.
.
.





.. ( Mr.DoOOoDY ) ..



* .. أخر مره ضحكت .. وليه ؟

آخر مره بالضبط كانت آخر نومة لخويي الملجلج وكانت من سنة ونص تقريبا ً
المراد وهو نايم حطيت في يده كاتشب واحرك خشمه بمنديل وانواع الفرك في وجهة

:


* .. اخر مره بكيت .. وليه ؟

منذ برهة .. يوم دريت انك حاصل على رز ( الوسام )

:

* .. آخر مره اهديت هديه .. وبأي مناسبه ؟

في يوم الفراغ العالمي .. عطيت صديقي اردى ميرندا الي لونها بنفسجي

:

* .. آخر مره وقفت ع الميزان ؟

من ثلاث سنوات يووم اجدد الاستمارة

:

* .. آخر مره قريت كتاب .؟

في التوقيف من ثلاث شهور كتاب بعنوان .. " سق زين ولا بتقرأ ذا الكتاب دايم "

:

* .. اخر مره حسيت بـ الذنب .. وليه ؟

الذَنب من الذيل ولا الذنب من الخطيئة يعني ؟

:

* .. آخر مره رحت الدكتور ؟

من شهر رحت اتبرع بالدم وكرشوووني .. يقولون دمك خفيف مايصلح
<< ( يسمع بالترقيع )

:

* .. آخر مره كذبت ولو كانت كذبه بيضا ؟

امس قالي ابوي وين بتروح له ؟ قلت بروح لغرفة نومي .. وفي الحقيقة رحت للمجلس

:

* .. اخر مره عملت رياضه ؟

أطارد قطو في الحوش

:

*..آخر مره تكلمت مع ابوك ؟

يوم يسألني وين ابروح له (( تجدون الجواب في السؤال الي قبل قبله ))

:

* .. آخر مره شفت الاخبار ؟

يوم ينزلون البنزين .. وفي الحقيقة هذا مثال كذبة بيضا .. امس شايفها

:

* .. آخر مره تهاوشت مع احد ؟

من عشر سنوات ولااذكر بالضبط متى ,, من كثر ماانا محبوب لدى العالم ماشاءالله

:

* .. آخر مره تعشيت مفطح ؟

عيد ميلاد صديقي في البر .. قبل الحج

:

* .. آخر مره قلت ياصبر الارض ؟

يوم شفت واحد مره دوب .. حسيت الارض مسكينة قاعده تتعب (( وجه فاهم غلط ))

:

* .. متى آخر مرة حسيت أنك مالك محل من الإعراب ؟

قبل مااأوصل هالسؤال .. بالضبط يوم قريت حرف الكاف من قولك ( انك )

:

* .. متى آخر مرة حسيت ودك تصطر الي قدامك ؟

دخلت محل اتصالات قلت عطني شحن سوا .. قال سوا ولا مع بعض ‍‍ ‍‍!!

:

* .. آخر مره جتك رساله ع الجوال .. وش كانت ؟

خدمة كملني من الانفصالات
الرجاء الإتصال على +966999

:

* .. آخر مره تأسفت من أحد .. ؟

واحد ماتت جدته رحت اتآسف له (( وقتها كنت توني شايف فلم ))






.

.
.
.






.. ( انا وعـه ) ..



* .. أخر مره ضحكتِ .. وليه ؟
كل مره اسمع فيها بوش يقول " نحن لا نستهدف الأبرياء ونريد القضاء على الإرهاب "

:

* .. اخر مره بكيتِ .. وليه ؟
من اسبوع .. يوم قال السنيوره " عروبتنا ليست مشروطه " في إجتماع وزراء الخارجيه .. مزعج جداً إحساسك بالعجز وقّل الحيلة !

:

* .. آخر مره اهديت هديه .. وبأي مناسبه ؟
تصدق اكتشفت اني حضرميه من زمان ما اهديت احد شي !
بس آخر مره كانت من حوالي الـ 6 شهور أو أكثر والله ما أذكر بالضبط ..
الشخص المُهدى " صديقتي " والمناسبه " زواجها "

:

* .. آخر مره وقفتِ ع الميزان ؟
اليوم

:

* .. آخر مره قريتِ كتاب ..؟
الله لا يقطعها من عاده منيب افقد الكتاب الا نادراً ..
حالياً باديه في واحد ..

:

* .. اخر مره حنيتي شعرتس .. ؟
أول مره وآخر مره ان شاء الله .. أول هالصيف حنيته
لا عاده الله من حنه قلب لون شعري برتقالي غديت تسني زيديه

:


* .. آخر مره رحتِ الدكتور ؟
من رمضان الي راح .. طلعت من عنده وبيدي ورقة تحليل دم معطيني اياها .. قال لي حللي وارجعي لي
ومن يومها إلى يومك .. السحبه الأليمه

:

* .. آخر مره كذبت ولو كانت كذبه بيضا ؟
الأربعاء الي راح كذبت كذبه كادت ان تودي بحياتي الإجتماعيه
كنت في مقهى مع بنت عمي واختي واتصلت علي " وحده من زميلاتي " في البداية ما كنت حابه أرد لأنها قرقه و كلامها الله يحفظها ما يخلص .. رديت عشان مااضطر ارد المكالمه .. المهم سألتني : وينتس ؟ قلت : في الدوام ! .. سكتت شوي بعدين قالت : طيب ترانا في الطاوله الي وراكم
ماعليك من نفسيتي بعد الموقف .. بس السؤال الي مالقيت له جواب .. انا وراي كذبت عليها ؟

:

* .. اخر مره عملتِ رياضه ؟
من وقفوا " ما إلك إلا هيفا "

:

* .. آخر مره تكلمتِ مع امتس..؟
قبل شوي

:

* .. آخر مره صنفرتي ركبتس ؟
معليش بس وشو يعني صنفره !

:

* .. آخر مره تهاوشتِ مع احد ؟
أمس .. في الدوام وبـ هالمناسبه برايفت للي متهاوشه معه / كلمة كانت في خاطري وما قدرت اقولها لكـ
" كـل تبـن "

:

* .. آخر مره تعشيتِ همبرقر ؟
الجمعه .. إذا منيب غلطانه

:

* .. آخر مره قلتِ ياصبر الارض ؟
أمس برضو بنفس الهوشه ولنفس الشخص بس أضفت عليها " على مواطي البقر "

:

* .. آخر مرة حسيتِ أنتس مالتس محل من الإعراب ؟
يا كثرها .. بس الي في بالي صار الصيف الي راح .. كانت ملكة اخوي المهم .. لما دخل على زوجته
كلنا كنا معه جلسوا اهلي شوي وطلعوا عشان يخلونه لحاله معها خصوصا ان اخوانها أكيد بيدخلون .. انا كنت لاهيه بفستاني اقطع الخيوط الي منسّله من تحت وسرحانه جد ما استهبل .. يوم رفعت راسي ولا الغرفه فااضيه مافيها الا اخوي وزوجته وكل واحد منهم جالس بجهه ويناظروني .. على بالي بستخف دمي قلت " اووه ما شاء الله انتم هنا ! "
رد علي اخوي وهو يحك حاجبه بنظره مفادها " فارقي يا العنز " تحسب عاد اني حسيت على دمي وطلعت ! لا والله بتلت ناشبه اسولف مع زوجته .. والولد يا حوّل يباحرني بعيونه ويضرس يوم جت ام البنت تقول بيدخلون اخوانها قلت .. أجل أستأذن انا

:

* .. آخر مرة حسيتِ ودتس تصطرين الي قدامتس ؟
آه بس
البارح بالليل .. دخلت غرفتي لقيت ولد اختي طامر على التسريحه ومسوي تسونامي المكياج !

:

* .. آخر مره جتك رساله ع الجوال .. وش كانت ؟
اليوم العصر ..
المسج [ رجعي فلوسي يالعنز بعدين موتي محدن رادتس ]
المرسل : أخوي
المناسبه : رداً على مسج كنت مرسلته له [ لو كان اليوم آخر يوم في حياة صاحب هالرقم .. وش الكلمه الي تحب تقولها له ؟ ]

:

* .. آخر مره تأسفتِ من أحد .. ؟
الحين .. اعتذر عن المصاله آنفة الذكر وان تساني دبلت تسبدك فما احد قالك تسألني







.

.
.
.






.. ( ملكة نفسي ) ..





* .. أخر مره ضحكتِ .. وليه ؟
كنت بمركز ... وكان المطوع حق الهيئه يركض بأسرع ماعندوه يلحق لوه ولد هههههههههههههههه
كان شكلوه تحفه الله يجزاه خير ويعينوه

:

* .. اخر مره بكيتِ .. وليه ؟
قبل امس يوم جيت انام مليت الوساده دمووع..

لانه متجمعه علي وودي اطلع الي بقلبي

:

* .. آخر مره اهديت هديه .. وبأي مناسبه ؟
اهديت اخوي خنجر بمناسبت تخرجوه من الابتدائي عشان يتولم للمتوسط والمراقع <=-=جيزانيه
وبوه قبله.. كد اهديت صديقتي كميرة تصوير فوتغرافيه
فيه كثيير كد اهديتهم بس يعرفون يوزري
اخاف يقولون جابت لنا هدايا وقامت تمن بهن

:

* .. آخر مره وقفتِ ع الميزان ؟
انا طبيعتي كل يوم اول ما اصحا اروح ركض على الميزان اشوف وزني وش صار عليه
<==اشش يالشهبه
الصتز
من زماان وكل مره ما يتغير هو هو ان نقص ما زاد

:

* .. آخر مره قريتِ كتاب ..؟
قبل كم يوم كان بيدي كتاب لقماشه العليان ((عيون قذره))

:

* .. اخر مره حنيتي شعرتس .. ؟
يعععععع حناء ((وجه ساد خشموه ))

الصتز قاطعتن الحناء لي كم شهر
عشان بصبغوه

:

* .. آخر مره رحتِ الدكتور ؟
ايام الشتاء جتني صخنه كانت تبي تجي لبعير واخطت وجتن
بغيت اموت منه وقسم صرت ما اقوا اصك اثمي

:

* .. آخر مره كذبت ولو كانت كذبه بيضا ؟
اصتغفر الله بس انا اتسذب ..!!

<=-=تصتغفر وتتمسوك

:

* .. اخر مره عملتِ رياضه ؟
الصراحه انا اقدرر الشيحمات وادور شي ينبتهن
عشان تسذا ما احب الرياضه ابد ولا عمري فكرت به

:

* .. آخر مره تكلمتِ مع امتس..؟
اليوم الصبح بالمسنجر

:

* .. آخر مره صنفرتي ركبتس ؟
اش بس

:

* .. آخر مره تهاوشتِ مع احد ؟
ما اتذكر من كثرهن لان بين كل هوشه وهوشه ..هوشه
بس لا صارت النفسيه دمار اتهاوش مع ظلالي

:

* .. آخر مره تعشيتِ همبرقر ؟
انا احب البيتزا

اخر مره اكلت برقر كنت طالعه مع وحدتن تقرب لي وصديقاته
وكانت البرقر حقتهم كبر قريح وجابو لي شوكه سكينه
وحقته وخربته لين ما صارت مرييس من كثر ما احاول اقطعه..

والظاهر ان الي معنا كانت ناويتن تخطبن وهونت

:

* .. آخر مره قلتِ ياصبر الارض ؟
قبل فتره كنت جالسه عند جدتي الله يطول بعمره وهي عجوز كبيره يمكن عمره بالسبعين ,,,
دخل واحد من خوالي عليه عشان سالفه باااايخه طول لسااانوه وقام يصارخ ويلايط ويتلفظ عليه ولا كأن الي قداموه اموه لا وعجوز بعد

ماطلع منه الا لمين صاحت وقامت تدعي له ان الله يهديه

:

* .. آخر مرة حسيتِ أنتس مالتس محل من الإعراب ؟
اختي العرده قومتن من نومي تبين اطلع معه مشوار يوم قمت وغسلت وجهي ولبست عباتي وطلعت معه
اخرته لقت صديقاته وراحت معهم وخلتن لحالي

:

* .. آخر مرة حسيتِ ودتس تصطرين الي قدامتس ؟
ياكثر ما يجين هالاحساس

آخر مره جالسه بأمان الله وتجيك اختي الصغيره ام خشم متسدد
وتدخل يده بشعري وتقولي ملكه ورا قرعتكي حاااره

المشكله بوه احد انا جالسه اتميلح عنده من الصبح :$

:

* .. آخر مره جتك رساله ع الجوال .. وش كانت ؟
غير رسايل الكول مي الي جابن لي المرر

بأمانه هذي اخرهن

ردي يابقره.. لو انتي قدامي كان صكيتس بالجوال مع جبهتس <=-=من اخوي الحنون

:

* .. آخر مره تأسفتِ من أحد .. ؟
ذكرتون يومي بزر يغصبن ابوي اروح احب راس امي عشان ترضى حتى لو هو الي مزعله

الغالب معصي اتأسف
 

.
.
.





.. ( فلافل الفلافل ) ..





* .. أخر مره ضحكت .. وليه ؟
قبل كم يوم كنت اتفرج على قناة ارتيريا وكان فيها برنامج منوعات
غنائيه يعني مثل ما يطلبه المشاهدون شوي الا يطلع مطرب لابس بدله
فيها كل الوان قوس قزح وجالس يغني جنب سطل زباله(تكرمون)
وطول ماهو قاعد يغني وفي ذبانه ما خلت مكان براسه وبوجهه الا
وفرملت عليه تحس ان الاغنيه على الهواء مباشره وبدون تقطيع
يعني نسخه اصليه

:

* .. اخر مره بكيت .. وليه ؟
قبل فتره عند فشل عمليه لامي

:

* .. آخر مره اهديت هديه .. وبأي مناسبه ؟
اخر هديتي كان لجدتي عشان تعرف تاكل(طقم اسنان جديد )
وكان مقاسه مقاس فك ديناصور <==== بنتغتالني جدتي قسم

:

* .. آخر مره وقفت ع الميزان ؟
الاسبوع الماضي وطلع وزني 80 كيلومتر مكعب

:

* .. آخر مره قريت كتاب .؟
كتاب The Balck Arrows للكاتب روبرت ستيفنسون وما بعد
خلصت من قراته <======= منت بسهل يا فلافل ارسطو

:

* .. اخر مره حسيت بـ الذنب .. وليه ؟
كنت قبل كم يوم بالبنك وكان في هندي بيطلع من باب البنك والباب
كان قزاز وشفاف وشوي الا اشوف الهندي متحضن الباب براسه
تقول انه هدف ماجد بمنتخب ايران و اغمي عليه بصراحه
في البدايه ضحكت بس بعدها حزنت وحسيت اني ما المفروض اضحك
والمفروض اني اموت من الضحك <======= نذل

:

* .. آخر مره رحت الدكتور ؟
قبل 4 شهور ولله الحمد

:

* .. آخر مره كذبت ولو كانت كذبه بيضا ؟
من شوي يوم قلت لجدتي ازايك يا قميل == تشبه ياسينو

:

* .. اخر مره عملت رياضه ؟
كل يوم

:

*..آخر مره تكلمت مع ابوك ؟
من سنه قبل وفاته

:

* .. آخر مره شفت الاخبار ؟
من شوي بغرفة جدتي

:

* .. آخر مره تهاوشت مع احد ؟
برضوا مع جدتي اللي مسويه فيها محلله سياسيه وهي من جنبها

:

* .. آخر مره تعشيت مفطح ؟
الاسبوع الماضي بزواج واحد من زملائي

:

* .. آخر مره قلت ياصبر الارض ؟
كل ما شفت جدتي

:

* .. متى آخر مرة حسيت أنك مالك محل من الإعراب ؟
قبل امس بشقة خوياي يوم نزلوا حريفة البلوت وانا حدي اونو

:

* .. متى آخر مرة حسيت ودك تصطر الي قدامك ؟
لو في قانون عندنا يسمح بتصطير الجدات النشبات كان يوميا
اصطر جدتي الغاليه

:

* .. آخر مره جتك رساله ع الجوال .. وش كانت ؟
من ثواني والله من زميل لي حضرمي وطبعا الرساله كلكم
تعرفونها ( الرجاء الاتصال )

:

* .. آخر مره تأسفت من أحد .. ؟
لـ مضطهد لاني تاخرت بالرد