بعد لفة الراس اللي جاتني من العدد الرابع
قلت بقدم على إجازة خاصة وبروح أشيل معاي كرسي البحر << اهم شي
وبتسدح على شواطىء نيس << مسكت معها غلط
،، لكن وين الله يرزقني وبنت شيوخ ناشبة في رقبتي
<< شكلها غيرانه من مايوهي الأحمر والأورانج
عاد قعدت تبجي عندي وتصيح :
ماتسبنيش تشووووو <<
مأدرشي أعيش من غيرك يا ألبي ؟ << بنت شيوخ فخر الدين على غفلة
عاد كسرت خاطري ولا حبيت تقلبه فيلم هندي تالي يعلقني حنش من شوشتي
على باب غرفة القروب
<< حساس الولد مايحب الازعاج
عطوني موضوع ( مقابلة العدد ) !!
ياليل ،، الحين وين أحصل لي صالون أضبط فيه تسريحتي مع زحمة هالعيد
<< أكبر همها
عااااااااد قعدت يومي وأنا أسولف مع قمل راسي أقصد بنات أفكاري
،، منو الشخصية اللي راح تتشرف بمقابلتي << ياحبني لي الله يخليني
لي ويفرحني بي
قلبت في خاطري مافيه الا أدش صفحة الاقلاع الرئيسة واللي يطلع
جدامي بختاره وأول ماشفت اعلان عن افتتاح المنتدى السياسي بقلم
الممرور << قلت بس هذي هي ضاعت ولقيناها
مقابلة مع الممرور على السريع << شغل Take away
عاد الحين شلون نصيد بو محمد
!
مايبيله
الشخصية محتاجة شوية ترتيب خصوصاً واللي يعرف بومحمد يعرف شكثر
مشغول الله يعطيه الصحة والعافية .
لكن وللأمانة أنه ماقصر جزاه الله خير
وافق يقابلني من ثاني يوم << ABC TV
،، وكان هذا الحديث مع أطيب شخص سمي في يوم من الأيام بــ "
الديكتاتوري "
1- من هو الممرور ؟ وليش اختار لقب
الممرور بالذات ؟
الممرور هو احد اعضاء الاقلاع , مواطن عربي
سعودي محب للجميع أما اختيار اسم الممرور فلم يكن اختياري بقدر
ماكان اختيار اخواني المؤسسين حنش وكحيلان والمرجوج لاعتقادهم
بأني اذا غضبت امتّر فأصبح ممرور بينما انا شخص هاديء لا اغضب
كثيرا واذا غضبت فهي مره في السنه ( وأخربها ).
2- متى طرت عليكم فكرة منتدى
الاقلاع ؟ واشمعنى بالذات مع الاشخاص هذيلن ( كحيلان ، حنش
، المرجوج ) ؟
طرت فكرة الاقلاع بعد ان كنا اعضاء في عام
99 في عده منتديات وكانت المنتديات في ذلك الوقت مملوكه بالعاده
لبعض الاخوان من فلسطين والاردن ومصر وان كان بعضها في الغالب
يدعي انه من الكويت او الامارات وكانت اللغه السائده هي العربيه
الفصحى وبصراحه كنت انا واخواني المرجوج وكحيلان وحنش لا نلتزم
بالقوانين اللغويه ونتعرض للفلسفه باستمرار من مشرفي تلك المواقع
الموجهه اساسا للسعوديين بصفة خاصه والخليجيين بشكل خاص مما دعانا
للتمرد والتزام اللهجة العامية والنجديه تحديدا وفي اخر الوقت كنا
نذب بعض الذبات الطريفه على بعض هالمتفلسفين مما اكسبنا عداوات (
جميله ) نتج عنها كرشنا وطردنا من معظم تلك المواقع وكنا نعود
باسماء ثانيه , حتى تبرع لنا بعض الاخوان بانشاء منتدى خاص لنا
الاربعه لحالنا لأنهم رأو اننا قلق وقد دخلنا بعد ايام من افتتاح
الموقع في القائمة السوداء لبعض المواقع المشار اليها .
قمنا بافتتاح المنتدى في موقع مجاني وكتبنا فيه لحالنا الاربعه
لعده ساعات وبدأنا نعلم اصدقائنا المقربين اننا اول منتدى سعودي
يتكلم بالعاميه .
في نهاية اليوم الاول اصبحنا اكثر من مئه وفي اليوم الخامس تعدينا
الستمائة عضو .
اما اشمعنى ( هذيلين ) كحيلان وحنش والمرجوج , فلأنهم اخواني
واصدقائي واللي بيني وبينهم اعظم مما بين الاخوان من محبه وترابط
وحنا الاربعه عائله واحده فأم المرجوج والدتي وحنش والده والدي
والجأ له كثيرا بعد الله وكحيلان علاقتي به من اكثر من 18 سنه
وعلاقتي بوالده واخوانه قويه واللي بيننا الاربعه علاقة اقلاعية
فريدة قبل الاقلاع العنكبوتي على ما قالوا .
3- شنو أول موضوع اكتبه الممرور في
ساحة الاقلاع ؟ وليش تقلصت مشاركات الممرور لحد ما انحصرت
بالاعلان عن القرارات ؟
اول موضوع والله ناسي وشو لكن اول هوشه ,
اما اسباب تقليص المشاركات فلها اسباب بالنسبه لي .
أهمها اني اذا رديت بموضوع فلان ولا رديت بموضوع فلان زعل اللي ما
رديت عليه , وانا احب البساطه وما احب اخسر احد والناس اصبحت اكثر
حساسيه من اول .
بو محمد ماودك تتعودها
؟
4- هل تشوف أن الاقلاع وصل للي
كنت متخيله عن المنتدى أول مافكرتوا تسوونه ؟
لا , البدايه كانت فكره الموقع بسيطه ومحدده
ولكن مع المنافسه تطور الاقلاع كثير عن تصورنا آنذاك وسيتطور أكثر
خلال عام 2006 وهذا وعد .
5- ليش تغيرت الألقاب بالاقلاع مع
أن الكثير يشوف أن الألقاب قبل كانت تناسب جو المنتدى أكثر
من نظام الريش ؟
ابتيدنا بالريش وانتهينا به ولكن اختلف
الاسلوب , ففي السابق اذا تتذكرين كان هناك عضو على راسه ريشه
وعضو على راسه ريشتين وعضو بثلاث ريش , واليوم كل مية مشاركه
بريشه ولعل التضخم الاقتصادي له دور .
6- إن كنت صاحي .. عادة إبليس سهران
وإن كنت نــايم .. نـــــوم مثلك عباده
كتبها الممرور في توقيعه ،، فصورة من كانت في بالك حينها ؟
لم أكتبها , بل كنت نايم بدري وقمت الفجر
لأجد في جوالي اربعين مكالمه من ابو فيصل المنفهق قدس الله سره
ووجدت الرساله منه بهذا البيت ولعله توقع اني مارديت عليه متعمد
أو اني نايم . فأرسل البيت ليزربني به ولكني لا اعلم هل هو له او
لغيره لكن الاكيد انه استفزني .
7- شنو قصة بيعة الجادة ؟ وشلون
رجعت للاقلاع ؟
لإنتقال الجادة قصة معروفة ومعلنه , أما
عودة الجادة فلها قصة أخرى كان بطلها ابو فيصل المنفهق الذي تولى
موضوع اعادتها بالكامل للاقلاع بلا ضرر او ضرار وهو من تحمل
مسئولية التفاوض وانهاء الوضع مع الاخوان في دار الندوه حتى اصبحت
الجادة قسم كامل في الوقت الحاضر .
8- ماهي فكرة منتدى السياسي ؟ وهل
راح ياكل الجو على الجادة ؟
المنتدى السياسي منتدى جديد يطرح مواضيع
جديده وباسلوب جديد على رواد الانترنت وبشكل متفرد والمهم فيه
الكيف لا الكم .
فكرته تقوم على متابعه القضايا الدوليه وتناولها بالتحليل بلا قيود
بعيد عن ما يطرح في منتديات اخرى من سب وشتم وتحزب .
المنتدى السياسي فكري اكثر مما هو اخباري . والجاده محليا جوها
بديع ومن الصعب اختطاف تفوقها .
9- ودامنا بالحديث عن الجادة
والسياسي ،، هل تعتقد اسم الاقلاع وما يعنيه كان حاجز منع
البعض من الاخذ بجدية الطرح في المنتديات السياسية ؟
المشكله ماهي من الاقلاع او اسمه , المشكله
من هؤلاء البعض .
بالمناسبه , أحسن محل كبده في الرياض هو في الحله ويأتي له
المشاهير من الساعه ست الصبح وكبدة سعيد هي الالذ ويعرفها الصغير
والكبير الحاكم والمحكوم .
لكن البعض يفضل افطار شونيز ( مربى وزبده ) لأنه في العليا .
انا لا اقصد الاساءه ولكن وللناس فيما يعشقون مذاهب
10- مرة في مقابلة لك في جريدة
الجزيرة رديت على سؤال عن سبب تسمية الموقع بالاسم قلت : ((
اختير المسمى للتعبير عن فضاء النت أرحب من أرض الواقع مما
يبعد امكانية اصطدام الأفكار والتعصب لها. ))
هل تعتقد أن هالشي مازال موجود بالاقلاع ؟
عند الاعضاء القدامى اجزم بأنه موجود , وعند
الجدد موجود لحد ما .
11- كثرت سرقة او خلنا نرقعها
ونقول اقتباس مواضيع كاملة لاعضاء الاقلاع لدرجة مرات ما
يغييرون الاسماء المذكورة بالموضوع والخاصة بالاقلاع هل
يشعرك بالغضب لانه مافيه حماية حقوق والا بالفخر لأنه يعني
شهرة للمنتدى ؟
طالما انهم يسرقون فهذا يعني ان الاقلاع
مصدر معتبر للسرقه . ولكن هل السارق دائما ينجو بسرقته .
لا اعتقد بل اعتقد ان الشباب في الاقلاع لديهم القدره والامكانيه
لشرشحة أي سارق وفضحه امام الرأي العام .
شخصيا اشعر بالفخر
12- العمّه
قلم جاد ومميز
ارضى بالممــرور لا يجيــك اللي أمرّ منه! << شنو شافت من الممرور
عشان تكتب هالجملة بتوقيعها ؟
لو كانت شافتني واما ممتر لعرفت انها لم
توفق بالتوقيع لعدم دقته .
13- ( نبيها فعلا شي مستنكر )
قلتها في موضوع سنة 2000 عن مجلة الاقلاع ،، فشرايك في
مجموعة الاقلاع البريدية ؟
مستنكره
وحلوه مره وخفيفه واخراجها رائع والشكر على كل القائمين
عليها فمن تميزهم تميزت المجموعه
14- هل صحيح أن عمرك تجاوز الخمسين
وهذا سبب قلة مشاركاتك ؟
ستزيد مشاركاتي بلا شك من يوم اوصل الخمسين
بحكم التفرغ
15- منو أكبر أنت والا كحيلان ؟ وهل
صحيح أنه جد ؟
أنا أكبر من كحيلان ببضع أشهر . واعرف انه
سيصبح جد قريبا لكن حتى هذه اللحظه وانا اكتب ردود الاسئله لم
يصلني خبر مؤكد بالخبر السعيد
16- سمعنا ان يوزرك قد توقف في
الاقلاع من وقف يوزرك ؟ ومتى ؟ وشنو السبب ؟
اللي وقف يوزراتنا كلنا كحيلان قبل خمس سنين
واعتقد السبب ان العيال نرفزوه وقام ووقفهم كلهم وانا معهم مع اني
كنت نايم وقمت من النوم اشوف الاقلاع واثري موقف فكلمت الشباب
فقالوا لي اننا كلنا موقفين وانه موقفني معهم فكلمت اخوي كحيلان
وسألته عن سبب ايقافي فقال لي انه يعرف اني احب العيال وقد اتعاطف
معهم فاوقفني من باب الاحتياط . وطبعا الموقف كله كان ضحك وضحكنا
ليلتها كثيرا عندما اجتمعنا وخصوصا انه اخذ حقه من العيال بيده
كالعاده .
17- وصلتني سالفة انك كتبت بيوزر
بنت .. وكان اسمه " ريوووم " شنو كانت قصة هاليوزر اللي انت
كتبت به ؟
اطلاقا , يوزر ريوووم كان موجود وفجأه جانا
طلب بتغييره الى ضفيدع وغيرناه وكنت انا اجي احيانا امزح مع ضفيدع
واناديه ريوووم كمداعبه لا اكثر .
18- شرايك بو محمد بسياقة المرأة
في المملكة ؟ وهل تعتقد أنها مجرد تحصيل حاصل ؟
هل تقصدين سياقة المرأه بشكل عام او سياقة
السعوديه بشكل خاص ؟
في تصوري ان سواقة المرأه للضروره ما فيها أي شي وخاصة بضوابط
كالحالات الاسعافيه او اللي بتودي عيالها المدرسه لتعذر وجود سائق
او زوج .
انا مع ولكن بضوابط , وضد اذا كانت بدون ضوابط .
19-
ياهاجس الاشعار من سيف ماموور
*+*+* الامر مني وانت منك استلامـه
ولاعاد يبقى في خوافيك مذخوور *+*+* قدام لا تصدر عليك الغرامـه
ومادام ناديتك علشان مــمــرور *+*+* اللي فعوله برهنت عن
كلامـه
اللي قراراته ليا جت لها دور *+*+* يستاهل البيضاء يامال
السلامـه
اللي بنى للفكر والمعرفه طور *+*+* ومرقاه مايجلب عليك الندامه
وفالمعرفه والطيب دكتور..دكتور *+*+* وتواضعه يفرض عليك
احترامـه
من لابة(ن) ماهيب تقلط على السور *+*+* نصيبها في شعيل دايم
سنـامــه
لولاه يستاهل وبالطيب مذكور *+*+* ماسقت قافي بين جرف وعـدامـه
لكن من فعول الكريمين مجبور *+*+* وانا على مبدا الشرف والشهامه
وياقاري الابيات ماجور ماجور *+*+* ماقلتها قصدي نفاق ورخـامـه
وارجواالسموحه كان لاحظتواقصور *+*+* حاولت اقدم مايليق بمقامــه
تعرف منو قال هالابيات ؟ وسبب قولها ؟
هذي القصيده لأخوي الغالي الشاعر عكاشه (
ابو عبيد ) والمحبه اللي بيني وبين اخوي سيف من اسباب القصيده .
20- شرايك بندرة ردود المراقبين
العامين في المنتدى ؟ وهل يعني هذا انشغالهم الدائم ،، أم
وجود يوزرات أخرى غير معروفة لهم خاصة بالمشاركات التفاعلية
؟
اعتقد انهم يشعرون مثلي بحساسية البعض اذا
رد على هذا ولم يرد على ذاك . انا اعتقد ان هذا سبب رئيسي ,
واعتقد ان لكل منهم الحق في ان يكون له يوزر يعبر به عن فكره
بعيدا عن التزامات الرقابه والاشراف .
21-
<< منهم الشلة وين كنتوا طالعين ؟ << تحس خلصت أسئلتها
مازالت شلتي كماهي كحيلان وحنش والمرجوج
ومشعل والطلعه شكلها للبر .
وشكرا لكم وبالتوفيق
|
