(
،، في سنوات عمرك الخاليه هل حجيت من قبل ؟ طيب هل
فكرت تحج ! اذا حجيت قل لنا
عن تجربتك
،،
واذا انت بـ هالعمر والى الحين ماحجيت وش تحتري
ياملا الصلاح
!!
هل كنت متخيل الحج كذا ؟ وش
شعورك وانت ترمي ابليس !
يعني هل وانت جالس ترمي عليه حصى تتخيل شكله قدامك
ولا لا ؟
وطيب لو طلع عليك وش كنت بتسوي
..
من جد يعني هل اعتبرت الحج فريضه
؟ ولا اخذتها كشته
مثل نص السعوديين
موقف طريف
لايمكن ان تنساه صادفك في ايام الحج ،،
وش كنت تتغدى وتتعشى ؟ يعني بالعربي
ذبايح و مفاطيح
ولا جبن البقرات الثلاث
وش رايك بنظام الحملات
،، هل استفادنا منها ولا الشعب
ماعندك احد ؟
،، )
استفتاء عرضناه لـ بعض
اعضاءنا وكانت تعليقاتهم كـ التالي
، ، !
( ابو هديب
)
أول شي احب أشكر
قناة الاقلاع
اللي اتاحت لي
الفرصة اني اعبر عن مشاعري وأتكلم عن
الحج
سواء بغرض العبادة والا بغرض
المكده على السيارة ونقل الحجاج
((
هذي لزمه لكل المواطنين السعودين انهم يشكرون القناة قبل
))
((
صورة كداد وهو يصارخ منى ،، عرفة حرك يا
حاج وامسك وزارك لا يطيح
لاننا نمشي على
سرعة ميتين ))
والله مثل ما قلت لك
مو مصدق ان الناس هالحين يشوفوني
((
صورة واحد بثر يأشر للكاميرا ثمن يصد شوي ويدق على
اهله ويقول تشوفوني ))
( في سنوات عمرك
الحاليه هل حجيت من قبل ؟ او هل فكرت تحج
؟ اذا حجيت قل لنا عن تجربتك )
مدري ليش
حسيت وانت تقولين في سنواتك الحالية كأني متعدي خط المية
واهلي
يمضغون لي ويحطون لي في صحن والا يهرسون لي
بطاطس مسلوق
عشان السنون طايحه ..
شوفي انا رحت للحج
ثلاث مرات وكلها في عمل ما حجيت
<< بلا والله من رداك يا قليل مخافة الله
(( صورة الوالده وهي تهزء بعد كل رحلة اجي منها
)) ..
وهناك اثناء العمل حصلت لي
مواقف كثيرة منها اني شفت ناس
يصلون وفيه مكان في طرف الزوليه
فاضي فصخت نعالي قبلها بمسافة
وجيت
اركض وما
دريت ان الارض مليانه
من هاك الشوك اللي يجي
شكله دائري ..
الوكاد اللي اذكره ما وصلت
للفرشه الا وانا منسدح يديني مليانه
ورجليني مليانه
والمصلين الله يجزاهم خير بعد ما
خلصوا شالوا الشوك ..
وصليت بعدهم وأنا
كاتم العبرة يوم ايقنت انهم راحو قمت اصيح ..
( واذا انت بـ
هالعمر والى الحين ماحجيت وش تحتري ياملا الصلاح
!! )
انتظربنت
الحلال اللي بتشاركني حياتي عشان نحج انا وياها سوى
لاني عارف اكثر
بناتنا ما حجو وعلى طول تلصق في ذمة الزوج
كنها لزقة ابو اسد وشوله نحج
اكثر من مره نخليها مرة وحده ونرتاح
عندي سؤال يا
بنت شيوخ ..
هل الحرمه تلبس احرام ابيض زينا
<< الاخ توه مسلم الظاهر
( نكتفي بـ الدعاء
لك بحجه قريبه مع حملة مصاريا
اشداء اشاوس بلا رحمه
.. يورونك الشغل مايخلونك تاكل ولا تنام الا
وانت واقف ..
عشان تعرف ان الله حق
)
ابو
النجاسه يا شيخ مع مصاريا مره وحده والله
من قوي الوجه
يجون ما معهم شي في الحج ويعيشون
عيشة ملوك هنا ..
طول الوقت مفيش حاقة وقف الله
(( الله يجزاك بالخير
))
ويعطونه ثمن يقول وهو يأشر
طيب الميه دي وقف وإلا بفلوس..
تقولين ايه وقف يقولك طيب الخبزة
اللي في إيدك
دي قبتها منين
<< يلمح بيقول اقسم لي ولا عرف يجيبها ..
واخر شي يقولك
متقيبي حته
..
السؤال الاول ..
( هل انت متخيل الحج
كذا ؟ )
والله لو انها
مدينة الملك عبد الله عشان اتخيلها
معروف الناس كلها تتحاشر هناك
وطق عجر مع بعضها
وفيه ناس جالسه في الظل
حاطة رجل على رجل متجاهله كل المارة
اللي يقولون
لهم يا عيال الحلال استروا انفسكم وهم تاكين بكل أريحيه
ووظيفتهم كل ما احد كلمهم والا
شافوا مشكله قالوا ( حج يا
حاج .. حج يا حاج
)
..
السؤال الثاني ..
( وش شعورك وانت
ترمي ابليس !
يعني هل وانت جالس ترمي عليه حصى تتخيل شكله قدامك ولا لا
؟
وطيب لو طلع عليك وش كنت بتسوي
.. )
شعوري شعور اي
مواطن مصري يرمي ابليس وهو يلعن ويشتم
ودموعه تنساب على خده
طراه ان بعض المصاريا ان بغوا
يرمون بليس لازم يجيب مشاكله الخاصة
ولزقها في
ابليس ويخليه هو السبب في اللي هو فيه ..
مثل انت اللي فرقت بيني وبين
مراتي ، والا انت السبب في ضياع الحواله اللي
بعتها من السعودية لمصر
((
والله لو ان ابليس شغال في البنك عشان يضيع الحاولة
))
بس الشهادة لله
يرمون بقلب في المرجم ولا يهونون اخوانا
الباكستانيين
ان بغوا يرمون في المرجم ما تطيح
في الحوض الا ومعها حاج من الجهه الثانية
موسمه في جبهته الحصاة
(( طراه قوة الرجمه عندهم كنها منجنيق
))
..
السؤال الثاث ..
( من جد يعني هل
اعتبرت الحج فريضه ؟ ولا اخذتها كشته مثل نص
السعوديين )
والله تبين
الصدق اخذتها عمل ثلاث سنوات وهالحين انا
ندمان اني ما حجيت
بس كل ما تذكرت اني ابتزوج وابحج
ثاني مره تخف نفسيتي شوي ومعد اانبها
عندي طلب يا
بنت شيوخ
"
ياليت وأنا اقول هالمقطع ما اطلعون وجهي وتخلونه اسود
مثل حقين
المخدرات ان سوو لقاءات معهم عشان الفشيله "
..
السؤال الرابع ..
( موقف طريف لايمكن ان تنساه صادفك في ايام الحج
؟ )
من ضمن السنوات اللي اشتغلت فيها
كنت اشتغل في مستشفى منى العام
نشرف ونزبط
ونوجه الحجاج يعني كأن حنا كفر سيكل
دوران اربعة وعشرين ساعه في
المستشفى ..
وانا هناك مستلم جتني حاله ..واحد
يون ويون ..
ناظرت فيه
وسألت السعودي اللي معه وش جنسيته قالي جنسيته
مصري ..
المسكين مصاب اصابه بليغه معد
فيه عضام مكسر تكسير طالع شكله كنه قرطاسه معفطه ..
قلت سلمات عسى ما كان مفترش على
الزفلت ووطته دينة
المراعي وهي توزع لبن على الحجاج
.. قال اللي معه
لا يا عمي وين
مطب صناعي .. هذا الله يسلمك جاء بيرجم دزوه اللي
وراه
وطاح من فوق في
وسط المرجم ..
وبينما هذاك يتكلم قام المصري
وقال ولاد الكلب رموني من فوء
وكله كوم والست اللي بتصرخ
كومتاني وبتؤول الشيطان طلع الشيطان طلع ..
والناس ما سدأت وقامت
تضرب من كل جهه ..
والله ما كذبت عليكم في هالمقطع
<< محد قالك احلف مصدقينك
..
وفيه موقف ثاني ..
<<
ما ينعطى وجه طفي الكاميرا وقولي له رح لبيتكم
امك متصله تقول جب خبز ..
الموقف كنا رايحين مع
الكشافه ايام حريق منى ..
وانا كان عملي
ارشاد الحجاج التايهين عن مخيماتهم ..
وانا في الميدان كان معي
سوداني ابوديه ويا زوجته
طبعا
السوداني شعره كنه اسلاك تلفون وسايح من الشمس وزوجته وراه
تقول
ااااااااااااي والله توبه ان جيت الحج تاني مره ..
وهو يرد عليها ازكري الله يا مره
لا يبطل حجك وتكلفيني هدي <<
تفكيرة في الهدي الزول
المهم وانا اوصلهم جت
انفجارات كبيرة وتصرخ العجوز الزوله
ااااااااااي
ايش هدى وهو يقول ازكري الله
لا يبطل حجك يا حرمه خليك ساكته شوي
الانفجارات
قامت تتوالى انا دخلني الخوف واناظر القى اللهب
فوق يطير
سألت اللي منحاشين
وش القصة ورد علي واحد يقول انابيب الغاز بتتفجر
مع حرايق المخيمات وجيت ابنحاش
وتذكرت ان هالسوداني وزوجته في ذمتي
ثمن قلت حرام اخليهم
<< يحسب عليه هدي لو خلاهم
جيت عند
الزول وقلت له حاول تسرع الحريق بيشوينا كذا
قال ما عندك مشكلة يا ولدي
المكتوب على الجبين لا بد تقراه
العين .. جلست اقنعه انه يركض وهو يمشي ببطء
الين قفل جوي وقلت له انت يا
زول ما عندك مشكله لو ناشتك النار
مهيب مسببه لك
مشاكل في البشره <<
طراه السواد القاتم ..
والحرمه ورانا تمشي وهي تدعي
يارب ..
يارب .. نجينا من المهالك والعالم زحمه
والناس توطي بعض .. وحنا نمشي
لقيت عجوز من شرق آسيا
تمشي قدامي اسم انها تركض هالحين
..
وهي تركض
طاحت والناس يتدافعون ويوم شفتها طايحه في طريقي
ما دنقت عشان اشيله
القطتها من شعرها وانا اركض لانه
صعب الواحد يدنق لو توقف بس وطوك
بعد الانفجارات ما هدت جلست انا
والزول وسألته قلت وين حرمتك قال يا أخي
سيبك منها والله الواحد بيغلط
غلط كبير لما بيحج ومعاه حرمه .
. قلت قم دورها ورحنا ندورها
لقينها منسدحه عند البراده وخمسين وطيه في رجليها
العالم موطين سيقانها ..
منظر
سيقانها السود والوطيات بيض طالع شكلها كنها
شارع مليان عيون قطط
.. وموقف ثالث ..
لما طلب مني واحد من العيال
اشتغل معه سواق في الحمله حقته لان السواق
اللي معه سافر
ومتوهق رحت معه بالميكروباص
(( سيارة الخبز بس فخمه شوي
))
حملت ناس في السيارة وناس فوق
التنده ..
وانا امشي في
مكه دخلت من تحت شي وكان فيه علامة بارزة فوق ..
الظاهر تعني الارتفاع وكان فيه
حاج واقف فوق السياره ما شافها صفق راسه
من ورى فيها وخبط من فوق السيارة
والناس اطق طق
من فوق التنده يبغوني اوقف وقفت لقيت الحاج ممدد على الارض
ووزارة واصل لصدره والعالم تصد
والمصاريا الله حدي يستر الراقل .. جيت غطيته
وقلت احمد ربك اني مانيب مسرع
والا كان طلع راسكخبز تميس من قوة الرصعه
<< بيجح يسمع بنظام هاجمه قبل ما يهاجمك ..
..
السؤال الخامس ..
( وش كنت تتغدى
وتتعشى ؟ يعني بالعربي ذبايح ومفاطيح ولا جبن
البقرات الثلاث
!! )
نتعشى في العمل واللي يحطونه ما
نقول لا (( الشباب قطاوة
ما عندهم مشكلة ))
مره رز ومره نواشف بس اكثر
شي طرحني في الفراش
وخلاني اتلوى عصير التانج كانوا يصلحونه في
الترامس
حقت الموية نفس اللي في الحرم ..
وكانت طريقة تصليحهم تخلي اي موظف في البلديه
لو كانت ذمته وسيعه يرجع لصوابه
ويتخذ في حقهم اجراء صارم أن ما خاب ضني حكم الاعدام
((
انا اشهد اني فاهم في القانون المدني أجل اعدام
))
اجل يحركون
الترمس بالمغرفه والا بقطعة خشب
ونصف يده تسبح فيه
<< حامت كبود الناس قالت قل وش كنت تاكل ما قالت
سد نفسنا !!
..
السؤال السادس ..
(
وش رايك بنظام الحملات
؟؟ هل استفادنا منها ولا
الشعب ماعندك احد ؟ )
الحملات اول ما تجينهم تلقين
المكان فخم والبروشورات شي وش اقولك
تشمين عطر
شانيل فيها
ومكتوب في برشوراتهم
باصات مكيفه على اعلى مستوى ..
مقر
قريب من الجمرات بين قوسين طلع طرف رجلك من عند باب الحمله
ومد يدك وارم وتطيح في الجمرات
على طول وان
ما طاحت يوجد لدينا
شخص يشيلها ويطيحها لك ..
الاكل
وجبات فاخرة وكذلك يوجد لدينا سبل ترفيهيه لجميع الحجاج
(( مكسرات مع شاهي الضحى ))
(( مسابقات خفيفه وجوائز قيمه خلاط ، ثلاجة
، فرن ))
حطو الجوائز
بدون ما يفكرون ان الحاج ما عنده
في لبسه مخابي عشان يشيلها
<<< محشش وش يشيل الثلاجه تكفى
هذا البرشور كذا وان جاء وقت الجد
..
تلقين
المواصلات تبيس خط البلده ومكتوب عليه
تمسك جيدا نحن
غير مسؤولين عن فقدان امتعتك وكذلك غير مسؤولين
لو انقلب
الباص وحصل لك كارثه كوفاة الله يقومك بالسلامة <<
قايلكم بعض الحملات محششين وش وفاته
ويقومك بالسلامة
شكل اللي كاتبها يسمع بالمواساة
والباص
مقسوم بشرشف مخطط حق هندي شغال على لموزين
قايلهم
خذوه انا ابروح مواصل للعمل ..
الحريم في الجهه الخلفية والرجال قدام
وانواع ريحة الصنان كل اللي في
الباص هنود يحلفون يا شرايين المخ تتفجر
من زيت
السفرجل انا اضمن لك انك توصل لمكه وانت مالبيت ولا مره
((
لانك بتكون في حالة اغماء ))
الأكل على الخط فطيرة لوزين مع
عصير ربيع فيتامين سي
((
طراه انهم كاتبين في البرشور وجبات تحمل الفيتامينات
التي يحتاجها الحاج ))
والسكن في منى يبغالك تمشين يوم
وليله ومعك كرتون من الكريمات
عشان
المشق وان وصلت لقيت وقت الرمي قد طلع عشان كذا لازم توصي ناس
من اللي تعرفهم ساكنين في مكه
يجمعون لك حصى من مزدلفه وتواعدهم في منى
<<
كشته يا عمي ذي والا حج !!
اغلب الحملات
فوضة بصراحه ..
وفيه حملات والله تجيب جهدها بس
يضل فيها
قصور ..
حنا مشكلتنا
عدم المصداقية اللي نقراه غير اللي نشوفه
واخيرا وليس اخرا
احب
اشكرك على هالاسئلة
واتمنى ما اكون طولت
<<
اهم شي انك تتمنى والا الواقع تراك طولت
..
مشكورة ..
(
البــنز )
السلام عليكم ورحمة الله وبركاته
(
في سنوات عمرك الخاليه هل حجيت من قبل ؟
)
أكـثر
من مره ولله الحمد والمنّه
(
او هل فكرت تحج؟ )
لا ما فكرت
رح احج وانا مأجر مخي (
الله من زين السؤال بعد يا
مذيعة الاخبارية )
(
اذا حجيت قل لنا عن تجربتك،،
واذا انت بـ هالعمر والى الحين ماحجيت
وش تحتري ياملا الصلاح !!
)
تجربتي
في الحج تبي لها عدد كامل من
مجلتكم ..
لاني حجيت
اكثر من مره وكل مره احج بطريقه غير
(
أخـر مره حجيت مع حملة "رصيف
الاحسان" يعني علىباب
الله
شعور جميل
انك تحج وانت في هيئة مصرية تبطّح في توسعة الحرم
..
وترقد على
الرصيف وتمسك سراا
على
دورات مياة
وتذوق مرارة
قلةّ الحيلة ) <<
ياصبر "الهوملس"
اللي كل عمرهم بدون بيت و لا مأوى
..السؤال
الاول ..
(
هل انت متخيل الحج كذا ؟
)
ما ادري عنكم
ياعيال ذا الجيل ؟ اللي
يسمع اسئلتكم يقول هذولا
مهوب من بلاد
الحرمين
ترى العمره في رمضان (حج
أصغر)
بما فيها من زحمة و مدااحم
مصااريه و افاارقه
بس الفرق
بين عمرة
رمضان و الحج (
الكشته في منى .. والوقفه في
عرفه ) ؟!
.. السؤال الثاني ..
(
وش شعورك وانت ترمي ابليس !
يعني هل وانت جالس ترمي عليه حصى تتخيل شكله قدامك ولا لا
؟
)
شعور أي
مواطن يحب الـترجيم
بس بيني وبينكم في
حزّة الرجم مافيه امل الواحد
يتخيل شي ؟ ( نفسي
نفسي )
(
وطيب لو طلع عليك وش كنت بتسوي ..!!
)
كان
اعلم عليه اقرب حاج مصري
(
من جد الحجاج المصااريه عندهم
الجانب العاطفي قوي ...
وتحسهم يتفااعلون مع
الرجم .. ولو يتوهق بليس
ويطل مع دريشة
المرجم طلّه وحده
.. ان ينتفونه تنتيف
)
<<< عااد انتم دوروا
دريشة المرجم براحتكم
..
.. السؤال الثاث ..
(
من جد يعني هل اعتبرت الحج فريضه ؟
ولا اخذتها كشته مثل نص السعوديين )
الحمد لله منيب اعتبرها
كشته ابد ...
لسبب بسيط وهو اني
ابحث عن الرفقة الصاالحة ..
( ترى
الرفقة في الحج تعين
و
تعااون )
بعض الناس الله يهديهم يركزّ على الحملة والا
على وسائل الراحة
ويكتشف بعدين انه في
قروب (
صفحة محجوبه) مهوب في حج
!
( طرّاه ان بعض الحجاج الله يهديهم
ما تزين لهم السوالف
في الأمور
الدقاااقه الا طقّموا بلس الاحرام
)
.. السؤال الرابع ..
(
موقف طريف لايمكن ان تنساه صادفك في
ايام الحج ؟ )
موقف طريف
و مهبول بعد ..
منيب ناسيه
ابد
واحدن من الشباب مشى من عرفه الي
مزدلفه على رجليه ..
يوم وصل
مزدلفه ولااااه مقصّر ومحتاجلدورة المياة
..
وطبعاً
دورات المياة في
مزدلفه يجي عليها زحمة تروع
!
اخينا في الله
.. وقف في السراا
..
وطبعن
السرااواات كانت جنب بعض كنّك في طريق هاي وي
مزحوم ..
كل سراا
مقابل حمام ( وانتم
بكرامه )
يوم
وصله الدور ويدخل في الحمام
هو واللي واقف جنبه في
نفس الوقت
(
كل واحد دخل حمام )
وكان اللي واقف جنبه
مزنووووووووووق مررررررره
وبطنه موجعه
يوم صك باب
الحمام وهو يطلق العنان لبطنه
(
انواع الأصوات والصجه والروائح
)
قاام خوينا وفتح باب حمامه
وطلع علينا وقال
: ترى مهوب انا
... تراه اللي جنبي
( خايف نتهمه
)
.. ( موقف ثاني ) ..
العام الماضي
الحج كاان برد ..
يوم وصلنا
مزدلفه ونمنا ساعه ويقوم ولد عمي ويجي
يقوم اخوي
قال اخوي وش فيك ؟
ورى ما تنوم
؟
قال : وشلون تبيني انوم
وذا السبهه داخل معي في فراشي ؟
اثر فيه
حااج مصري كله البرد ..
وجاء وفتح سحّاب
( السليب بااق
) حق ولد عمي ودخل
معه في الفراش
..
(
من جد قووووة عين )
يوم جاء
اخوي وسحبه بكراعه وطلعه من كيس النوم
( تسنّه ساحب
ضب بعكرته )
وقال له :
خير .. خير ...
ليش تقتحم على الولد فراشه
؟
قال الحاج
المصري : يعني عاااوزني
انام في البرد !!
.. السؤال الخامس ..
( وش كنت تتغدى
وتتعشى ؟ يعني بالعربي ذبايح و مفاطيح ولا جبن
البقرات الثلاث !!
)
نصيحة
لوجه الله ..
اللي بيحج لا
يحرص على الأكل ..
لانك
بتبلش بعدين بالبحث عن دورة مياة
..
او بتتعرض
لتسمم ثم تصير تسنّك عجوز هنود ماغير
اخوياااك
يشيلونك في
"زوليه"
تسنّك ميت !
.. السؤال السادس
..
(
وش رايك بنظام الحملات ؟ ؟
هل استفدنا منها ولا الشعب ماعندك احد !!
)
نظام حلو .. بس يحتاج الي
ثقة ومتابعه ...
لانبعض
الحملات احيانا توعد الحااج باشياءولا تقدر توفي
بها ...
ثم
يروح حج الحااج في هواش مع اهل الحمله
كل عام وانتم بخير ..
و تقبّل الله منا ومنكم صالح الأعمال
( طخ طيخ
) ..
هل انت متخيل الحج كذا ؟
لا والله متخيله اصعب من كذا في اماكن معينه واماكن
اتوقع انها اسهل وتكون موت حمر بتقولون فصل لنا بقول مثل الطواف في الحرم كنت
متوقعه موت خصوصا وان ربع كشب كشب (
جماعه عروق نجد ) كل
شوي خاطمين لكن ولله الحمد تساهيل
واللي توقعته سهل مثل عرفه ومزدلفه لا والله الا
موت حمر وتعب فيه مهوب طبيعي ولا تهون ريحه الديزل
من الباصات تحس انك مخنوق وما تتطعم الا لريحته وفي هالمنطقة اكثر اللي يمرضون
السؤال الثاني
وش شعورك وانت ترمي ابليس !
يعني هل وانت جالس ترمي عليه حصى تتخيل شكله قدامك ولا لا ؟
وطيب لو طلع عليك وش كنت بتسوي ..
شعور اي مواطن سعودي يرمي ابليس وعن تخيل شكله لا
والله ما تخليته لان هذي نصب وليس ابليس فعلا ولا كان صار فيها
تهريب اسلحه
لو طلع لي ابليس بقول معليش يابو الشياطين مشبه
السؤال الثالث
من جد يعني هل اعتبرت الحج فريضه ؟ ولا اخذتها كشته مثل نص
السعوديين
ان شاء الله انها فريضه وعسى الله يقبلها وما كان فيه مجال
للكشتات لان هذي ممكن تركب على الزقرت غالبا لكن انا كنت حاج بالوالده فما
فيه مجال للبزوطه
السؤال الرابع
موقف طريف لايمكن ان تنساه صادفك في ايام الحج ؟
والله هو طريف محزن وكل شي يوم كنت اطوف طواف الوداع
كانت الدنيا زحمه وانزل انا وامي الحوض ونطوف يوم وصلنا الى منطقه مقام
ابراهيم الا مجموعه من الايرانيين الا يصلون خلف
المقام ومسوين حلقه حسيت بالضغط والزحمه ولا عاد
يمديني اتحرك يوم التفت الا ربع كشب كشب جايينك كنهم ذود بعارين وانا ادف
الايراني برجلي وهو يختفي وسط الزحمه قال ايش قال محد داخل
السؤال الخامس
وش كنت تتغدى وتتعشى ؟ يعني بالعربي ذبايح ومفاطيح ولا جبن
البقرات الثلاث
والله على حسب جدول الحمله لكن بوفيه مفتوح بالصبح
والغداء والعشاء متنوع
السؤال السادس
وش رايك بنظام الحملات ؟؟ هل استفادنا منها ولا الشعب
ماعندك احد ؟
والله الحملات حظ ونصيب الحمله اللي رحت فيها واسمها احمد
بن حنبل فاشله بقوه لدرجه ان صاحبها
اخر الايام فتح صاله وقام يسكن العالم على 150 ريال
اليوم لانها مهيب خيام كلها صالات والمرجم قدامنا وما تركناه جبنا الوزاره وسجلنا
شكوى عليه ولكن ما هونها الا كم واحدن تعرفت عليه
كلهم رهيبيين
وما اقول الا جعلها نار ببطنك يا راعي الحمله
وفي نفس الوقت واحدن من الربع وقتها يقول لي امش خلنا نروح بحمله وحده احسن ولكن
غرتني الدعايات لها لانها كانت قويه وحمله الرجال
كان لها دعايات لكن مو مثل قوه الحمله اللي رحت فيها وهذا هو رجع يدعي لهم
وانارجعت ادعي عليهم
ولكن تجربه واستفدت منها لاتغرك المظاهر والدعايات
واستضافه فلان وعلان اسئل عنها واسئل اللي
قد جربوها
تحياتي
( سيل الظلام
)
في سنوات عمرك الخاليه هل حجيت من قبل ؟
نعم ولله الحمد <<< افريقي
توّه مسلم
او هل فكرت تحج ؟ اذا حجيت قل لنا عن تجربتك ،،
قلنا ايه حاج ولله الحمد
وهذا بعد تصريح الحج يعني حج نظامي ميه بالميه خخخ
واذا انت بـ هالعمر والى الحين ماحجيت وش تحتري ياملا الصلاح
!!
تدورون حرش انتم ؟؟
قلت لكم