.. البنز واجهه مشرقه للاسره العربيه
مقدمة الموضوع :
مع قرب موسم سموم الصيف
والهواش في صالات الجوازات
وصلة الرحم مع الخطوط السعودية
وزحمة الحجوزات والقروبات السياحية
ممكن يتوهق رب الأسرة ويلخمه مكتب سياحة
ويذبّه في رحلة للقاهرة ويقول : لا تفوتك أم الدنيا ...
تراها ديرة سياحة ورخص وسعة صدر
وعشان نحذّر كل من تسوّل له نفسه ياخذ عياله للقاهرة ... كتبنا
والله المستعان هذا الموضوع
لعل أن يكون فيه عبره وعضه لإرباب الأسر
برايفت لأهل الساحل الغربي من وطننا
الغالي *
الموضوع هذا ما يعنيكم .. لا باتسر تورطوني وتقولون اني أدعو
إلى قطيعة الرحم
( انتم بصركم .. خوالكم هناك وربعكم وشققكم وشغلكم عارفينه )
انا أقصد ربيعنا اللي عندهم مرض اسمه ( متلازمة الصيف والمهايط
)
الموضوع :
قدّر الله علي الصيف الماضي ... وخذت برنامج سياحي ( بكج )
للقاهرة لمدة عشرة أيام مدفوعة القيمة ( سكن وصخونة وحومة تسبد
)
وكانت لي مشاهدات خاصة في سكني .. واللي يعرف معظم رواد
القاهرة
شيرتون القاهرة ..
يقولون ان نصف الشباب اللي يروحون لمصر يعرفون فندق شريتون
القاهرة والنصف الثاني ما يعرفونه نتيجة ارتفاع معدّل الكحول
في عروقهم ..
وعشان كذا .. حبيت أنقل لكم بعض من خفايا ذلك الفندق الذي يعج
بالسيّاح من كل شكل ولون
.. << على طاري ( يعج بالناس ) ترى أرضية الفندق بلاط لا يجي
احد وينقل على لساني ان أرضيته ترابية ( طرّاه العج ) !!
( مصالة مصري ناشبن لي في باب الأصنّصير !!
يتكون الفندق من عمارتين ..
وحده يم جهة السفارة الروسية
( شوفوها ذيك العمارة البيضاء القصيا ) << الله العالم ان
روسيا ناوية تصدّر لمصر لحم وردي نصف استواء .. وتبي الفندق
ثلاجة لذا اللحم لا يخيس !
والعمارة الثانية يم جهة الدوار اللي فيه بزران يطرون !
<< الله ما زين الوصف بعد ... لو نوصف المحلات بالطراير تسان
من يوم نوصل المطار وانحن ضايعين من كثر ذا الطرارير
( ما تدري من انت في يده .. ذا يطر ويبتسي وذاك يطر بقوة عين
.. وذا مسوي فيها انه فازعن لك وعقب شوي يعود يطرك ) !!
الله العالم ان نصف الدخل القومي المصري
يعتمد على الطرارة في الصيف من السيّاح والنصف الثاني يعتمد
على شطارة الحكومة في الطرارة الخارجية والديون !
نرجع لسالفة الفندق !!
بين العمارتين ذا اللي تو حتسينا عنهن !! فيه مسبح مهوب شين ..
لو الله يفكنا من ذا الخواجات اللي ماغير يتسدحون في ذا
القوايل ويدهنون جلودهم ثم يطبون في المسبح بدون ما يخذون دش
!!
الله يقرفهم صايرن المسبح تسنّه مرقة لحم ماغير دهن يطفح !
<<<< مع ان فيه بعض الشباب يؤمنون بالقول الفاسق
( اذا فاتتك اللحمة .. لا تفوتك المرقة )
لكن هذا ما يمنع ان ذا الحركة تحوّم التسبد وتخلي الواحد يقعد
بوصخه ما يسبح الين يعوّد للديرة !
( واحد متعود يدلك جسمه في المسبح ) << الله يحللهم عندك يا
شيخ !!
وطبعن فيه مسبح صغير للبزران مليان من بزارينا ( الله يهديهم )
تسنّهم ( بغاريث ) ماغير يطافشون في ذ المسبح وموية المسبح
تسنّها شعار نادي النصر أزرق وأصفر << كناية عن زغاغيل ذا
المبزرة !!
وطبعاً ما ننسى ان ذا البزران لهم أولياء امورن مالهم أولياء
أمور
<<< طرّاه امهاتهم واخواتهم اللي ماغير يتميلحون على ذا
الكراسي على جال ذا المسبح وانواع الطلبات والاستعراض ..
والمشكلة تسنّهم جايين من مقطعة ماغير عصيرن جاي وعصيرن رايح
..
وبعضهن لولا الحياء تسان تطلب كبسة لحم حاشي على المسبح !!
( أهم شي انها تلفز في يد الجرسون جنية .. يعني اني راعية
اتيكيت وحركات ) !!
وفي وسط الفندق ( لوبي )
<<< الظاهر لو بفك عليكم واقول ان هذا اسم ولد خالة ( روبي )
من الرضاعة !! بتمشي عليكم !!
طبعاً اللوبي مليان كراسي وجلسات .. وفي كل جلسة تلقى حوالي
خمس أو ست أشخاص ما يعرفون بعض .. وعيونهم طايرة في الرايح
والجاي !!
<<< بعضهم من بعيد تحس انه ( مروحه قعّادية ) !!
وأحيانا تلقى خمسة تماسيح وبينهم بنت تسنّها علبة ألوان من زود
المكياج وتتكلم بثقة وتفاصل في قيمة صفقة !!
<< ابراي لله وش نوع ذا الصفقة .. بس أشوف ذا البنت تحتسي
ومتحمسه وتطلّع من شنطتها ( تفيخه ) مصفطه تسنّها منديل معطّر
.. وتقول : مش كفاية ان البالونات دي من عندي .. ومقّاناً كمان
..!!
<<< يا ناس قد شفتو واحد برئ مثلي !!
قبل لا أنسى .. ترى العمارة الوحده فيها ( 12 ) دور .. كل دور
.. يسكن فيه نوعية معينة من السياح ..( فيه تعليمات عند حقين
الاستقبال يوزعون الناس حسب اهتماماتهم لا يتهاوشون )
يعني تلقى دور سكانه ( قصاصيب ) يقدرون اللحم .. ولا يعترفون
بشي اسمه أكل نباتي !
و دور سكانه خواجات ينامون بدري ويصحون بدري ( تسنّهم خبازين
).
. وكل واحدن معلقن على ظهره شنطه صغيرة ولابسن كنادر كورة
وأنواع المشي والطربقه !!
وما يخلون شي ما يصورونه !!
<< اذكر ان واحدن منهم ( عليه من الله ما يستحق )
مر من جنبي .. ثم التفت وصورني ! ( الظاهر والله العالم ان
منظري أغراه وانا بالثوب والهواء ناطحني ) ! << أنواع الإغراء
!!
وفيه .. دور .. سكانه ممتحنين حقين ( الروم سريفس ) من كثر ما
يطلبون ثلج وغراش طيب !!
<<< ياشين اللي ما يعرف إلا الوطني .. والخرش !!
وكل شوي حقين ( الروم سيرفس ) بلشين ببلاغ عن حادثة تطريش في
سيبن من الأسياب !!
<<< ترى الروم سيرفس هم حقين خدمة الغرف
( لا ياشيخ ) لغير الناطقين باللغة الفندقية ( طرّاه ان بعض
الناس اذا قام يسولف عن السياحة تحس انه بلبل انقليزي .. واذا
جاء الصتز .. لقيته دبوج يالله يالله يخارج عمره مع روسيّات
البحرين ) !!
وفي الدور الأرضي .. صالة عروس.. قبلها حانتن رانة .. كل ليلة
واحدن من ذا المصارية متوهق وماخذن له كربة
( ما بعد شفت عروس زينة ابد .. من خبرت القاهرة وعرايسها ..
كلهن شينات )
الظاهر انهم مقسمين حريمهم مثل مزارع الدواجن وفي رواية الدجاج
( شي بيّاض لغرض العرس والتكاثر وما يهم الجمال فيه !!
وشئ لاحم لغرض الأكل .. وطبعاً ..الجمال شرط أساسي فيه ) !!
ومثل ما نعرف المصارية يقدرون شي اسمه صجة ولجة !! وعرسهم
مايخلى ابد من الصجة والازعاج ( توحي صجتهم وانت في الدور
العاشر ) الظاهر ان اللي يطقون عندهم مفصلين على يدينهم
زبيريات وهات لزخ في ذا الطار الين يذّن !!
ومثل ما نشوف في الأفلام تلقى العروس متعلقة في يد عريسها لا
ينحاش والرقاصة قدامهم مسويتن زحمة ومطلعتن سرها جعله يدود ما
أبطى !!
ما تدري ان اهل العروس مقاطعينها على ذا الشغل عشان تزين بنتهم
في عين عريسها !!
وفي الدور الفوقاني اللي هو رقم 12 فيه مطعم مغربي <<< ما تدري
انت تاكل بيديك وإلا بعيونك !!
( هذا الشعور اول ما توصل من الرياض .. بس .. عقب ما تشبع تصير
تكره ريحة الأكل ) << عاش مصرّف !!
بس الوكاد ان ذا المطعم .. جريمة في حق الانسانية .. وما درت
عنه ذيك ام كشّه حقت حقوق المرأة في مصر !!
<<<< فيه سوق بورصة وبيع وشراء في ذا اللحم بشكل يندى له
الجبين !! ( طبعن ذا الندى ممكن يتغير محله حسب تفكير الشخص
واهتمامه ) !!!
<< طرّاه ان بعض الكراسي مليانتن خرايط من كثر الندى والرطوبه
في ذا المطعم !!
واللي قاهرني ان فيه كدايش وعجز منتهية صلاحيتهم يطلعون تالي
الليل اذا اختبصت العقول وصارت نسبة الكحول فوق المعدل الطبيعي
!! ويلقون زباين تطلبهم
<<< الظاهر ان فيه ناس تحب لحم القفر مع الشراب !!
واذا حولنا تحت .. مثل اي فندق .. بنلقى نادي قمار مليان من ذا
الطحاطيح والطرارير على حد(ن) سواء !!
ولكن الطرارير نسبتهم أكثر والمشكلة مسوين زحمة وهم اذا صفو
على طاولة توزيع الورق ( البلاك جاك ) يقولون للــ( الديلر ) !
<< اللي يوزع الورق !
( مهوب عاقل ذا البنز .. اللي يوحيه يقول مقطوعن سرّه في لاس
فيقاس )
يقولون له : لا ترص الورق ترى بنكوّش !!
<< يحسبون انهم في ملحق يلعبون بلوت !!
وما ودنا ندخل في تفاصيل ما يحدث في داخل صالة القمار من كفر
بالنعمة ولعب بالدراهم وتميلح ( المغربيات المتقاعدات عن العمل
) واللي انتهى عمرهن الإفتراضي في سوق اللحم !! وعشان كذا
بنطلع يم بوابة الخروج
>>>> منّا الباب تعالو !! ( واحد قاعدن يشر بيده ) !!
عند باب الخروج حاطين حراسات أمنية ( يقال لك عن الإرهاب
وحماية السياح )
وهم طراير بملابس رسمية !!
<< الظاهر لو ما تعطيه شي طلّع بدل المسدس صك وتزكية من شيخ
الأزهر انه محتاج
ويكد على كوم لحم
! ( ملاحظين ذا العبارة اللي تو .. تحس ان اللي كاتبها
قروي بيحتسي مصري بالقوة ) !!
واذا طلعت من الفندق لا تفكر ترجع في نفس اللحظة .. لأن الكل
بيظن انك طرى عليك طاري جديد وبترش عليهم جنيهات !!
هذا ملخص .. لما يمكن أن تشاهدة في فندق شيراتون القاهرة .. أو
أي فندق أخر من فنادق مدينة القاهرة ( أم الدنيا ) << أمحق ام
!!
في بلد يهتم براحة السائح العربي والأجنبي على حد سواء !!
ويقدم أفضل ما لديه من خدمات تستهدف الجيب بغض النظر عن العيب
!!
بلد يظن أهله ان الغش والخداع ( فهلوة ) !!
وأن سرقة المواطن الخليجي حق شرعي ومستحب من الناحية العرفية
طالما ان الخليجين يتجاكرون في ( بعزئة الفلوس ) !! على اللي
يسوى واللي ما يسوااش!!
طبعا الكلام ذا مسحوب على أهل القاهرة
واللي يرتادون محلات تواجد السيّاح .. وإلا فيه ناسن خارج
القاهرة .. ما عندك أحسن منهم ( أخلاق وتعامل ) !!
برايفت * لكل مواطن عربي
انا أنقد ما أراه .. ولا أعمّم
<<< طرّاه ان مهوب كل اهل المغرب يشتغلون في القصابة وسوق
اللحم !! ( وجه واحدن تذكر مدرب الحديد في نادي بودي ماستر )
!!
ما يستفاد من الموضوع :
ودك تسمع ببعض الديااااااار ... والفنادق ... ولا تشوفها !!
بعض الفنادق مهيب مناسبة لسكن العائلات المحافظة .. وبعض
العائلات المحافظة تدري وتعاند !!
<<< شرب الحمير .. مغاير !!
تحياتي !!
