أخبار النجوم
وهـ بس اقلطوا ماهنا احدن غريب
هذي مجموعه اخبار فنيه خفيفه يعني زي الزلطه بالضبط وفيه هديه للعضو اللي يقرا الموضوع كامل بيطلع له بياله شاهي هديه كمل الموضوع لايفوتك الشاهي ترى بيالاتنا كشخه و معهن ملعقه لزوم الشسمه :: اصاله تزوجت بشكل رسمي بعد كل الدبج والهواش واللجه اللي صارت بين اصاله وطليقها السابق ايمن الذهبي هذي اصاله تعلن زواجها رسميا من المخرج طارق العريان ويقولون انهم توجهوا للشهر العقاري واثبتوا زواجهم لأنهم غير مصريين فأصاله سوريه وطارق معه جنسيه امريكيه يعني ابشري يا اصاله اول ما امريكا تدبغ سوريا .. بتلقين رجلتس هج عنتس.. عاد انتي اقعدي بها والله ماينفعتس احد وبعد عقد الزواج اقاموا حفله لأشهار الزواج .. بس منعوا الصحافه من الحضور قهر يعني فاتنا فستان اصاله ( وجه يقول الله من زود الكشخه ) :: الهايفه هيفا ياربيه بس ياناس بالله عليكم هاليومين عندنا شغله غير هيفا هيفا راحت هيفا جت .. هيفا سافرت .. هيفا اعرست .. هيفا سوت ..هيفا قالت .. عقبال مانسمع هيفا ماتت هيفا الحين رايحه للمغرب .. المغرب ماغيرها .. تلك الدوله العربيه التي تشع طهارةً ونقاء هيفا رايحه هناك عشان تدعم حمله كبيره للأعلاميه المشهوره اوبرا وينفري لنيل جائزة نوبل للعام 2006 ، على خلفية الحملة الكبيرة التي تقودها لمكافحة مرض الإيدز انا بس ودي اعرف اذا اوبرا بتاخذ جائزه نوبل انتي ياهيفا وش دخلتس الا تدخلين عصك بشي مايخصك لاتقولين هم اللي عزموني عشان اجي معهم .. بلانصب الله من كم واسطه ومعروض كتبتيه عشان تروحين معهم .. الله يكفينا الشر حب التلزق بهالعالم متى ينتهي واكيد تبين تتميلحين عندهم عشان يلفزون عليتس جائزه بمناسبه اغنيه واوا أح واوا بالله عليكم هذي اغنيه لا ومن زود الملح هيفا عجلت بتنزيل الاغنيه عشان تقهر الفنانه دومنيك حوراني اللي نزلت الاغنيه بصوتها في اغلب اذاعات لبنان . وصارت لجه وصجه بين الثنتين وكل وحده تقول الاغنيه حقتي مالت عليهن كلهن .. اجل متهاوشات عشان واوا ومن جهتن اخرى .. هيفا متكتمه كثير على قصه الفيلم اللي بتسويه وكل ماقالوا لها وش قصته ؟؟ تقول بعدين بتعرفوا .. او خلوها مفاجعه بس هههههههه ياهيفا أب عندنا هالحركات قصه الفيلم وعرفناها وهي ان هيفا راح تشارك مع الملاكم الفرنسي إبراهيم أسلوم ذو الاصول العربيه وهيفا تلعب دور صاحبه ملهى تتفق مع أسلوم انه يخطف 3 لاعبين من الفريق الضيف.. اتعب انا على القصه صاجتنا القصه مفاجئه واخرتها تسوين لنفسك سيره ذاتيه وانتي ماتدرين اجل تشتغلين بملهى وتخطفين ناس هيفا استري على نفسك :: جينيفر ياحياة امها معصبه يااخي هالادميه رهيبه ماعندها وقت و رهيبه و حبوبه وفيها ملح العالم كله اجل من كثر ماهي معصبه على براد بيت طليقها السابق قامت وقشت ثيابه اللي عندها بالبيت وحطتهن في أحد محلات الملابس المستعمله في كالفورنيا ويقولون ان اللي يشتغلون هناك ماانتبهوا انها جينيفر الا يوم تعرفت عليها وحده من الزبونات ويقولون ان ثياب براد اللي كلها من ماركات عالميه خلطوها مع الملابس المستعمله المكروفه حقت باقي خلق الله :: وعلى صعيدن اخر يقولون ان جينيفر مشتطه ومدهره عشان زواجها ويقولون ودها تسوي اي شي عشان تقهر الثور براد وانها تخطط لأقامه عرس اب طبيعي وبتخلي كل هوليوود يتكلمون عنه ..شكلها بتحطه بنياره <-- تفكير بنات الرياض ويقولون ان صديقتها المذيعه اوبرا وينفري مدهره معها ومشتطه عشان عرسها وانها تساعدها بهالموضوع ..اكيد عليها حجز الكوشه واجار الصبابات خخخخخ حتى ان اوبرا عيت تسوي مقابله مع براد بيت وانجلينا جولي عشان ماتكدر خاطر هالضعيفه جينيفر طبعا جينيفر وبكل اسف من بعد براد بيت صارت بتتزوج الماصل الطحش فينسي فوغن ياحسافه العرس الاسطوري عليك يافينسي عاد براد بيت والله مادرى عنها ولا عن فنسيها ذا براد كل يوم بديره بساقة انجلينا اللي ماخلت ديره الا شعثته وراها تقولون سيكل ذا مب رجل يوم كانوا بباريس كان براد يتمشى هناك على رجوله يعني مايركب سياره ولا شي لدرجه ان النساء الفرنسيات صارن يتلبسن ويتكشخن ويتعطرن قبل لايطلعن يقولون يمكن نصادف براد <--- طاح حظنا ان كشخنا شفنا فؤاد بخش بس هههههه براد حامت تسبده من كثر من الفرنسيات اللي يتميلحن عنده وقام وطلب سياره ليموزين فارهه عشان تخدمه بالتنقل من مكان لمكان ويتحاشى الاحراج اللي يشوفه من المعجبات .. حتى الفرنسيات يحبن الفنانين ويعجبن بهم مااحد قال لهن شي مادري وش طاعونكم متسلطين علينا :: اليسا تحرج على البومها اليسا ذات الصوت الشسمه والاغاني الرهيبه بعد مانزل البومها الجديد بستناك ..إلتقت بمعجبيها وجمهورها في فيرجين ميغاستور في وسط بيروت، وطبعا من قبل ماتجي اليسا بساعات كان المكان مليان على الاخر والناس متفاغصين ياكافي وكلن ينتظرها بس متى تويق عليهم طبعاً يمديكم تتخيلون اشكال البزارين وهم ضايعين اللي يصيح واللي مضيع امه <--- اسكتي لا تسمعتس اليسا تذبحتس وفعلا جت اليسا وجلست معهم ساعتين ونص ..صورت معهم ووقعت على البومها وبسبب شدة التدافع من المعجبين كسروا زجاج مصعد الفيرجين وقالت المسؤوله هناك : "فداها إليسا إن نجوميتها كبيرة، وهذا الأمر لم يحصل معنا من قبل". طبعاً اكيد بيطلعون ويقولون الله يطول عمر الوليد ياليت يبعت لنا حدن يصلح قزاز المصعد هذولا هم اللبنانيين لاطق عود بعود قالوا: طول عمرك يالوليد تعا ساعدنا بس الشرهه عليه اللي معطيكم وجه اليسا وقد بدات بالتحريج على البومها وتقول : على همسه على أشـره ( على خمسه على عشره ) <--- نفس حركات التكرن :: بريتني ياناس استخفت قاااسم بالله لو يدخل بخشتها ذباب والله مايرده الا مصرانها بريتني المخَفه مره تقول مااحب زوجي .. ومره تقول ابغى اتطلق منه ومره تقول عاجبني .. ومره تقول شسمه الزبده بعد كل الهوشات والمذابح اللي بين بريتني وزوجها كيفين فيديرلاين بريتني سوت حفل كبير جدا بمناسبه عيد ميلاد الاخ الكريم ويقولون كلف عليها الحفل اكثر من 60 الف يورو <--= لقعه والله لو انه رجلي كان ماشريت له الا كيك وعصير بردقان .. نصرف على عميان حنا ..(تفكير سعوديات ) وقامت بريتني واستأجرت طياره خاصه ونقلتها هي و15 من اصدقائهم الى فيغاس وحجزت لها ولكل اصدقائها سويت فاخر تكلفته 4500 يورو لليله ومن عقبها طست هي واصدقاء السوء الى كازينو (سيزر بلاس) حيث أقاما حفلا صاخبا حتى الصباح ويقولون ردحوا ردح لما استنزلوا <--- يامن السيل اللي يقشكم قولوا امين بريتني تمثل نوعيه مسكينه من الحريم الضعيفات اجل زوجها هذا حايس مريرها ومنشف ريقها وغاث كل جماعتها لدرجه ان معجبينها بكل انحاء العالم مسوين لها موقع خاص ويطالبون فيه بجمع اصوات ضد زوجها ويطلبون منها انها تتطلق منه بس البنيه طيبه ترجع وتسامحه لا وتسوي له عيد ميلاد ياخي هذا كفوه يسوي عيد ميلاده بملجأ قسم بالله مايستاهل ولا حتى عشا بروستيد :: نانسي عجرم لا تصلح لدور أسمهان! يا ذي الاسمهان اللي حوموا تســبودنا فيها كل يوم مرشحين لنا فنانه شكل .. وقبل فتره عرضوا الموضوع على نانسي لكنها رفضت وقالت ماابغى استعجل واسوي مسلسلات واخيراً وقع الاختيار على الفنانه اللبنانيه كارول سماحه بس تعرفون بما ان المسلسل مصري فلا بد من المطاريس والمحاويق وقالوا وقلنا فطلع علينا المخرج حق المسلسل نبيل المالح وقال اصلا من قال لكم اني مرشح نانسي وقال اصلا نانسي ماتناسب العمل لأن اسمهان انسانه مااشتهرت بس بالصوت بل هي شخصيه اجتماعيه مرموقه وشاركت ببعض الامور السياسيه <--- طيب نانسي وش حزنها وراها ماتناسبكم ونانسي مارشحتها ولاتنفع للدور وقال ان اللي رشح نانسي هي شركة الانتاج ولا انا اصلا ماابيها نانسي تنظر للمخرج وتقول ياكافي وش حيثـي ماانفع للمسلسل قرعا ولا مالي خشم سبحان الله ياهالمخرج ..يعني يوم ماحصلت لك نانسي قمت تخربط وتخور علينا ابد هذا لونكم يالمصاريا مايسكتكم شي .بس الشرهه عليها اللي معطيتكم وجه اجل تغني لكم انا مصري وابوي مصري .. وتاركه لبنان وماطلعت لهم ولا انشوده :: جينيفر تدور صويلح صويلح = ولد جينيفر .. ترى انا مختاره له الأسم الا على طاري صويلح ترى جينيفر ضايق صدرها بالمره ودها تحمل بس ماحصل لها ويقولون انها الحين عايشه على السبانخ ماتاكل الا سبانخ .. تفطر وتتغدا وتتعشى سبانخ .. الله يستر بس لاتنقلب باباي ويقولون انها تاكل سبانخ لأن التكتور قالها ان السبانخ راح تزيد نسبه الفوليك عندك ممايزيد فرص الحمل (وجه يناظر عجزنا .. اجل ماعندكن الا حلبه ورشاد ) عاد جينيفر تقول : (لا آكل حاليا سوى السبانخ، عجة السبانخ للفطور، سلطة السبانخ للغداء وسبانخ مقلي للعشاء!) عاد اكيد يوم راحت دبي قلبتها كبسه ومفاطيح وانحاس ام الفوليك وصار مفطحيك بس ادعوا لها بالذريه .. ترى طويهرن قلبها :: قال يابريم انفخ قال ماهنا شرطم ياحياة الشقا ياديانا حداد ماامداها تفرح وتنزل البومها بالاسواق الا ويجون البلديه يضفونه بعد كم ساعه <--- حشى بسطه عبده مهب البوم ويحلفون ويقولون ابد ماامدانا نصف الالبومات الا ويجون ويقشونهن عاد لفق ابو عبدول الموضوع وقال ان الشريط ماكان جاهز للطرح وانه مدري وشو بس السبب الاساسي مهب تسذا يقولون مكتب العبدول للصوتيات جته رسالة فاكس من شركة لحن المستقبل في سوريا تنذرهم وتخبرهم بها بأنهم يملكون حقوق كلمات ولحن إحدى أغنيات ديانا الجديدة المقرر طرحها في الألبوم الجديد، وهي أغنية "عذاب الهوى" من كلمات أحمد شحادة وألحان ماهر وثائر العلي. ديانا هارد لك يالعبده :: شيـــكو ..يطيح مادونا شيكو فنان راقص اصله مغربي اسمه الحقيقي .. يوسف سليماني قبل فتره نزل البومه الصاعقه وتخطى البوم مادونا بالتوزيع واحتل المركز الاول على قائمة أغاني البوب البريطانية منذ بدء تسجيل القائمة قبل 44 عاما. يعني سوا اللي ماتو الفنانين بيحصلونه بس ماقدروا وحصل المركز الاول مره وحده بس اهم شي شوفوا الاخ شيكو وش يقول : "ما شاء الله... هذا أبعد من الاحلام. أعرف انني أول عربي يفعل ذلك انها لحظة فخر كبير. منذ 15 عاما. طرقت الابواب لكن شيئا لم يحدث. ثم فجأة حدث كل ذلك" . وتصدرت أغنيته "هذا وقت شيكو" من ألبومه الاول قائمة أفضل أغنية للاسبوع الثاني على التوالي. عاد الاخ شيكو السليمان صدق نفسه وقال انا عندي استعداد اسوي مع مادونا دويتو عشان اقول لها اني اسف لأني جدعتك من المركز الاول شيكو من مواليد ويلز ومابينت شهرته الا يوم اشترك ببرنامج اكس فاكتور في بريطانيا ويقول شيكو انه كان يعيش بالمغرب مع جده وجدته الين ماصار عمره 13 وكان ساكن في منطقه جبليه وكان يرعى الغنم ( وجه وحده تتذكر بيتر صديق هايدي وتقول وهـ بس ) ويقول لما كبرت سافرت بريطانيا و اشتغلت راقص بملاهي العراة عشان اوفر لجدي وجدتي فلوس عشان يؤدون فريضه الحج <---- عز الله قلبت حملتهم :: جسيكا حلم اغلب الرجال جينا للكلام اللي مايصمل ولا على الشباصه يقولون نشرت في امريكا احصائيه جديده تقول انه 45 مليون رجل يتمنون انهم يعرسون على هالاخت الفنسا جيسيكا ألبا وانهم متوزعين على جميع انحاء العالم يعني مهب بس بامريكا بس ودي ادري وش زود الاخت؟؟ فنسا ..وقصيره ..وتسوي افلام مراهقين.. يعني لو هم شايفين هيفا وش بيقولون .. صحيح هيفا كريهه بس وش نسوي حلوه وحنا مانشوف الجاده :: ملكة جمال السمينات في بانكوك تريد ان تخفف من وزنها ياملح السيقان ياناس ومن زود الملح مالبست نعال تخاف تفغص الكعب ولا الفستان اللي لونطب فيه انا وخواتي وعيالهن كان يـفـذ مكان لأمي الخبر يقول : بعد مافازت الاخت الدبيه هذي بلقب ملكه جمال الدبيات يقولون انها ملت وحامت تسبدها من شكلها وقالت ابسوي ريجيم <---- بدري ونشرت احد الصحف البانكوكيه <--- ياكافي ساعه اتهجى هالكلمه نشرت الصحفيه ان احد شركات تصنيع الادويه التي تخفف الوزن سوف تدفع لها 10 ملايين دولار لو خفضت وزنها من 150 الا 100 كيلو يامن العقوبه عشر ملايين عشان تنحفون هالدبيه بلا خساير بس ..جيبوها عندنا نشخفها تحت هالشمس شرط ان تـمـوع فواترها :: قصيده الختام يا إلهي .. الا من مشط يكد كشتي الا من بلسم ينعم هذه الشوشه آآآهـ يا امي له ماحنيتي شعري ؟؟ تهئ تهئ تهؤ كل الشباصات تهرب مني كل السشورات تطرطع اذا شافتني اهبط شعري من اليمين فيطير من الشمال امسك غرتي فتطير كعكتي ليه ليه ليه أمــلاه .. وحفظه .. وصمه .. وسمعه ..همن كتبه .. cati :: ماانسى اشكر حبيبتي قمــرهم كلــهم اللي قامت بتصميم وتنسيق الصور يعطيك العافيه قمووره
حقق فيلم "كينغ كونغ" (King Kong) للمخرج النيوزيلندي بيتر جاكسون, أكثر من مائة مليون دولار بعد 12 يوما من انطلاق عرضه في الصالات الأميركية, مغيرا بذلك توقعات أشارت إلى أن أرباحه لن تغطي كلفة إنتاجه الضخمة التي جعلته سادس أغلى فيلم في تاريخ السينما الأميركية. فقد حقق الفيلم الذي يحكي قصة الحب بين الغوريلا الضخم كينغ كونغ والحسناء الأميركية آن دارو, 118.7 مليون دولار بعد أن بيعت تذاكر بقيمة 31 مليونا خلال الأيام الأربعة الماضية التي تخللها عطلة عيد الميلاد. وقلبت هذه الأرقام توقعات مراقبي صناعة السينما الأميركية الذين أكدوا أن الفيلم الذي بلغت ميزانيته 207 ملايين دولار, لن يحقق أرباحا كافية بعد المبالغ القليلة التي جمعها في أسبوعه الأول. غير أن عطلة عيد الميلاد أنقذت موقف المخرج الفائز بجائزة الأوسكار عن ثلاثية فيلم "ملك الخواتم" (The Lord of the Rings). ويعتبر الفيلم الإصدار الثالث للغوريلا الضخم كينغ كونغ . فالنسخة الأولى التي أنتجت عام 1933 بالأبيض والأسود كانت من إخراج ميريان كوبر وأرنست شودساك وأداء ماي راي وروبيرت آرمسترونغ. وقد تأثر بيتر جاكسون منذ طفولته كثيرا بهذه النسخة من الفيلم وحلم بتحقيقها يوما من الأيام. واعتبر الفيلم في ذلك الحين أعجوبة سينمائية لكثرة الخدع والمؤثرات, وحقق 75.1 مليون دولار واعتبر هذا الرقم قياسيا آنذاك. واستمر عرض النسخة الأولى حتى منتصف خمسينيات القرن الماضي. واعتبر كينغ كونغ عام 1991, ثروة قومية أميركية. وأنتجت النسخة الثانية عام 1967 على يد المخرج جون غويلرمين وتمثيل جيسكا لانغ وجيف بريدجز. وقدمت هوليود كل ما بجعبتها من إمكانيات سينمائية لتحقق مدخولات أضخم من تلك التي حققها الإصدار الأول تدور أحداث هذا الفيلم في الثلاثينيات, حيث يبحر المخرج كارل دينهام (جاك بلاك) و ممثلته الرئيسية آن دارو (ناعومي واتس) و طاقم الفيلم إلى جزيرة الجمجمة لتصوير آخر أفلامه. يقوم السكان المحليون باختطاف آن لاستخدامها كأضحية لغوريلا الجزيرة العملاق كينغ كونغ . يقرر كارل الإمساك بالغوريلا العملاق و إحضاره إلى مدينة نيويورك, حيث يهرب كينغ كونغ و يخرج عن السيطرة. مشاهد من الفيلم http://www.universalpictures.com/asx...1_128k_wmv.asx لقطات شدتني : - لقطة الغروب حين تقف آن مع كونغ في قمة الجبل وتحاول ان تبين له إعجابها بالغروب مع تحريك يدها على صدرها ،، فنرى لاحقاً القرد الذكي وهو يقوم بنفس الحركة أثناء غروب الشمس ومع آن على أعلى قمة في نيويورك الامباير ستيت ولكن شتان حاله في الموقفين !! - حين هربت آن من الديناصور فتراجعت تحتمي بالقرد كونغ لترفع من مستوى العلاقة الجميلة بينها وبينه والتي جعلت كونغ يدافع عنها بأقصى قوته بل ويدفع حياته لاحقاً لأجل حمايتها بمفهومه . - حين هرب كونغ من المسرح في نيويورك وأخذ يبحث عن محبو بته فيقبض على كل شقراء يجدها في طريقه ثم يرميها حين يكتشف أنها ليست آن ! هل كان يعرفها بعينيه أم عقله أم ........ قلبه ؟؟ إنه الوحش الذي قتله الجمـــال .
