البلازما والبرامج
كثيرين يتمنون ( وانا واحد منهم ) يكون عندهم وسيلة عرض تلفزيونيه على مستوى عالي تغنيهم عن الذهاب للسنما ( خارج السعودية ) او الذهاب للمقاهي على شان يشوفون مباراة او فلم بعيدا عن الخصوصيه والراحه .. خصوصا بعد قرار خادم الحرمين الشريفين اللي سمح لنا بمتابعة كأس العالم عن طريق التلفزيون الأرضي بعيدا عن احتكار الفضائيات .. وتختلف الأسباب وراء اقتناء اجهزه العرض اللي تطورت بشكل مذهل مؤخرا و بالأخير بتكون من الضروريات بحياتنا قريبا ..! بعد ماقررت اشتري جهاز عرض بتقنية جديده توقعت الموضوع سهل ..الخيارات واضحه تقريبا تلفزيون ديجيتال - بروجكتر - شاشات مسطحه.. وكنت اجهل الكثير عنها ! لما شفتها على الطبيعه عرفت انها هي الشي اللي ادور عليه بالتحديد .. وحاولت اجمع اكبر قدر من المعلومات عنها لانها فعلا اجهزه تستحق الإقتناء .. وفي هالتقرير شرح كامل للشاشات المسطحه بنوعيها البلازما و LCD وانشاءالله بيكون دليل واضح لأهم المعلومات للي حاب يشتري هالنوع من الشاشات قبل 8 سنوات اول ماطلعت تقنية ( DVD ) وانتشرت بين الناس كانت هذي البداية الحقيقية لظهور ما يسمى السنما المنزلية .. وقتها انتشر البروجكتور كجهاز عرض وكان سعره مرتفع جدا لدرجه يضطر فيها الشخص الى استخدام التلفزيونات العاديه للمشاهده رغم ضعف جودتها كأجهزة عرض تناسب السنما المنزليه ..! حاليا اختلفت الوضع بعد ما ظهرت لنا شاشات العرض المسطحه ( FLAT PANEL DISPLAYS ) بنوعين : شاشات البلازما ( PLASMA ) شاشات LCD اختصار ( LIQUID CRYSTAL DISPLAY ) طبعا تجربة المشاهده على هذي الشاشات مختلفه تماما عن اي مشاهده شفناها قبل .. خصوصا اذا ركبت لها نظام صوت محيطي او ( Surround Sound ) بحيث مثلا وانت تشاهد فلم تسمع كل المؤثرات الصوتيه اللي مستحيل تسمعها على تلفزيون عادي مهما كانت تقنيته يعني لو ممثل ترمش عينه بتسمع تسكيرة العين اعرف زميل بدون مبالغه اخر فلم شافه اتوقع كان رامبو1 .. ومره بالصدفه شاف فلم عند واحد على شاشه LCD حجمها 40 انش تغيرت نظرته تماما .. وصار من اكبر المفلمين كثيرين ودهم يشترون شاشه عرض ويكون لهم سنما منزليه خاصه بس يمكن مايعرفون وش الفرق بين النوعين خصوصا ان مبلغها مرتفع .. واول سؤال يتبادر لنا ماهو الفرق بين شاشة البلازما وشاشة LCD ..!؟! بتلميح مبدئي كل التقنيتين ( البلازما و LCD ) تعطيك نفس النتيجه وهي صورة وضوحها عالي ودقه في الألوان وسطوع قوي .. وكلها تجي تقريبا بأشكال متشابهه إطار نحيف شكلها يكون قريب من اللوحات الفنيه والسعر نوعا ما بينهم متقارب جدا وكل ماله في انخفاض لين بيكون سعرهم واحد تقريبا وهذا من صالحنا اذا كل هالتشابه بين التقنيتين اجل وين يكون الفرق ؟ الفرق جذري بينهم بس الفرق يأخذ شكل تقني بحت وهو طريقه عمل كل تقنيه وطريقه عرضها للصوره ويمكن التوسع بهالموضوع خصوصا طريقة عمل البلازما ( PLASMA ) ماراح يفيدنا كثير لانها تقنيه مصنوعه بشكل معقد مختصرها انها شاشات تعمل على غاز اسمه يتعرض لشحنات كهربائيه ويخليه يولد اشعة فوق بنفسجيه غير مرئيه ( وهذي النقطه تذكروها لأني بعلق عليها في نهايه الموضوع وبتكون من اهم الفروق بين التقنيتين ) اما شاشات(IQUID CRYSTAL DISPLAY ) اختصارها LCD مثل ماهو واضح من الأسم تتكون من سائل محصور بين لوحين زجاجيين وفي السائل بلورات من الكريستال اذا تعرضت لشحنه كهربائيه تسمح بمرور الضوء من خلالها بالتالي تصير هالبلورات الكريستاليه نقاط مرئيه تكون مع بعضها الصور اللي نشوفها على الشاشه . طيب كيف الواحد يقدر يقرر وش الأنسب له ؟ البلازما او LCD ؟ فيه اشياء مهمه تخص شاشات العرض المسطحه وهي اللي بتساعدك تحدد اختيارك بدون ما تحتار بشكل كبير ولازم تنتبه لها وانت تطلع على العروض وبتحصل كل هالنقاط مكتوبه على اوراق المواصفات بستعرضها لكم بشوية تفاصيل 1- التباين ( CONTRAST ) والمقصود فيه اعلى درجة للون الأبيض واعلى درجة للون الأسود تقدر تقدمه الشاشه .. وكل مازاد هالمعدل زادت قدرة الشاشه على إظهار التفاصيل بالصوره بشكل افضل .. ومن ناحية التباين شاشات البلازما قدرت توصل لدرجه عاليه جدا من إظهار اللون الأسود توصل 3000:1 ماقدرت توصل لها شاشات LCD اعلى رقم وصلت له 1000:1 بس طبعا مو معناته ان LCD سيئه هي تقدر تعطيك نتيجة اكثر من كافيه بالنسبه لدرجة للون الأسود 2- دقة الألوان ( COLOR SATURATION ) المقصود فيها قدرة الشاشه انها تعرض جميع الألوان بمختلف تدرجاتها بصورة دقيقه ومطابقه للواقع .. بالنسبه للميزه هذي شاشة البلازما تتفوق فيها ايضا كونها تقدر تعرض لنا كل الوان الطيف وعددها 16.77 مليون لون بدقه عاليه جدا لكن شاشات LCD فيها ميزه انها تتمتع بكثافه نقطيه اكبر بكثير من شاشات البلازما بمعنى انك لو تقرب مره من شاشه LCD ماراح تلاحظ نقاط صغيره على نفس الشاشه بالتالي تكون فيها الألوان متشبعه اكثر . 3- زوايا الرؤيه ( VIEWING ANGLES ) شاشات البلازما لها زاوية رؤيه كبيره تصل الى اكثر من 160 درجه بمعنى انك تقدر تشاهد الشاشه من اي مكان بالغرفه ومن اي زاويه بنفس الدقه والوضوح .. اما شاشات LCD ممكن ان الرؤيه تكون خافته نوعا ما لو جلست في زاوية مايله كثير عن الشاشه وعلى شان تحصل على افضل رؤيه من المهم انك تكون مواجه للشاشه او جالس بزاويه مايله نسبيا 4- زمن الاستجابة ( RESPONSE TIME ) كل ماكان الزمن اقصر كانت فعالية الشاشه افضل خصوصا في عرض مشاهد الأكشن السريعه والعاب الكمبيوتر وفي هالجانب تتفوق شاشات البلازما يوصل زمن الاستجابه الى 7Ms لكن حاليا LCD متساويه معها تقريبا بس مو في كل الأنواع 5- مدة الحياة ( LIFESPAN ) مثل ماذكرت بالبداية ان شاشات البلازما تعتمد على غاز في آلية عملها مشكله هالغاز ان له عمر افتراضي يقدر 3000 -2500 ساعه عمل بعدها تضعف الشاشه ويقل سطوعها بكشل كبير .. وبما ان الغاز ماله طريقه إعاده تعبئه بهالحاله تنتهي حياة الشاشه مع إنتهاء العمر الإفتراضي للغاز .. اما شاشات LCD بما انه فكرة عملها تعتمد على الضوء بشكل اساسي يقدر عمل مصابيح الضوء فيها الى 60000 ساعة عمل وبما ان هالمصابيح ممكن تتغير يصير العمر الإفتراضي للشاشه غير محدود ابدا 6- استهلاك الطاقة ( POWER CONSUMPTION ) ]ماتقارن شاشة LCD مع البلازما في هالنقطه فهي تستهلك شي بسيط جدا من الطاقه بينما البلازما تستهلك ضعف استهلاك شاشة LCD 7- مستوى الإشعاع الناتج ( RADIATION LEVELS ) وهذي من اهم نقاط الفروق واللي قلت في البدايه ركزو فيها وهي الإشعاعات الضاره اللي تصدرها الشاشه .. وفي هالنقطه شاشة LCD ماتصدر اي اشعاع ضار ابدا لانه مايصدر منها إلا الضوء .. اما شاشات البلازما لانها تصدر اشعة فوق بنفسجيه تكون ضاره نسبيا ولو انها اقل من اللي يصدر من التلفزيونات العاديه بالاخير نجي للموضوع السعر وهو الأهم !! طبعا شاشات LCD اغلى من البلازما اللي من بنفس حجمها لانه حاليا فيه صعوبه بتصنيع شاشات LCD بقياسات 30 انش واكثر بدون وجود نقاط واضحه على سطح الشاشه لذلك اكبر حجم نشوفه بالسوق حاليا لشاشات LCD هو 40 انش بينما شاشات البلازما وصل حجمها الى 60 انش .. وبشكل عام السعر نقص عن قبل سنتين تقريبا بنحو 40 بالميه ومازال السعر ينخفض بالاخير يكون قرار اختيار احد هالشاشتين بنظري ذوق شخصي لان الفروق بينهم ماتعتبر عيوب والأفضل الواحد يشوفها على الطبيعه وهي تعرض فلم لانه الدقه والسطوع والألوان بتكون واضحه اكثر فروقها على الطبيعه بقى اني اوضح اشهر انواع الشاشات وامثله مختاره على بعض اسعارها : SAMSUNG SONY PHILIPS PANASONIC LG NEC BENQ وهنا بعض الصور للشاشات مع اسعارها: شاشه بلازما نوع LG 42PX3RV حجم 42 بوصه السعر 9999 ريال شاشه بلازما نوع PHILIPS.42PF9946 حجم 42 بوصه السعر 7999 شاشه بلازما نوع Panasonic TH-42PA50M حجم 42 بوصه السعر 8499 شاشه LCD نوع SAMSUNG LA40M61 حجم 40 بوصه السعر 12599 ريال شاشه LCD نوع BENQ DV3750 حجم 40 بوصه السعر 7500 ريال ( عرض ممتاز ) شاشه LCD نوع SONY KDL-40S2000 حجم 40 بوصه السعر 10500 ريال( افضل اداء ) الفروق بالمشاهده بين الشاشات المسطحه بنوعيها البلازما وLCD وباقي التلفزيونات !! واخيرا اتمنى ان يكون هالتقرير المتواضع قدر يجيب ولو على شي بسيط من تساؤلات البعض عن شاشات البلازما و LCD او من كان وده يشتري ولا توفرت له معلومات عنها .. وتقبلو تحياتي
LoveNight
النسخة الكاملة من البرنامج الشهير SpySweeper لاكتشاف وإزالة ملفات وبرامج التجسس SpySweeper v.4.0.4 Build 430 من هنـا حجم البرنامج 6.38 MP السيريال SSDF-ONLN-AAAA-SDGW-GGXZ أو SSDF-ONLN-AAAA-SDSS-UYHH أو SSDF-ONLN-AAAA-RZDG-CVXD
Steganos Internet Anonym Pro™ 2006 8.0 يقوم البرنامج بتغيير IP فأنت الأن فى السعودية وبعد ثوانى فى الهند وبعد ثوانى فى كندا .......... وهكذا وبالتالى لن يستطيع أن يتتبع أحد خطواتك على الشبكه العنكبوتيه إلى جانب التنظيف السريع والفعال للقرص الصلب ومحو أثار تصفح الأنتر نت من على القرص الصلب. حجم البرنامج :7.7Mb التحميل من هنــا التسجيل Name:tam/CORE Serial:123-097-109-047-241 **ملاحظه كبر قريح : لمستخدمين الاتصال العادي عدم استخدام هذا البرنامج لانه ماراح يفيدك البرنامج يعتمد على سرعة الاتصال
برنامج ممتاز وسهل لعمل غلاف للـ Cd
سهل ومميز وأنيق لـ عمل أغلفة للــ CD ، وتستطيع من خلاله إستعمال كل أدواتك الخاصة لإضافة لمسة من الخصوصية لكي تحمل منتجاتك طابعك الخاص ... ويوجد به العديد من الخلفيات الجميلة لكافة المناسبات التحميل : من هنــا وهذا الكود الخاص بتسجيله: Name: ceeper/ORiON Code : C3704BD0-A9069EBE-B4E315C0-E70529B7-67A27F27-11C85414-34E32710-B85B072A
Offline Explorer Enterprise v3.7.2008
برنامج قوي جدا لتنزيل المواقع بالكامل لتصفحها من دون اتصال في اصداره الاخير البرنامج من نفس الشركة المنتجة للبرنامج المشهور massdownloader MetaProducts التحميل : من هنــا حجـــم البرنامج 3.19ميقا بايت
PC Auto Shutdown v1.8 برنامج يقوم على اختيار اغلاق الجهاز بالتوقيت الذي تقوم بتحديدة مع بعض المميزات الاخرى حجم البرنامج 937 ك.ب التحميل من هنـا الباتش من هنـا
