنيه زي ماقالت حلوااا اذا بدت ماودي انها تخلص
بس ولو مالي دخل اقول لكم احس فيه شي ناقص !!
الواضح ان ميريام اللي همها بس تبي تقهرنا انها تقدرتسوق وحنا لا





.........................






" مي حريري "
يقطع شكل اللي طيحكن بالصعيدي !!
الاغنيه لهجتها وكلماتها صعيديه
حتى الكورال يتكلمون بلهجه صعيديه
لكن التصوير شي ثاني يقالك بنت اوروبيه !!
لأنها كانت تقطف ورد .. عاد ماخبرت الصعيديات يقطفن ورد
طول عمرهن يحوسن بالترعه
واختنا بالله الفلاحه كان ستيلها لايمت للصعيد بصله !
معليش لو انها غنت الاغنيه و بدون اللهجه الصعيديه كان صار عادي
بس لهجه صعيديه والرجال اللي عشقها لابس بدله مدري وشلون تجي !!
نسيت اقول لكم تراها صورت الكليب اول ماطلعت من النفاس
يعني يوم هي تصور شكلها مابعد طلعت من الاربعين !


...............................







" كاارول سمااحه "
مدري وش جايها بهالكليب !!
كليب جريئ ومافيه داعي تسوي حركات النص كم
انتي صوتك حلو وحضورك راقي
ماله داعي حركات التمطط والاغراء هذي !!
يعني من بعد كليب " اسمعني " اللي يوسع الصدر
يطلع منك هالكليب الماصخ
المشكله احس مايليق لها دور الاغراء مدري ليه عجزت اهضم شكلها ابد !
يمكن عشان نظرتي لها انها محترمه و راقيه ومهيب راعية خرابيط
بس وش نقول صبغك صباغ اللون





..........................









اما الأن مع كليبات اللي اختشوا ماتوا
ياربيه ياناس مدري اذا شفت المعزا ذولي اضحك ولا ابكي من حومة الكبد !
"نسرين زريق" اغنيتها ماااصله بقوه بس الكليب فيه اشياء جديده و خطيره
وبنت اللذينا من اول الكيب لأخره وهي ترقص ماتعبت < حركت كوعي مثلها ومير تنملع ايدي
بصراحه الاخراج احتراااافي بشكل خطير
الكليب حلو وغريب بس نسرين مخربته هي وصوتهااللي أحس كأنه صوت تنويم مغناطيسي
انا من ايام مشاركتها بملكات جمال لبنان وهي محومه كبدي
وشلون عاد تجي الحين و تتكمبس قدامنا !
طبعاً الكليب لايخلو من حركات النص كم اللي مدري وش تبي !
يقطع اللي نصحك تغنين
** اما نا نا .. ياربيه على هالسوريه !!
اجل كلون بدون نانا والنانا حيرانا
بدون نانا تحب تغار ويقولوا تروحي مشواار < سحقاً للشعر ان كان هذا شعر !!
كليب سقيم من اوله لأخره واغنيه مرقده بالمستشفى من كثر ماهي مريضه !!
لا كلماات ولالحن ولا صوت
بس تصدقون النانا ماعليها مملوحه واللهـي
خاصه عيونها يوم كانت لابسه هذاك الشي على وجهها والله حلوا
ختاماً نقول يقطع شكل النانا ..





..............................





عاد هنا الجد !!
خخخخخخخخخخخخخخخخخخ
خخخخخخخخخخخخخخخخخخ
ياااااربيه ياناااس
خخخخخخخخخخخخخخخخخخ
انتم مستوعبين الانسانه هذي وش تسوي بعمرها
متأكدين انها مسويه الكليب هذا برضاها ؟!!
ولا احد مسطرها وقال لها صوري غصبن عنتس
لأنه مافيه انسان يرضى يطلع بالشكل اللي هي طلعت فيه
قااااااااااسم بالله مالقيت وصف اقدر اعطيه لهالظاهر
بصراحه مادري وش توجه الكليب هو صعيدي ولا بدوي ولا فضائي
جميع عاهات العالم يهونون عند المخلوقه الغريبه هذي !!
طيب اذا ماتعرفين ترقصين ليه تفشلين عمرك ! ولا تسمين رج الكرشه رقص
روزي صحيح انا اكره الفنانات اللي مثلك
بس هذا مايمنع اني انصحك لوجه الله
اتركي الفن لأهله !! اتركي الكليبات لناسها
طيب احلفي بالله ان عندك جمهور
تفشلين قسم بالله
احلفي انك اذا رجعتي البيت ماتحسين بالفشيله من القرف اللي تسوينه
ولا اقول لك شي
لاتعتزلين يااختي اقعدي بس وطلعي كليبات وسعي صدرونا خلينا نضحك


،





.. هذا كل مالدينا نتمنى ان تكون هالزاويه ممتعه، ظريفه ، خفيفه زي الريشه ..