.!الابيض .. ابو ملف.. ابو قوسين .. تعددت الاسماء والضرر واحد
فيه انواع كثيره من الحبوب..لكن فضلنا نكتب عن الابيض .. لأنه الاكثر خطوره والاكثر انتشارا !
بهالزاويه راح نكتب كل شئ له علاقه بالابيض .. بس بطريقتنا
تاريخها ..
على ايام ما كان هتلر رئيس لألمانيا وكانت دولته من اقوى دول العالم وقتها ..
كان الرجال طماع شوي ويبي يتوسع بدولته ويحتل اغلب دول العاالم ! طلب من العلماء الي عنده يصنعون له شئ
يخلي الجنود ماسكين خفاره اربعه وعشرين على اربعه وعشرين ..
فصنعوا له هالحبوب وصاروا فعلا جنوده طول الوقت صااحين ويحاربون ..!
ويقال انهم بالنهايه هلوسوا وصاروا ما يدرون وين الله حاطهم مما ادى الى تراجعهم وخسارتهم الحرب ,!
عاد بعدها انتحر السربوت هتلر والى هالحين ما يدرون وين جثته
القضوم ..
حبوب لونها ابيض .. تزيد من ضربات القلب وسرعة تدفق الدم .. بالتالي يحس الواحد بنشاط مهوب طبيعي
ويحس ان وده يطاامر هنا وهناااك ,! طبعا الواحد لما بلع الحبه بعد شوي تمسك معه على شئ ..
بمعنى لو اخذها ومسكت معه على كتاب بيذاكر الكتاب ذا عشر مرات حتى تاريخ طباعة الكتاب بيحفظه ..
ولو مسكت معه على تسلق جدران حتى بتلقاه مثل القرد متعلق بسور بيتهم ,,
طبعا بهالفتره الابيض اللهم يا كافي صاير انواع .. فيه شئ اصلي وهذا الي يخليك تمسك خط الشمال رايح جاي !
وفيه شئ مهوب ذااك الزود لكن له مفعوله ..
وطبعا كل ما كانت الحبه اصليه اكثر كل ما زاد السعر ,!
ولو ان الي ماله خبره ما راح يفرق بين الاصلي والتقليد لأنه بينهم تشابه كبير وصعب اي واحد يفرق بينهم .,!
بأيام الشتاء والبرد لا اخذ الواحد حبه يبيله يشرب معها سوائل ساخنه مثل الشاهي .. على قولتهم عشان تشد الحبه
,, وكل ما اخذ الواحد على الحبوب اكثر كل ما قلت مفعولها ..
لو كان الشخص اول مره يستخدم يمكن حبه وحده تخليه يواصل يوم .،!
لكن بعد فتره الحبه تكمل معه ست ساااعات وتقل فترة مفعول الحبه كل ما زاد الاستعمال ,,
ولو استمر الواحد عليها فترات طويله يبيله كل ساعتين ياخذ حبه ..
ولأن الشباب هم عماد الامه .. دائما يكون التركيز عليهم اكثر ,
فلو نلاحظ انه قبل عشر سنوات او اكثر تلقى الي مستمر على حبوب الكبتاجون
ما تأثر عليه هالحبوب بسرعه وتخليه يفقد عقله ..
لكن من تالي الحبوب صاير ضررها اكبر بمعنى ان الواحد خلال ست او سبع سنوات بالكثير راح يهلوس .!
حتى ثمن الحبه حاليا صاير في متناول يد الجميع .. وهالشئ متعمد
تنتشر بأيام الاختبارات بشكل جنوني خصوصا بين طلاب المدارس ..
عشان كذا لو شفت واحد مخلص الاختبار بدري وكل شوي يتحرك
ومره يقدم الطاوله ومره يرجع الكرسي اعرف انه مهوب طبيعي
.. واحيان اذا كنت مسافر ومعااك شله تلقاهم يقولون خذ حبه وامسك معنا الخط وخلنا نسولف ونتونس..
وصدق من قال اذا تبي تعرف الشخص وش من لحيه سافر معه
بنهاية مفعول الحبه يشعر المستخدم ..
( المستخدم ولا كلمة المرور .؟
) .. انه تعبااااان او بمصطلح مستخدمين
الحبوب يوصل لمرحلة .. الفكوكـ ..! حتى لو كان الانسان ناااايم وشبعان نوم يحس ان وده ينام .. ونومه بعد الفكوك يطول
! لو تورط الواحد وكان يبي ينام ومفعول الحبه ما بعد خلص .. يشرب لبن !
انواعها وطريقة الاستخدام ..
حبه قبل النوم وحبه بعد الفطور خخخخخخخخخـ
!! فيه منها حبوب توضع تحت اللسان .. او تبلع .! وفيه شئ يجي منها كبسولات وشئ بودره ..
لكن المنتشر حاليا والاسهل استخدامه هي الحبوب ..
الاعراض ..
مثل ما قلنا يشعر الانسان بنشاط زااايد وحماس مهوب طبيعي
.! لكن بنفس الوقت تلقاه يشرب مويه بكثره
وشهيته تقل .. عشان كذا اغلب الي يستخدمون هالحبوب بشكل تلقاهم معصقلين
! تلقاه يتحرك بزياده ويحاول يمسك اي شئ ويحطه تحت اسنانه واذا ما لقى يمكن تلقاه يحك اسنانه ببعضها ..
يعني يسوي مثل هذا ----->
!! بالاضافه لتقلب
المزاااج ..مثل ما ذكرنا انفا
يمكن تمسك معه على ضحك ووناسه وتلقاه اخر روقان ,,وممكن تمسك معه على احزان ودموع وتلقاه ضايق صدره وما يبي احد يكلمه ,
ويقال انه ما يحب يتعرض لأشعة الشمس والضوء القوي لاتساع حدقة العين ..
.. الاضرار ..
بالبدايه .. الواحد طبعا اذا اخذ حبه يزيد تركيزه ونشاطه .. لدرجة الوسوسه والشك في اقرب الناس له ,!
من تصرف عااادي وطبيعي يواجهه من اي شخص مفعول الحبوب يطلع براسه الف فكره وفكره ويخليه يشك بالشخص الي قدامه ..
وش قصده يوم يقولي كيف حالك ويبتسم ..؟؟ ليش اليوم طلع للسوق وما قالي ..؟؟
بالنهايه .. الواحد يوصل لـ مرحلة الجنون .. يعني الحبوب تسوي للمخ ديليت !
! وممكن قبل ما يوصل الواحد لهالمرحله تجيه
امراض نفسيه مثل الاكتئاب والوسواس القهري
.!.
اجرينا هذا اللقاء المغلف بالاحداث البوليسيه مع الشاب " زمن اغبر
" ( هو الي طلب
نسميه كذا ..يقول بمناسبة الغبار الي نازل عليها هاليومين
) ,, شاب يدرس
في احد جامعات الرياض ( كلها جامعتين
) سبق وان خاض تجربة الكبتاجون .. ويقولون انه حاليا بطل كبتاجون وصاير يستخدم حشيش ( << بدينا بشغل الاشاعات
) .. بحسنا الصحفي العالي باغتناه بسؤال خطافي .. فـ خارت قواه واستسلم للأمر الواقع
حنا : كم عمرك ..؟؟
زمن اغبر : عمري ياطويل العمر والسلامه والبقاء ويالله ان تحييه 24 وكم شهر وعلى كم يوم
حنا : وش لون استخدمت .. وكم كان عمرك وقتها
.؟
زمن اغبر : والله اول مره كنت مغشوش فيها ,,
وكانت بشاهي وكان عمري على ما أذكر الظاهر انه 20 او 21 !! ما أذكر والكذب خيبه
حنا : وبعد ما شربت الشاهي ..؟
زمن اغبر : ابد حسيت بحيويه وانا كنت خملان
..
.. وحسيت انه ودي اطير واركض
وعلى فكره كنا وقتها كاشتين
حنا : طيب متى عرفت انك كنت مغشوش ..؟
زمن اغبر : بعد مارجعت للشقه واشوف ان النوم مجافيني
واشوف اللي حوالي بعد صاحين ومن الدوامات ما أحد نام
وكان يوم اربعاء وقلت لهم وش السالفه وين راح النوم ؟
وقالوا ترى كلنا مغشوشين بالشاهي
!
حنا : طيب عجبك الوضع ورجعت تستخدم ولا وش صار .؟
زمن اغبر : انصدمت وتحطمت .. و من هالشهر صرت اجيب شاهي معاي ولكن ذلك لا يمنع اني قد انغشيت اكثر من مره !
حنا : شكلك سبيكه
..؟؟
زمن اغبر : تقدر تقول في ذلك العمر فقط
المهم عرفت اسعارها تقريبا وصرت اشتريها علشان اعرف شكلها .,
حنا : طيب كنت تستخدم ..؟
زمن اغبر : استخدمتها مره او مرتين ايام اختبارات ..
ومره على سفر ! وبعدها والله عرفت شي اسمه اسبريسو اطلق من الحبوب
طيب تبي اقول لك سالفه واحد .؟؟
حنا : قوول ..
زمن اغبر : ياطويل العمر هذا واحد عزيز علي وطاح فيها من قلب
الوكاد دق علي الساعه 7 الصبح يوم من الايام وقال الحق علي فيه واحد
يلاحقني وشكله ناوي يبلغ فيني !..
قلت من يراقبك و وش السالفه ووينك انت الحين .؟ حدد لي موقعه
وقلت خلك عند المحطه الفلانيه جايك ,, جيته ولقيته مولي وجه مشحب وهو رايح فيها
وش السالفه يا فلان ..؟ قال الظاهر انهم
متعاونين مع الامريكان
قلت وقف سيارتك وتعال معاي
حنا : لحظه .. لحظه .. وش سالفة الامريكان .. ما فهمت
,, !؟
زمن اغبر : قلت منهم اللي يراقبونك ؟ قال سعوديين يشتغلون عند الامريكان .. هذا الي فهمته
يقول ان امريكا تبيه !! الولد انلحس
.. المهم اشبهني وادعس مع الدائري قلت لا نطيح بعسكري عند هالاشارات
ويشوفه يطامر ويناظر ورى ويجيني
.. المهم وصلنا للشقه ..
قال انا معاي فلوس شفها الظاهر طاحت بسيارتك
وندور مافيه شي واطمر ورى وادور تحت السيت ولا فيه شي ,,
قال اجل والله ان الامريكان زارفينها
قلت اخس يالهامور زرفوا منك ميتين ريال والا مليارين يابو
!!
ونطلع للشقه وقلت والله والبلشه ذا وش اسوي فيه
ويطلع الحبوب من جيبه والله انها فوق 30 حبه
.. قلت لعنة الله عليك لو احد مسكنا وهي بمخباتك وش كانوا يسوون فينا
,,
ويروح ويقضم له الظاهر اربع واجي امسكه ونتضارب واخذ الباقيه وازبنها
قلت يمكن احتاجها في خط والا شي ( امزح .. امزح ..
)
واجي انصحه الا وش تنصح , يقول السالفه كبيره مره ..
.. قال تذكر سيارتي يوم اوقفها عند ميد ..؟
قلت ايه وانا ما أذكر بس اسلك له وابي اشوف نهايتها
قال هذاك اليوم يوم جيت وعليها ورقه بالانجليزي وعليها ختم وزراة الداخليه
والظاهر اني شفت فيها كلمة مراقبه
وكلمة احترس .. الرجال انلحس رسمي
حنا : طيب الرجال وش صار عليه .. تعافى ولا انلحس بشكل رسمي ..؟
زمن اغبر : لا والله بالنهايه دقيت على اخوه الكبير ولد متفهم
,
وجاء ومسكه ولعن ابو خيره
,, وقال الشله حقتك هذي وينها فيه وراح لهم
وقال انه بلغ فيهم وهجدوا
,, ودخله مع شلة محترمه ملتزمين معاه بالعمل ووصاهم عليه وصار يراقبه من فتره لفتره
وراتبه كل مانزل ياخذه منه !! وبعد الكرسيدا الحين معاه هوندا اكورد 2007 .. والامريكان معاد يراقبونه
حنا : طيب ممكن سؤال .. بس بدون عنف اسري
.؟
زمن اغبر : تفضل
حنا : خويك ببداية القصه يوم كان يقول انه فيه ناس يلاحقونه ويقول انهم امريكان ..
صدق كان فيه ناس يلحقونه
...؟
زمن اغبر : لا والله الشارع زحمه وكل العالم تطارد في بعض .. يعني ما فيه احد يطارده
.. وانت شكلك منلحس زيه
..!! و شكلي بعد هاللقاء بأروح ادور الحبوب
مزبنه عند شقتي القديمه تحت الدرج
,!
حنا : طيب يعطيك العافيه .. ولعاد تتعودها وتشرب شاهي امك مهيب مسويته ..
زمن اغبر : ويعافيك ربي وسلم على الشباب .. وان شاء الله القصص زينه وتنال استسحانكم
.
.
بدايتها .. حبه وغالبا عباره تكون عن تجربه .. ونهايتها وسوسه ولحسة مخ !
بداية النهايه هي التجربه .. والله العظيم ان التجريه تجر معها تجربه ثااانيه !
وما ندري .. يمكن من حبه كبتاجون لخمر ومن خمر لصاروخ حشيش وحبه حبه
بتلقى نفسك وصلت للهيروين والابر! نسأل الله ان يحفظنا ويديم علينا الصحه والعافيه
صوره
مع الـ تحيه لادارة مكافحة المخدرات
زمن اغبر : والله اول مره كنت مغشوش فيها ,,
وكانت بشاهي وكان عمري على ما أذكر الظاهر انه 20 او 21 !! ما أذكر والكذب خيبه
حنا : وبعد ما شربت الشاهي ..؟
زمن اغبر : ابد حسيت بحيويه وانا كنت خملان
..
.. وحسيت انه ودي اطير واركض
وعلى فكره كنا وقتها كاشتينحنا : طيب متى عرفت انك كنت مغشوش ..؟
زمن اغبر : بعد مارجعت للشقه واشوف ان النوم مجافيني
واشوف اللي حوالي بعد صاحين ومن الدوامات ما أحد نام
وكان يوم اربعاء وقلت لهم وش السالفه وين راح النوم ؟
وقالوا ترى كلنا مغشوشين بالشاهي
!
حنا : طيب عجبك الوضع ورجعت تستخدم ولا وش صار .؟
زمن اغبر : انصدمت وتحطمت .. و من هالشهر صرت اجيب شاهي معاي ولكن ذلك لا يمنع اني قد انغشيت اكثر من مره !
حنا : شكلك سبيكه
..؟؟زمن اغبر : تقدر تقول في ذلك العمر فقط
المهم عرفت اسعارها تقريبا وصرت اشتريها علشان اعرف شكلها .,
حنا : طيب كنت تستخدم ..؟
زمن اغبر : استخدمتها مره او مرتين ايام اختبارات ..
ومره على سفر ! وبعدها والله عرفت شي اسمه اسبريسو اطلق من الحبوب
طيب تبي اقول لك سالفه واحد .؟؟
حنا : قوول ..
زمن اغبر : ياطويل العمر هذا واحد عزيز علي وطاح فيها من قلب
الوكاد دق علي الساعه 7 الصبح يوم من الايام وقال الحق علي فيه واحد
يلاحقني وشكله ناوي يبلغ فيني !..قلت من يراقبك و وش السالفه ووينك انت الحين .؟ حدد لي موقعه
وقلت خلك عند المحطه الفلانيه جايك ,, جيته ولقيته مولي وجه مشحب وهو رايح فيها
وش السالفه يا فلان ..؟ قال الظاهر انهم
متعاونين مع الامريكان
قلت وقف سيارتك وتعال معاي حنا : لحظه .. لحظه .. وش سالفة الامريكان .. ما فهمت
,, !؟زمن اغبر : قلت منهم اللي يراقبونك ؟ قال سعوديين يشتغلون عند الامريكان .. هذا الي فهمته
يقول ان امريكا تبيه !! الولد انلحس
.. المهم اشبهني وادعس مع الدائري قلت لا نطيح بعسكري عند هالاشاراتويشوفه يطامر ويناظر ورى ويجيني
.. المهم وصلنا للشقه ..قال انا معاي فلوس شفها الظاهر طاحت بسيارتك
وندور مافيه شي واطمر ورى وادور تحت السيت ولا فيه شي ,, قال اجل والله ان الامريكان زارفينها
قلت اخس يالهامور زرفوا منك ميتين ريال والا مليارين يابو
!! ونطلع للشقه وقلت والله والبلشه ذا وش اسوي فيه
ويطلع الحبوب من جيبه والله انها فوق 30 حبه
.. قلت لعنة الله عليك لو احد مسكنا وهي بمخباتك وش كانوا يسوون فينا
,,ويروح ويقضم له الظاهر اربع واجي امسكه ونتضارب واخذ الباقيه وازبنها
قلت يمكن احتاجها في خط والا شي ( امزح .. امزح ..
) واجي انصحه الا وش تنصح , يقول السالفه كبيره مره ..
.. قال تذكر سيارتي يوم اوقفها عند ميد ..؟قلت ايه وانا ما أذكر بس اسلك له وابي اشوف نهايتها
قال هذاك اليوم يوم جيت وعليها ورقه بالانجليزي وعليها ختم وزراة الداخليهوالظاهر اني شفت فيها كلمة مراقبه
وكلمة احترس .. الرجال انلحس رسمي
حنا : طيب الرجال وش صار عليه .. تعافى ولا انلحس بشكل رسمي ..؟
زمن اغبر : لا والله بالنهايه دقيت على اخوه الكبير ولد متفهم
, وجاء ومسكه ولعن ابو خيره
,, وقال الشله حقتك هذي وينها فيه وراح لهم
وقال انه بلغ فيهم وهجدوا
,, ودخله مع شلة محترمه ملتزمين معاه بالعمل ووصاهم عليه وصار يراقبه من فتره لفتره
وراتبه كل مانزل ياخذه منه !! وبعد الكرسيدا الحين معاه هوندا اكورد 2007 .. والامريكان معاد يراقبونه
حنا : طيب ممكن سؤال .. بس بدون عنف اسري
.؟زمن اغبر : تفضل
حنا : خويك ببداية القصه يوم كان يقول انه فيه ناس يلاحقونه ويقول انهم امريكان ..
صدق كان فيه ناس يلحقونه
...؟زمن اغبر : لا والله الشارع زحمه وكل العالم تطارد في بعض .. يعني ما فيه احد يطارده
.. وانت شكلك منلحس زيه
..!! و شكلي بعد هاللقاء بأروح ادور الحبوب
مزبنه عند شقتي القديمه تحت الدرج
,! حنا : طيب يعطيك العافيه .. ولعاد تتعودها وتشرب شاهي امك مهيب مسويته ..
زمن اغبر : ويعافيك ربي وسلم على الشباب .. وان شاء الله القصص زينه وتنال استسحانكم
.
.
بدايتها .. حبه وغالبا عباره تكون عن تجربه .. ونهايتها وسوسه ولحسة مخ !
بداية النهايه هي التجربه .. والله العظيم ان التجريه تجر معها تجربه ثااانيه !
وما ندري .. يمكن من حبه كبتاجون لخمر ومن خمر لصاروخ حشيش وحبه حبه
بتلقى نفسك وصلت للهيروين والابر! نسأل الله ان يحفظنا ويديم علينا الصحه والعافيه
صوره
مع الـ تحيه لادارة مكافحة المخدرات