وحده ماتعودت على السفر .. راحت شهر العسل باريس ولمن
رجعوا راحوا اسبوع للقاهره عشان زوجها بيجتمع مع اصدقاه وكذا
تقول يوم وصلنا القاهره قال زوجي بطلع لأخوياي مواعدهم
وانتي اجلسي بالاوتيل .. هي فرحت انه راح شوي عشان تضبط نفسها ..
تقول ابشقر واحوس في وجهي
اتصلت على اهلها ( تخيلوا المشقر على الوجه )
وتسولف معهم قال لها اخوها اسمع صوت عندك
وش يقول قالت مادري يتكلم انقليزي ومدري وش يقول !
قال قربي السماعه بشوف وش يقول.. طلع فيه اخلاء عشان الحريق
قال لها اخوها بسرعه هجي يالخبله .. هي سمعت كذا ولا ماسمعت
طارت تركض بس عبايه وطرحه مدري من وين طلعتها..
تقول بديت اركض مع اللي يمشون لحد مابديت انزل تحت لحالي
والناس مدري وين راحوا .. تقول بتلت انزل تحت يعني بس اركض من غير تفكير..
لحد فجأه دخلت على عالم صايعه تشيش ورقاصات وحركات ..
اول مادخلت قالوا هلا واللللللله .. يعني وش تبي هذي بالله هي وعبايتها !
بعدين عرفت انه مافيه حريق ولا شي.. بس هذا تدريب عادي يصير كل فتره
انتي وش فيك متحمسه .. تقول لاشعوريا جلست اصيح وانا مدري كم رقم غرفتي
ولا ادري وين ارضي .. لحد ماجا زوجها واخذها ( وجه يتخيل المشقر وش صار عليه )

 


 

اغرب زواج بتاريخ البشر هو زواج كليوبترا !

جدها تزوج أخته.. وجاه منها ولد ، وبنت .. فتزوج الولد بالبنت .. وجاه ولد وبنت ..
و تزوج الولدين الحفيدين ، وجاهم ولد وبنت .. وتزوج هذا الولد الأخير بأخته أيضا ،
و جاوه منها و لد وبنت .. هذه البنت التي هي من سلالة أجيال أربعة نتيجة زواج الأشقاء بالشقيقات ،
وهي بعد تزوجت اخوانها واحد ورى الثاني .. لأن الاول توفى فتزوجت اللي بعده !
السؤال هو غريبه ماجاها أمراض وراثيه ! ولا بس شاطرين على اهل القطيف والحسا !


 

كان الأمير " سليم "
- ( 1569 - 1627 ) ولي عهد ( الهند ) -
عنده أربع زوجات ، عندما كان في الثامنة من عمره
و يقولون ليه الهند طخوا المليار نسمه ! باللهي هذا وش كان شعوره
يعني كل وحده ليلة ! ولا كلهن بليلة وحده يعني بزر شلون بيصرف اموره
<< شايله همه

 

 

يا مآمنه للرجال يا مآمنه للميه بالغربال !
سبحان الله فيه رجال كذا يحبون البنت اللي مايقدرون يتزوجونها
او انه صعب يجتمعون فيها مثل السبيكه هنري !
فلقد دأب " هنري الأول " الدوق " دوجيز " طوال سنة كاملة على كتابة رسالة شهرية ..
إلى حبيبته " آن دوجونزاج " .. يضمها الأيمان المغلظة بأنه سيقترن بها عندما تتحرر من كل قيد !! ..
وكان يكتب رسالته الشهرية تلك بدمه على ورق ثمين ، يبعث بها إليها مع رسول خاص !
مع ذلك .. عندما تحررت " آن " وأصبح بإمكانها الزواج .. اتقرن " الدوق " بغيرها
يعني اكثر من كذا مافيه .. هذا اكبر دليل على نصب الرجال وانهم يسمعون بالحب
واحد يكتب رسايل بدمه كل شهر واخرتها يسحب عليها !
الحين تلقاهم يرسلون لـ عشر بنات مع بعض ..
 

مبزره !
إن أصغر عروسين معروفين في العالم هما ابن الملك " هنري "
الرابع الفرنسي الذي عقد قرانه في الرابعة من عمره على " فرنسواز دولورين " ،
وكانت في الثالثة من عمرها
اكيد الزواج تدخلت فيه السياسه بس تخيلوهم ليلة الدخله
يعني سريرهم وردي وحاطين حلاو مصاص فوق الكمادينه

 

 

شديد !
السلطان " عبد الحميد الثاني " العثماني ..

ماكان له إلا خمسمية ولد .. رقم تقريبي ..
ولكنه ضرب الرقم القياسي بعدد الزوجات ..
إذا جمع منهن 30 ألفا
ههههههههه وحنا كاشخين بالملك سعود طلع هذا اكثر ذريه
لا صدق يعني تخيل عندك 499 أخ وأخت و حول ال29 الف و 99 مرت أبو
ما شالله قبيلة صوارير مهب عائله !
تخيلوا بس وش مسميهم ؟ عثمان 1 عثمان 2 عثمان 3 عثمان 4
 

 

ليت كل الشعب طليان

كان الكاتب الإيطالي " فرانشيسكو كولونا " شديد الحياء
ويخجل من التقدم بطلب يد الفتاة التي يجبها و تدعى "بوليا " < ليته غير هالأسم بس !
فكتب من أجل ذلك كتابا سماه ( حلم حب ) مؤلف من 165 ألف كلمة ! ..
وكانت الأحرف الأولى من كل عنوان فصل من فصولة السبعة والثلاثين تقرأ كذا :
" فرانشيسكو كولونا ، يحب بوليا "
عكس الحين .. البنات يخطبن الرجال
يعني الرجال وهو يمشي بالشارع مايدري الا ناطتن عليه
بنت الحلال تقول ترى زوجتك نفسي ..

 

 

زواج بنقاليه !

تزوج طفل يبلغ من العمر أحد عشر شهر ،
بطفلة تبلغ من العمر ثلاثة أشهر في شمالي بنجلاديش
لوضع نهاية لـ عداء دام عشرين سنة بين عائلتين متنافستين
تدعى كل منهما أحقيتها في ملكة أرض زراعية متازع عليها
هههههههههههه ياخي هالبنقاليه حاجه غريبه !
طيب مالقيتوا الا هالبزران .. معقوله ماعندكم عيال وبنات لو بسادس ابتدائي
طيب معقوله ماعندكم شيبان متعرعرين مالهم والي..كان اخذتوا اجرهم

 

فيه حيل !

تزوج الأنجليزي توماس بار عشر مرات في عام واحد ..
بعد أن ماتت زوجته ’ وكان عمره آنذاك 112 عاما
عشر مرات في سنه وحده .. لا وشايب متقطع
اكيد عنده فلوس ولا وش يبن فيه

 
 

يتزوج أصغر منه بـ 86 سنة ..
المواطن الكيني (محمد آلو) تزوج بعد أن بلغ عمره قرنا تاماوالعروس لا تتجاوز الـ 14 عاما وذلك بمدينة ميالي
القريبة من حدود أثيوبيا
والله حرام هذي لاصاعت وصارت اكبر داجه بالبلد محد بيلومها
باللهي وش بيجلسها عند هالمنهري .. اجل محمد آلو وعمره 100

 

 

يالله لك الحمد على نعمة العقل

فتاة من قبائل (السدرا) الهندية في مدينة
( جانجان ) زوجوها الأهالي لخيال الشمس المنعكس على الماء
لأنهم يقدسون أشعة الشمس المنعكسة على الماء
ياكرهي لهم هالهنود اجل شعاع الشمس يعني من قل الرجال عندكم
ودي ادري بس اذا قالوا لها انتي مع اي حمولة وش تقول ؟ انا مع الشماسا

 

 

ما اردى منهم الا حكومتهم !

أطرف محاولة للزواج حدثت في مدينة دالاس الأمريكية ،
عندما تقدم ( روس هيوارد ) بطلب رسمي إلى سلطات المدينة
بشأن رغبته في الزواج من ميسي وهي فرسه التي أحبها كثيرا
وظلت السلطات الرسمية حائرة أمام هذا الطلب الغريب
والمرفوض دون نقاش لكنها أرادت أن تبحث عن سبب قانوني للرفض
تقدمة للعريس المجنون حتى لا يلاحقها قانونيا
وبعد تفكير عميق توصلت إلى السبب التالي :
فالفرس عمرها خمس سنوات ، وهو سن صغير بالنسبة
لأي عروس طبيعية , طلعت قاصر الأخت
لذلك كتبت السلطات عن الطلب المقدم منه :
مرفوض لأن العروس لم تبلغ السن القانونية
طيب ياغبي لازم تتزوجها ! حطها عندك كل يوم طب عليها بالاسطبل حقها
محد قايل لك خلوه غير شرعيه
لازم الفضايح يعني

 

 

توأمان يتزوجان من امرأتين على الرغم من التصاق جسديهما
عقد في عاصمة حزر الفلبين ، زواج لم تبق صحيفة في العالم إلا تحدث عن غرابته !
أما إنه غريب فحسبك أن تعلم أن الزوجين واسم أحدهما ( لوشيو جودينو )
والآخر ( سمبلشيو جودينو ) قد تزوجا على الرغم من التصاق جسيدهما
من ناحية الكتف بشقيقتين منفردتي الجسم
وقد عرض هذان التوأمان أمرهما على أشهر جراحي العالم
رجاء أن يفصل جسم أحدهما عن جسم الآخر
ولكن الأطباء أجمعوا على أن في هذه العملية خطرا على حياتهما
ياربي لك الحمد
تخيلوا انا واختي متلاصقات قسم بالله ياقاتل يامقتول انواع الدحج والتقبيص
ماتحملتها وكل وحده بشنق وشلون متلاصقات

 

من اشهر زواجات هوليوود اللي صارت مؤخرا
هو الزواج اللي جمع بين العاهات توم كروز وكيتي هولمز !
فجأه كذا طلع علينا الأخ توم وقال اني احبها واموت عليها ومادري متى بس ربي بيتمم علي واعرس عليها
من كثر ماكان معجب فيها نط نطتة الشهيره على كنبة اوبرا
وقال احبها عاوزها يعني عاوزها
هو كان متزوج مرتين من قبل وحده من زوجاته هي نيكول كيدمان
نيكول من طلقها هالعاهه وهي صايره فلته .. فازت بالاوسكار وادوارها صارت خطيره
وهو من تزوج الصخله اللي معه وهو من اردى لأردى
تخلى عنه الاستديو حقه وصار يتكلم كلام غريب
اجل يتطنز على اكتئاب مابعد الولاده !
ياخي حريم مضنيات .. كروشهن تنفخت والله اعلم مع وين طلع البزر
انت ليه تتدخل بهالأمور ؟! بس الزبده انه من بعد هالزواج وأسهمه تتراجع
هو يعتنق مذهب غريب يقول ان اصل البشر من الفضاء وانه اخر الزمن سوف يأتي المخلصون للأرض في سفينة فضائيه < تحمست ودي اركبها
طبعا من شدة الحب زوجته اعتنقت نفس مذهبه ..الله من المطاريس بس
الحين عندهم بنت اسمها سوري ومن زود الشسمه حاضرتن عرس امها وابوها


 

كلوديا شيفر <<< ياقدمها ياناس
جت فتره ايام التسعينات كانت كلوديا مسطيره على الاعلام هناك وكانت الكل بالكل
يعني تقريباً هي وسيندي كروفرد كانوا اشهر عارضات عالميات بذاك الوقت
طبعاً للشهره سلبياتها .. حيث ان الساحر الأمريكي المشهور ديفد كوبرفيلد خاق معها
وهددها انه ياتتزوجيني ولا اقلبك ضفدع
هي خافت وتزوجته .. الشكوى لله مايصلح تعرض ازياء ولونها اخضر
الزواج استمر فتره بسيطه بعدين تطلقوا بس والحمد لله ماصارت ضفدع
انتم اتبهوا لشكلها بالصور باااااين وحده حايمه أم أم كبدها منه
مع انه وسيم واللهي وساحر يعني اذا مالك خلق تطبخين يخلي الشسمه يزينون الغدا

يالله من فضلك بس ناس ماتقدر النعمه
 

ايفا لونقوريا
يازينها يا ناس احس مافيه احد بالعالم يكرهها
تزوجت قبل فترة من لاعب السلة توني باركر
هو عادي زواجهم طبيعي وكلهم ملح بس فيه عيب واحد
ان ايفا ماتجي طول ساق زوجها
الرجال مره طوووووويل وهي قنزه
تخيلوا لو يعصب عليها والله يشيلها بيد وحده ويجدعها فوق الدولاب
يعني شوفوا وهي تناظره لاااازم ترفع راسها فوق ..
بعد كم سنه تبي تصير كل يوم تمرّخ رقتبها بفكس ..
بسبب الاضرار من رفع الراس طول الوقت
 

 

الطخمه الحلوه الجميله هايدي كلوم
تصعق العالم وتتزوج الخال سيل
هذا من اغرب الزواجات اللي مرت على هوليوود
هي تقول انها شافته طالع من الجيم وخقت عليه هو وعضلاته
وماعاقت معها اعرست عليه على طول وجابت ذريه
انا مااقول ليه وحده حلوه زيها تتزوج خال .. لا واللهي !
بس دققوا شوي بوجهه ياحياتي مخطط ومضرب يعني لاكشخ حده مكسيكيه مهب هايدي
سبحانه يرزق من يشاء
 

 

ليز هيرلي .. من اكبر الداجات البريطانيات
مع انها حلوه وخاقوقيه بس مالقت لنفسها حل
يعني ماعرفت تستغل جمالها .. كانت على علاقه بالممثل هيو جرانت
لكن بما ان الرجال مايقدرون النعمه اللي هم فيها
الأخ هيو جرانت .. راح يواعد بنت من الشارع وصادته الكاميرا وانفضح
عاد هي تركته وطاحت في كبد هالمليونير الهندي
وحملت منه وقالت هالولد ولدك ..
حلف انه مهب ولده وهي تقول انه ولدك غصب يعني لازم نتزوج
لدرجة انه قال ان هذه الحية الرقطاء ستدمر حياتي
وهي عادي معها تقول لازم نتزوج .. اخيرا افتك منها واعرس عليها
وراحت للهند وسوت سالفه بغوا يذبحونها ..
وأم الهندي زعلانه تقول ليه الاسراف والبذخ
ياخي وش اللي قردها وش تبين بالهنود
اذا ملزمه تعالي خوذي دوره بالبطحا شرط ان
تعافين اللي جابهم
 

 

براد بيت و جينيفر انيستون
كانت قصة زواجهم ماليه الدنيا وكانوا يقولون عنهم انهم افضل ثنائي
لحد ما الاخ براد تعرف على الداشره انجلينا في احد الافلام
ومن عقبها سحب على أمن جابت جينيفر .. طلقها وراح يركض بساقه انجي
وصار يشيل بزرانها معها وين ماسافرت
انجلينا انسانه طول الوقت عايشه بالخلا .. عشان تقدم المساعدات للاجئين
وهو من كثر الخقه يمشي وراها ولا قال شي
حتى لبسه صار مبهذل ومايهتم بشكله زي اول .. مشكله الرجال لا خق
الحين عندهم بنت وحده حقيقه اسمها شايلو ولا باقي الذريه تجميع .. يعني متبنينهم
والحين انجي حامل .. ودك من يشوف براد بعد كم سنه لادخلوا عياله المدرسه
ما شالله كومه .. بيخلص راتبه على فلوس الفسحه < اجل راتبه
 

 

اندريه اغاسي وبروك تشيلدز
زواجهم كان بطريقه غريبه !
ماتعرفوا على بعض زي الناس .. لكن حبوا بعض لا سلكي
يعني هم كانوا معجبين ببعض عن طريق التلفزيون ووسائل الاعلام
كل واحد يشوف صورة الثاني ويقول وه بس
وفترة تعرفهم ببعض كانت قصيره جداً
يعني يوم كان يديتها كانت مستحيه مره عشانها ماتعرفه زين ولا تمون عليه
تقول اني كنت اتخربط لاجيت افتج باب السياره وشوي واطيح على وجهي
تزوجوا لكن تطلقوا بعد فتره قصيره .. هي لاهيه بأفلامها وهو يركض ورى بطولات التنس
بعدها الأخ اغاسي على طول تزوج صديقته بلعبة التنس الألمانيه شتيفي غراف

سبحان الله خلق وفرق

قبل كم سنه هلكتنا جينيفر لوبيز بخويها بين افليك
تخيلوا وين مااروح اشوف صورهم بكل مكان وبكل عاير
سالفة حبهم وعشقهم غطت كل الصحف والمجلات
حتى طلعوا العاب بأسمهم ووسندويشات اسمها جي لو وبن < من مخي هذي
كانت وين مايروح تلحقه وتسوي فيها العاشقه الولهانه
يعني بأمريكا قبل مايقوم الواحد يفطر ..
يروح التلفزيون يقول وش صار على جي لو وبن..
يعني الضجه اللي كانت تلاحقهم شي غير طبيعي
اتفقوا على الزواج وكلش ولكن فجأه اعلنوا انفصالهم
طلعت العجوز أم بين افلك حالفتن على ولدها
انه ماياخذ جينيفر وقالت انها مهيب من مواخذينا
طراه انها صايعه وتحب ترقص ومااتخيلها أم لأحفادي < يقلعها توها تفطن
طبعا بعد الانفصال هذا كلهم تزوجوا بسرعه هي تزوجت السكران مارك انتوني
وهو تزوج الدبا جينيفر قارنر
ولي الحين ماتطلقوا بين افلك عنده ذريه وجينيفر لوبيز عندها توم بنت وولد
وسبحان الله بن افلك لمن كان على علاقه بجي لو صار الولد كششخه ويعرف يلبس
ويوم تركها صار كل لبسه تي شيرتات قطن وجينز .. حسافة الحريم السنعات بس
 
 

ياربي سترك !
السير التون جون من اشهر المغنين البريطانيين
اللي تزوج من صديقه المخرج الكندي دافيد فرينش
يعتبر هذا الزواج الاول للمثليين على مستوى بريطانيا والثاني بالنسبة للمملكة المتحدة
يعيشون مع بعض من حوالي 12 سنه و عقد قرانهما في قاعة جيلد هول بيير كشاير
وهي نفس القاعة التي شهدت مراسم عقد قران ولي عهد بريطانيا الامير شارلز على صديقته كامبيلا باكر..
ما اردى من الاول الا الثاني تكاليف هذا الحفل قد تجاوزت المليون دولار.
وقد رفض المغني التون جون التوقيع على (مؤخر الزواج) وفق نصيحة بعض المقربينوباعتبار ان الامر قاس علية وان قلبه سينفطر بمجرد تفكيرة في الانفصال < يا عل كلاك تتفطر قل امين
يا شاذ يا وسخ ياوع يامقرف ! الاحظ هالوقت صار فيه تعاطف من البعض تجاه الشواذ
مفروض اول مانشوفهم نكش عليهم القذرين ذولي
طبعاً التون يعتبر هو الزوجه وديفيد هو رجال
انا بس ودي اعرف يعني من النعومه اللي يعيشيها الاخ التون يوم انه يصير زوجه !
مافيه لا ملح ولا جسم ولا ليونه ناشف دب تقل كيس طحين ليه يحس انه حرمه .. استغفر الله بس

 

لا صار الشايب وصيم وجذاب صدقوني فاله البيرق
مايكل دوغلاس الشايب تزوج باللي كبر عياله
كاثرين زيتا جونز < صيته العنزي ماعرفتوها
زواجهم مستمر لعدة سنوات وجابوا ورعان
كاثرين ذكيه مأمنه مستقبل ذريتها كل بزر تجيبه
تخلي ابوهم يكتب له كومة ملايين
وخاتم الخطوبه حقها يكفي يعيشها عشر سنين
يعني صحيح هو مبسوط ان زوجته حلوه لكن هي مستفيده منه بعد
ماديا قبل ان يكون معنويا
 

ختاماً
هذي لفه بسيطه شفنا فيها احوال بعض المعاريس
من هنا وهناك ومن هناك وهنا < مشكلة اللي توهق بالخاتمه
عقبالكم يارب .. ان شالله كل واحد يتزوج اللي هو يبي ..


بس وش رايكم وش احسن عرس ؟!
منهو اطلق عريس ؟!
ومنهي بس اشطر عروصه !
يا ناس لي الحين ببالي هذاك اللي تزوج 30 الف وعنده 500 بزر