ضيفنا أحد المشرفين وهو من الأعضاء البارزين بأقلامهم وأطروحاتهم إبـ ـرازاً له وعرفاناً بـ عطائه المتتالي .. سريع البديهة ..حاضر الكلمة ..صريح للغاية .. خفيف الظل ..يجبرك على إحترامه ...لأنه منبع الأخلاق .. ضيفنا قلم معاند .. لا يقتنع إلا برأيه في كثيـ ـر من الأحيان توجيهه مباشر ونقده صريح .. لايجامل أحداً.. ولا أريد أن أسهب في الكلام عن الضيف فسيأخذكم في رحلة لأعمـ ـاقه .. واضـ ــح .. مشـ ــرف منتدى قهوه الاقلاع العامـ ـه * البطاقة الشـ ـخصية ؟. يوم قلتي البطاقه الشخصيه خنقتني العبره لأني توهقت ولا ادري الصراحه وش اكتب لكن نقول واضح احمل الشهاده الجامعيه ادارة اعمال وموظف أد الدونيا حاليا *اشعر احياناً بقسوه شديده في مداخلاتك وردودك .. فهل هذا جزء من شخصيتك؟ بالعكس انا الصراحه والكلام المباشر هي افضل بكثير عندي من المجامله على حساب المنتدى وأعضاءه هذا اذا تقصدين ردودي على المواضيع الماصله مع اني والله احيانا اقول مابقى الا اجيب لهم كيك قبل ماارد عليهم من زود المسايس والمساحر *هل كانت هناك أمنيه في الافق ولكن حجبتها الظروف ؟ كثيره هي الاماني اللي يتمناها الانسان ولاتتحقق له لكن مو معناتها انه يهجد ولايصير عنده طموح ... الا بالعكس المفروض يستمر على امانيه الين يفرجها الله ويحققها له والا عاد ينهبل ويبدأ يراكض بالشوارع والعالم تلاحقه وتقول له العبيط أهوووه اويلاه <<< مصري يشتغل ببريده *من أقرب الناس إلى نفسك وتعتبره مسـتودع أسرارك ؟ وين بس بالنت والا برا النت لان لي بكل مكان مستودع يالله لاتغيرها نعمه (وجه ياكل علك ويسوي تفافيخ ) * ماذا يمثل لك منتدى الاقـ ـــلاع ؟ الاقلاع تقريبا يعتبر هو الانترنت بالنسبه لي . الله لايحرمنا منه ولايحرمكم مني <<< مهوب مغرور ابد *بكل صراحة من من الأعضاء والعضـوات تجذبك مشاركاته ؟ كثير اللي يعجبوني والمبدعين وش كثرهم بالاقلاع ماشاء الله * هل تخصصـ ـك الحالي هو من ضمن مخططاتك المستقبليه وضمن ميـ ـولك ؟ اكيد الحمدلله صح اني كنت ناوي طب أول لكن قلت ماله داعي تحرج زملائك الاطباء وخلك ادارة اعمال وتخب عليك * كلـ ــمه توجهها لــ .. المراقبين الله يقويكم ويوفقكم ويعينكم ( وجه ماد معروضه ) المجموعه البريديه ماقصرتوا ومجهوداتكم واضحه بالابداع الحاصل واللي نشوفه بكل عدد الاعضاء المميّزين خلوكم على هالوزنيه الله يعافيكم الاعضاء الماصلين مافيه احد ماصل الحمدلله لكن الواحد احيانا تجيه اوقات يتميصل شوي والا كل(ن) فيه حقه من الأبداع والمصاله * ما موقع المرأه من الاعـ ـراب في حياة واضح ؟ المرأه هي اهم شي بالحياة بعدي طبعا .. فمن غير المرأه يطبخ لنا ويغسل هدومنا ويصلح الشاهي والقهوة <<< بينجلد * ورده حُب لمن تهـ ـديها ؟ اهديها لهذا الوطن الغالي << مقدم على الجنسيه ويسلك اموره * هل ترغب بأضافه او كلـ ـمه أخيره ؟ اشكرك اول شي على مجهوداتك الملحوظه سواء بالقروب والا بالمنتديات ماشاء الله عليك واشكر جميع اعضاء الاقلاع ومراقبينه ومشرفينه ونشوفكم على خير
