هذا يآ جماعة الربع مأخذ(ن) لي بطاقـة موبايلي وأحد العصريات وأنا بنام ولا يـدق علي رقـم المهم رديت وأنا بكامل لياقتي العقليـة ألـّو ... ألـو .. صوت بنـت هنديـة / بآبآ بشيـر أخو أنـا ويـن .. أنـا / يآ بنـت الحـلال وش بشير قسمـّن ما أعرف بشير والجـوال هـذا مأخذه اليـوم وبشيـر مدري وينه ولا أعرفـه ... الهندية / بآبآ أنا أخـت بشيـر مآمآ موت بآبآ موت كل عائلة موت مآفيـه واحـد مآبـّي موت ألا بشـير أخو أنا بـآبـآ شوف ويـن بشيـّر .. أنا / وش المصيبـة هـذي مـن ويـن أشـوف لك بشيـّر أنتي كاسرة خاطـري ولكن مآفيـه بيدي شـيء أخـدمك أذكري الله وسمـّي بالله ونآمي وإن شاء الله مهنـآ خلاف ... الهنديـة / بآبـآ .. أنت معلوم أنا مآفيه أحد بعد الله غيـر أنتآ شوف بشيـّر ويـن .. أنا / خـلاص أنا بشـوف لـك بشيـر أنـتي بـس لا تبكيـن ولا راح يصيـر ألا كـل خيـر أشربي المـاء وسمي بالله وإن شاء الله بشيـر راح أجيبـه لك مـّن تحـت الأرض وأخليه يكلمـّك ..الهندية / أنا ماعندي مويـّه وشلون أشـّرب ..أنا / وش المعـآنآة هذي مهوب لأزم تشربـّي سمي بالله بـس وفكينـا وبشيـر راح أجيبــه .. مـع السـلامـة

قفلـت السمآعـة وأنا حآلتي حالة ولا أدري وش أسـّوي مع بشيـر هـذا البنـت كسرة خآطري والجـّو عندنا بالعصـّر ربيـع والبنـت مآتوا كـل أهلـها مآ بغيـت ألا أنـا سنـد لهـا بعـد الله ولازم أبيـن رجولتـّي بهـذا المـوقف طلعـت مـن البيـت وأنـا قآفلـة معـي رحـت لمحـل ألي أخـذت مـنه الموبآيلي يآ حبيبـّي الرقـّم هـذا مـا تعرفـ صاحبـة الأصلي ألـي بـآع لك الجـوال .. راعي المحل / والله يآ حبيبي منيـب أعرفـه ولكـن بسنـد لك جـوز نصيحـة ... أنا / رآعي حمـآم يالحبيـب .. راعي المحل / لا والله يآ خوي بـس هوايآت مثل ما يقـولون ولكـن مآ علينـآ راح أوصـف لك محـلات تجمـع الهنـود أنـت رح هنـاك وراح تشـوف خـويك هـذا وبعدهـا تفـاهم معـه ... أنا / تكفـى يالحبيـب وصـفه لـي بسرعــة ...

وصـف لـي رآعـي المحـل سكـّن وتجمـع الهنـود وأنـا مآ صـدقت خبـر رحت هنـاك ولكـّن صار شـيء كسـر مجاديفـّي وخربـش مشآعري وخلل العآمـّود البنكريآسي بأن السكـّن والمنطقــة هـذي فيهآ أكثـر مـّن 300 هنـدي وش السـواة .. قلـت مآ فيـه ألا أصـرخ بشـير تعـال .. وابـدأ بالصراخ بشـير تعـال عنـد السيـآرة ... ويدرعـّم علي تقريبـاً 10 كلهـّم اسآميهم بشيـر وأمسـك الأول أقــول عنـدك أخـت بالهنـد الأول قـال لا والثآني قآل إيـه والثـآلث لا .. والرآبـع لا يعنـي زبـدة الحكـّي طلع لـي ثـلاثـة عنـدهم خوات والبآقـي لأ .. مسكـت الثـلاثـة على جنـب وأتصلت على الهنديـة البريئة كلمت الأول قـآلت / بآبآ هـذا مافيـه بشيـر شوف نفـّر تآنـّي .. وامسـك لهـآ الثآنـي وأقـول أسمعي صوتـه / ولمـن تسمـع صـوته تقـول هـذا أخـّو أنا ويبـداً يشغلنـا معهـا سـوالف وبكـّي وهـّي تقـوله أبوك مـآت وأمـك مآتت ويجلـس يبكـّي وينكسـر خآطري كالمعتـآد وأمسـكه وأخـذ فيـه لفئـة وأهـديه قـال وشلـّون أنا في عيـش أخت أنـا وشلـّون يعيـش في انديـآ مآفيـه بآبآ ومآمآ قـلت يآ رفيـق طيب أنت روح قآل انا مآ أقـدر روح فـي عمـل يوقـف أنا ولا فيـه إجـازة أنت بآبآ واجـد كويـّس جيب أخت أنا خلي شغـالة في البيـت .. تعشعشت الفكـرة بدميجتـّي وقلـت الولـد مسكيـّن وأنا بسـوي هـذا الشـيء أكسـب فيـهم أجـر وأقـول طيـب مهيب مشكلـة راح أجيبهـا ...

.
.
.

الفكرة





كنت جالس في أمان الله أتصفح الإقلاع مادريت إلا إنا مشيول(ن) مع علباي ومتلول(ن) في وسط محادثة جماعية ويوم دققت لين والله هذي أختي تخ تيخه والأخت المبجلة مزاجية وثلاثة اوثلاث(ن) من الإخوان أو من الأخوات ماعرفتهم للحين والله , في وسط المعمعة والعجئه والولكمه بحضرة جنابي الست كوينينه أم الهكي وإلا السوالف ماهيب إلي إنا أبي وخابرها وتحولت لأمور(ن) تهول العقل وانقلبت المحادثة تقل مجلس حريم في ضحوية(ن) غبراء لان احد الموجودين طول المحادثة وهو يحاتسيني على إني بنت صدز ...

* برا يفت للإدارة

اقترح نقلنا أنا يامحاتسيتكم كوينينه أم الهكي والأخت طخ طيخه والأخت مزاجيه لمنتدى مملكة المرأة لأني حاسه إننا بنبدع فيه إبداعات مالها مثيل ...




* برايفت للافري بودي في ذيك المحادثه

استروا على ماواجهتم وامنعونا من الفضايح الله يستر عليكم تكفون ...

في البداية باغتني سؤال على بالهم بيحرجوني مادرو ان وجهيم مثل مقفاي وهو كيف انك وصلتي ياكوينينه يام الهكي للإشراف ؟
جاوبت وقلت إني وصلت من خلال تواجدي في المنتدى اغلب الأوقات وبثارتي في الردود على اغلب المواضيع إلي تنزل في المنتدى وفوق كذا كنت حريصة على التواصل مع الأعضاء والسؤال عنهم والميانه عليهم من ردودي على مواضيعهم .

احد الموجودين أو قالت / يعني مالك علاقه في احد ؟
قلت اكيد لا وش علاقته واحترمي نفسك << الي في بطنه ريح

تدخلت طخ طيخه وقالت وراتس يام الهكي عصبتي ؟
قلت لاعصبت ولاشي بس منتي شايفه هالي ترمي الكلام وهي ماتعرف وش معناه

ردت مزاجيه وقالت : هوني عليتس وانا اختس كلنا شدينا حيلنا واثبتنا تواجدنا وهذا الي خلى الإدارة تثق فينا وتمسكنا الإشراف .

قلت انا إيه والله أنا الحمد لله اثبت نفسي واخذت الإشراف بعرق جبيني (( لو تغيرت هالكلمة الأخيرة إن تسان فيها رجم اللهم ياكافي )) ولا انتظرت فزعة احد وطلب مساعدة من أي مخلوق << جحدت العبده
مانيب مثل بعض البنات الله يهديهم ويشفيهم في نفس الوقت , الي ماتدخل منتدى إلا تحاول تتلزق في اغلب المشرفين والمشرفات << ليتها توقف على المشرفات بس ان تسان مابه خلاف , إلا عينها على المشرفين العيال وتحاول تكسبهم بأي طريقه ياماسنجر أو رسايل خاصه (( للي ماتضيف عيال )) وان وصل فيها الأمر انها تكلمهم تلفون اللهم لك الحمد تلقينها تقول راس مالها شريحة بدون اسم ماتضر ابد .

انا جلست ثلاث سنين في هالمنتدى صحيح اني تعرفت على شباب واجد (( كبت عشاها )) لكن كلها في حدود المنتدى فقط ومسألة تواصل في غير حدود هالمنتدى ارفضها بشدة << افلقيني يالعبده ان ماكنتي انتي الي تطلعين العيال وتضبطين الجلسه بعد .

شوفي وين فلانه مشرفة القسم الفلاني الان ؟
علشان علاقتها بفلان ويوم استقال ولاصار يدخل المنتدى قدمت استقالتها المجنونه مع ان وضعها مافيه احسن منه .

وفلانه ذيك المغرورة الي مدري وش شايفتن نفسها عليه يوم سمعت ان فلانه بس ودها تضيف المشرف الفلاني ذاك المملوح (( وهـ منه بس )) بغت تنهبل وحاولت لين وصلت له مدري عاد هي ذبت وجهها عليه يوم درت ان فيه وحده تنافسها عليه وإلا هو الي يبيها من الاول واستغل الفرصه , مع انه وصلني كلام ان اليوزر الثاني البناتي له وانه مسوي كذا علشان يحرك ذيك الغبيه ويخليها هي الي تجيه لانه عارف انها تبيه بس غرورها او برستيجها مايسمح لها انها تذب وجهها عليه بس هو الي عرف لها وخلاها تجيه تركض << ذيب بشري ملعون .

إلا على فكرة يابنات ( تسني اندمجت بالدور ) ماتتذكرون سالفة ذيك الي انتشرت في التشات الخبله الي كانت تسولف مع كل واحد ومابقى احد إلا اخذت رقمه وكلمته << نعنبوا ذمتي بدت تستاسع , والحين غطست ماعاد سمعنا لها حس , الله العالم انها تزوجت احد الاعضاء الي قدرت تسيطر عليه واوهمته انها تحبه وهو الخروف ماصدق على الله ووافق يتزوجها .

إلا على طاري الخرفان الله من واحدن بهالتشات ينلعب عليه ويطير في العجه , والغريبه ان اغلب الشباب صاروا يدخلون بنكات بنات الله يخسهم كل هذا علشان يتقربون للبنات الي يبون يتعرفون وعليهم ولين وثقت فيهم البنت مثلوا عليها وانهم يعرفون فلان الي مافيه اطيب منه واحن منه ورومنسيته الي تقوطر ويلفون عليها لين يعرفونها عليه بداية بالماسنجر لين تشبك معه وبعد كذا تختفي هالي عرفتهم على بعض .

اذكر مره قبل اصير مشرفه كان ناشب لي واحد كل مانزلت موضوع يرد رد مفصل وانا اقول عادي ماعلي منه واحياناَ إذا شافني راده على أي موضوع يجي ينط ويقتبس كلامي ويعلق عليه حتى انه يسفه الموضوع الاصلي وينقز وراي في كل موضوع ارد عليه , ومره ارسل لي على الخاص انه وده يناقشني في موضوع معين وياليت اضيفه , رديت عليه قلت اكتب الي تبي في الخاص والاضافات انا ما اضيف إلابنات العيال ما اضيفهم << ايه هين , رد علي وقالي الموضوع طويل النقاش فيه وإذا ماعليك امر بس اضيفيني وإذا انتهى الموضوع احذفيني ماعندك مشكله , قمت وقلت لبنات سوولي ايميل جديد << لاحظوا ان كلهم مايعرفن يسون ايميلات الله من التسذب (( اختي مزاجية تكفين اسعفيني بايميل )), واضفته واكتشفت ان ماعنده سالفه وماغير مطيح يهديني اغاني عاطفيه وورود وقلوب حب ومن هالحركات الي خلتني بغيت اخور واخق معه إلا دقيقتين ومن بجاحته رقمني وقالي انه يشتغل في المحل الفلاني وانه معجب فيني من زمان وانه اصلن حريص على كل حرف اكتبه ويطارد وراي مطارد حتى توقف مرتين لانه رد علي في منتدى مملكة المرأة , واعترف انه هو المشرف الفلاني وانه يبي يتعرف علي من زمان لكن خايف ومتردد ومن هالحتسي الي ماله طعم << نمتنع وحنا الراغبات , وفي الاخير قلت له اني انسانه مالي في هالخرابيط واني ما اضفتك إلا علشان اشوف وش عندك لكن في الاخير بصراحه ارتحت لك وبيني و بينك حبيتك وتعودت عليك لانك ذوق وانسان جنتل واخلاقك حلوه وانسان فرفوش وتوسع الصدر وهذا رقمي لو حبيت تسمع صوتي ونتقرب من بعض اكثر واكثر << خارت العبده وجت على وجهها .

تتذكرون سالفة المشرف الغبي الي كان معطي خويته يوزره وكانت تدخل وتحذف وتعدل ردود بعض البنات الي ماتحبهم ولاتواطنهم , لحد ما هي الغبيه قالت لوحده من خوياتها عن السالفه وانها تحدت معها مره انها تعدل رد لوحده مايواطنونها وفعلاً عدلت علي الرد وبعد مده تهاوشن الثنتين وقامت الثانيه وبقت بكل شي وارسلت رساله خاصه لاحد المراقبين وقالت له السالفه من اولها لين اخرها ودعمت كلامها بالمحادثات الي كانت حافظتها و مسويه لها برنت سكرين , ولمن تأكدوا من هالكلام شطبوا اليووزرين حق البنت والمشرف المتيم الي وثقت فيه الادارة وفي الاخير يخور مع بنت ويسلمها يوزره الغبي .

إلا يابنات ماتلاحظون ان الشباب دايمأً هم المظلومين وحنا يالبنات الي نطلع من السالفه ولا لنا أي علاقه وحنا اساساً ساس البلاء والمصايب , شوفوا كم عضو من الاعضاء الكويسين والي كانوا شايلين المنتدى وانشطبوا بسبة مشاكل بنات ويمكن معهم حق بس خبركن حنا يالبنات ورانا ظهور قوية << مشبكة مراقب .


مدري وش قردني وقلت لهم يالله انا ( بــرب )
كلن قام يذب حتسي من جهه الي يقول جاتس حبيب القلب وإلي يقول دق عليتس والي يقول الله لنا ومن هالكلام وانا ياغافله لتس الله طالعتن من وجع في بطني << مصادقه السابوفين هالاسبوع من وجع(ن) ببطني وهم يتتريقون علي الله يطببها عليهن ومايدرن وش يصالن بطونهن وإلا ظهورهن << دعاة من قلب .
لا ومن الهبال يقولون جيبيه معنا خلينا نتعرف عليه وإلا غايرة وخايفه نطيره من يديتس << الله يلعنهن خطافين الرقاله .

ابقولكن عن سالفة الشباب هاليومين والي طايحين فيه لين بغوا يشبكون بنت ويضحكون عليها وهي دبشه ماتدري وين ربي حاطها فيه .
تلقى عند الواحد غير يوزره الاصلي كذا يوزر مخليهن استبنه لين احتاجهن في أي وقت فيقوم يتبيثر على هالبنت باحد هاليوزرات ويحوم تسبدها سواء بالردود او بالخاص وطلب الاضافه ومن هالحتسي فيقوم بعد فتره ويرسل للبنت بيوزره الاصلي ويقول لها انه ملاحظ ان العضو الفلاني يضايقها فبعضهن ماتصدق على الله وتقوله ايه والله وماتدري وش سالفته فيرد عليها ويقول ابشري بسعدتس ومالتس إلا طيبة الخاطر ويرجع يرسل لها باليوزر البايخ ويتعذر منها وهي تصدق ان هاك العضو الي فكها منه ومن هنا تبدا الحكاية ومسلسل الاعجاب والباقي عليكم عاد .

^

^^




طبعأً هالشغله مامشت علي انا لاني كنت اسويها مع بعض الشباب الي إذا اعجبني اضفته بايميل ثاني علشان اتأكد من اخلاقه قبل اضيفه رسمي لان الايمل الاول طبعاً متقاطين فيه انا وبنات خالتي (( ودي اعرف ليه بالذات بنات الخاله الله ياخذهن جميع ))



^

^^

نعنبوتس يالعبده توتس تقولين ماتضيفين عيال .





وعلى طاري الايميلات ومدام الدعوة كب عِشيّات تقل تسني قاعدة على كرسي الاعتراف << بلاتس بثرة وماعلى لسانتس طبادزه يالبربارة , انا عندي كذا يوزر غير يوزري الرسمي وكل واحد له شغله معينه مثل ماتقولون انتحاري او استبنه او الي هو , الي ابي ارد عليه بيوزري هذا او مثلاً اتميلح عليه بيوزر ثاني واشوف وشهو من لحيه << اختبار قدرات , وبعضهن لابغيت ارد على وحده بثرة وقاهرتني (( ماهيب تغار ابد هالعبده )) وبرستيجي مايسمح اني ارد عليها بيوزري الاصلي رجت ابرد حرتي فيها بهاليوزر واهزئها << راس مالها كش عليتس وإلا يام كشه وإلا يام عراده وش تهزيئكم يالبنات .

تصدقون يابنات ابقولكم قصتي وهالمملوح الي اضفته وحبيته ( ممداتس ) من زود ماهو يغار علي كل شوي يسألني من تسولفين معه ومن الي معك ماسنجر ومن هالكلام لين حامت تسبدي منه وكل ماصرفته طلع لي بسالفه ثانيه ورجع يفتح الموضوع من جديد في الاخير قلت له انت تبيني انا وإلا ماسنجري , كل يوم وانت مزاعلني بسبة هالماسنجر , ومره قالي عطيني رقمك السري اشوف , وانا الي ازبد عليه واخليه مايسوى التالية من الغنم ولا لقيت لي مخرج إلا اني اقوله انك منت واثق فيني وكل هذا الشك والغيرة الزايدة راح تخرب علاقتنا وحبنا الي اشوفك صرت تشكك فيه , وقالي لا مهوب كذا بس ودي اتأكد إذا معك عيال في الماسنجر وإلا لا علشاني احبك << إلعب غيرها , وبعد ماكثرت المشاكل بيني وبينه قام وعطاني ايميل جديد وقالي هذا ابيك تدخلينه وتضيفيني علشان اظمن محد ياخذك مني ويسولف معك غيري ,
وانا بكل بساطه قبلته ونزلت الباتش الي يشغل ماسنجرين وصرت اشتغل على شارعين << قال بيسيطر علي هو وخشته .

.. مايستفاد ..

كوينينه ام الهكي في قلوبي

بسم الله الرحمن الرحيم

هذا ياطويلين العمر والسلامه والخوجلي وماطر والحقباني فيه واحد كثير النسيان
ومن كثر ماينسى سموه اهله ناسي (عجرم)آل فاهي >>>هادي عايلة كبيرة بالمره زي ماعندكم مسلا عايلة آل الشيخ والقحطاني والعتيبي

المهم بيني وبينكم والكلام للجميع ولايدري
احد (صكوا الباب لاسمعتوا ذا الجمله ) ولاحديتوني على حلف ولانيب تساذب الاعليكم

ناسي هذا ماسمي بها الاسم من فراغ اجل فيه بزر ينسى لايطلع من بطن امه ...
لا وماذكر الا يوم عطوا امه طلق صناعي .. المشكله امه يوم عطوها الطلق الصناعي
حست بان ودها تطرش .. اثرالخبل نسى وين دخل معه وراح يرقى لفوق يحسب الطلعه مع الفم (مايلام اي منشأة هالحين باب الدخول غير باب الخروج ) ولا طلع الا يوم شفطوه بمنسة الكهرب >>> هذا اللي فاهمه من قولت شفطوا الجنين

ناسي يكثر من قولت ماعليش والله اني كنت ناسي ..قالت له امه مره جب فقس جاب لها توكس ..هاشت عليه امه وقالت له اقول فقس وتجيب توكس ..يالله رجعه وجب لي فقس .. ناسي رجع التوكس وجاب ببس بدال التوكس >>>> اثر على الكاتب حسبي الله عليه وكتب توكس بدال الفقس

بعد هذا الموقف حصلت له مواقف كثيره لكن للأسف انه صار ذكي ومعد يروح بأي احد معه حتى مايمسكونهاعليها ويفتك من التعليق اللي يجيه

وبينما هو على هذا الحال اذ طلبت زوجته منه ان يحضر لها من العطارين (خوى جوى ) كتبالطلب خوى جوى على ورقة حتى لاينساه اذا دخل على العطار

ناسي دخل العطار فوجد صاحب المحل يكلم بالتلفون ويقول : لا اجل العلاج اللي عطيناه قضى على السرطان تماما .. ويكلم عليه اخر ويقول له : الحمدلله اجل علاجي جاب نتيجه وحملتي .. ومكالمات أخرة من هالنووع >>راس مالها يدق بجواله على الثابت ويرفعها تسنه يكلم احد
والمحل كان مليء بالزبائن وغالبية هؤلاء الزبائن نساء مع القليل من الرجال استمع ناسي لماتطلبه النساء من العطار .. هذي تبي علاج تطويل الشعر وثانية تبي علاج تبييض الركب والاخرى تبي علاج تصفية البشره ووحده معها (قويريره)
وتنشد العطار : ياولد هالغريشه وشهي له ؟;
والعطار يجاوبها بأنها خاصه بالرجال وانها لكذا وكذا (كلام مشفر ) فماكان من المرأه الا (وتنحز ) زوجها وتقول له اشترها خل نشوف هم صادزين ولا ماعنهم سالفة !!!

ادخل ناسي يده في جيبه لاخراج الورقة المكتوب فيها ماطلبته زوجته منه...
فتش وفتش ناسي.. واخرج جميع مافي جيبه ..بوك وخمة مفاتيح وجوال وورقة تأمين صحن من مطعم غوزي اللي كان في الشفاء وقد سكر من خمس سنين
ناسي عندما وجد ورقة التأمين ضاق صدره وتسائل وش يسوي بها الورقه ؟; وتحسف على العشرين ريال اللي دفعها تأمين للصحن ..
وأخذ يهوجس وشلون يرجع قيمة التأمين ؟;.. المشكله في الصحن مايدري وينه فيه ..هل هو جايبه للبيت ؟; والا في الاستراحه ؟; والا على الدائري ؟; ..مافيه امل يذكر

ناسي تنبه لنفسه وقال مهوب هذا وقته خل ناخذ غرضنا هالحين وبعها يحلها الحلال اتصل على جوال زوجته علشان يسئلها وش اللي كانت موصيته عليه ؟;
لكن جوال زوجته لقاه مقفل(اكيد مقفل فهو 24 ساعة مع بزرانها وماغير العاب وتشغيل مقاطع البلوتوث ) دق على بيته لقاه مشغول اتصل مره اخرى .. برضوه مشغول تقل السماعة طايحة (وين طايحه ياعم الا في يد الزوجه وتسولف
مع امها ثم اختها ثم صديقتها الخ ) فما كان من ناسي حينها الا ان يعتمد على ذاكرته ( مكره ناسي لا بطل )

خاف ان يكون طلبه يفشل ثم يضحكون عليه مثل ماصار له في الصيدليه (الحياة دروس ) فما كان منه الا ان نادى العطار وقال له : يا الاخو لو سمحت ابيك في كلمة راس ! العطار استغرب وجاء لم ناسي وقال : خير يا الغالي آمرني .. ناسي قرب من العطار وسمعه في اذنه وقال له بالله عطني( خيطي بيطي) وبسرعه خل ننمشي تراي مستعجل ووراي اشغال ..
العطار فق كشرته وتدزلبت عيونه وقام الفار يلعب بعبه من هالطلب الغريب .. فما كان من العطار الا ان جزم ان ناسي من الجماعه اللي هم اياها (يقالك يلمح ولاهوب قايل ارهابيين ) فقال العطار بكل حنكه (ماذبحنا الا هالحنكه )ابشر اطلبها لك من المستودع بس اصبر علي ربع ساعه ويجيك الطلب (يقالك ان خيطي بيطي كلة سر وهو كشفها ) العطار اتصل على المباحث وبلغ عن ناسي وما امداه يسكر السماعه الا والمباحث مطوقه المنطقه ومن عقبها ومحد يدري عن ارض ناسي آل فاهي
الا يوم طلع للناس وهو بصحة وعافيه ومن عقبها معد فيه امل ينسى شيء

.. مايستفاد من الموضوع ..
1-اشتر كرتون (خوى جوى ) واسترح من الروحة لـ العطار
2- خل صحنك في سيارتك علشان ماتدفع تأمين وتنسااااه


بــ قلــمـ

ابو وفى ماعنه خفى