في سارعي للمجد والعليااااء ..
نعم نعم انها مملكة الانسانيه .. مملكه الحب والعطف
هذه المملكه مافيه طريق للشهره الا انك تصير شاعر ولا تدخل مجال الكوره
ياتصير لاعب ولا مدرب ولا دكة احتياط .. او احسن شي رئيس نادي
موضوع الكوره..هو الشغل الشاغل للشعب السعودي !
يقولون الهلال كنه امريكا
مايقدر يعيش بدون منافس يداحج فيه ويتصارع هو وياه
قبل سنوات كان منافسه النصر .. برمزه عبدالرحمن بن سعود الله يرحمه
ولمن توفى..ضاق صدره الهلال
يبي احد يحارشه !والحمد لله جا واحد جديد .. وهو ارض خصبه للمحارش
اصلا مايحتاج تحارشه ..بس تخيل شكله يرتفع ضغطك ( الكلام موجه للهلاليين )
منصور البلوي رئيس نادي الاتحاد السابق..نقدر نقول اكبر عاهه مرت على الكره السعوديه
له حسنات وله سيئات ولكن كما هو ملاحظ انه سيئاته تذكر دائما قبل حسناته !
وعلى الطرف الاخر محمد بن فيصل رئيس نادي الهلال برضو اكبر عاهه مرت ع الكوره السعوديه < من باب العدل بين الاشقاء
الاثنين ذولا مطرسوا بأم الرياضه
من دخلوا مجال كرة القدم..زاد التعصب..كثرت الخلافات بين جماهير الناديين
صاروا الجماهير يناظرون مباراة المنتخب وكل واحد يدعي على لاعب الهلال والثاني يدعي عى لاعب الاتحاد ونسوا المباراة
الصحافه صارت تزبد وترعد !
منصور البلوي طق له جريده فيها عشرين صحفي يطبل له ويرقصون له مصري بعد كل تصريح
ومحمد بن فيصل ما يحتاج يشتري جريده لأن اغلب الاعلام هلالي !
صارت السالفه كلها حروب بين المعسكرين
ذولا يجدعون شرخ على ذولا .. وذولاك يردون عليهم بصاروخ ابو ريالين
كل صحفي محسوب على النادي لازم يكتب مقال عن رئيس النادي المنافس
يشرشحه يدخل في ذمته ويتهمه بأمور ربي مايرضى فيها !
انتهت سالفة المنافسه الشريفه .. وانقلب الوضع لتأزم بين العلاقاات لم يشهده الناديين من قبل
وهذا شي اكيد يأثر على الكرة السعوديه بمجملها <<< يقالك اكبر همي الحين
رئيس الهلال بزر وحقنه
و رئيس الاتحاد لعبه غير شريف و يحب يحارش وفلوسه كثار
وهذا شي يخوف البعض .. لأنه اذا معك فلوس محد يقدر يوقفك
ومحد يمن عليك .. قرشك عبدك
الزبده الوضع تدهور
وضع الرياضه لايحتمل .. تعصب يفتك بالشباب
يعني ماتستبعد تلقى هلالي و اتحادي يتضاربون عشان واحد ذب كلمه على الثاني
بعد المباريات الحساسه تلاقي الجماهير يتطارحون ولا يجدعون حصى على باص الفريق المنافس
هذا غير الألقاب اللي طلعوا فيها وكل واحد يلزقها بالثاني
ذولا طوايقي وذولا تشاد ..
والعامل المشترك بينهم هم جماهير النصر
اللي يتصديون بالمويه العكره تلاقي النصراويين يشتبون للمباراة هذي اكثر من الهلاليين والاتحاديين انفسهم
بسأل سؤال الحين ليه ماتلتهون بناديكم مب احسن لكم
؟!نرجع للوسيمين اللي احنا بصدد الحديث عنهم ..
محمد بن فيصل ..
..
يقول كلمه ويتراجع فيها
يصرح تصريح ويخلي بندر بن محمد يطلع يرقع له
خخخخخخخخ
من اهم التصاريح .. تصريحه حق
رشوة الحكام
بندر بن محمد جلس شهرين يضيع السالفه وما قدر
تصريح اخر .. يوم الهلال يتعادل مع الكويت
الكويتي في ارضه وبين جماهيره
لعن سلسفيل اللاعبين واخرتها توهق
اصابع الاتهام تتجه له .. بسبب اعتزال
سامي الجابر وكيف انه السبب ورى هالاعتزال
يقولون سامي طقت تسبده
.. يقول اخر عمري بزران يتأمرون علي
سامي ترى الدنيا دواره
نسيت يوم تتأمر على المدربين
جاك اللي يتأمر عليك ويحوم تسبدك بعد <<<
الخطمه حقت سامي لعيون النصراويين
منصور البلوي
..
اللي ماخلى لاعب ماصور معه
منصور لعب ولعب ولعب على راحته ..
كل مايصير عند الهلال نهائي يجي يحارش بعض
لاعبينهم ويغريهم بالسفر لخارج المملكه
اكثر من صفقه هلاليه خارجيه يتم افسادها
والمتهم الاول البلوي !
وبما ان الله يمهل ولا يهمل..وبما انه منصور
مصخها حبتين
صارت سالفة كالون اللي اشتهرت اكثر من ثمانية المانيا
ولطش اللاعب من عقر نادي الهلال عشان ياخذ
الرجال للعمره
كالون الحين لك وجه تقابل ربك وانت مطيح وجه جماهير
الهلال اللي رقصت فيك بالمطار
هالقضيه كثرت فيها الاقاويل والاحاديث
.. كل واحد يقول قصه
بس الزبده البلوي انطرد
وطلع من الوسط الرياضي وصار حده يدخل الملعب
بعد المباراة يسوي فيها كنتاكي جديد
بس هذا لايق عليه هرفي ما شالله .. خل
الكنتاكي لأهله
كما يعتبر من اكثر الناس حبا للظهور .. اجل
مصور مع فيجو ويقول تعاقدت معه
وفيجو يقول والله مدري وش هالدب من لحيه ..!
الله يفشلك دب قريح .. فشلتنا عند اخوتنا
العرب اللي صاروا بيتابعون الدوري السعودي
عشان فيجو
طلعت مجرد معجب
راح البلوي .. بإنتظار
محمد بن فيصل ومتى يذلف << ليه فوق
راسك
نريد ادارات انديه متعقله
.. رزينه ..
تساعد في حمايه المستهلك من غلاء الاسعار
اقصد تخلي الجماهير متوازنه في ردة فعلها مو
تشيشها ضد بعض .!
نبي لمن تنتهي المباراة كل لاعب يصافح الثاني ويقول له
مبروك ..
والفايز يقول هارد لك
كفايه انبراشات بين اللاعبين
... كفايه تصاريح ومقالات متعصبه
نبي الجماهير تتقبل الخساره كنه اخر همها
<< اجل وشوله يشجعون
لا للتعصب ..!
لا لجستنيه ..!
لا لجريدة الجزيره ..
!
نعم لمصطفى الاغا
!!