ابتسم لـنا
الحظ وضَحكت لنا الـ ظروف لـ لقاء رجُل
بـ قامه الاقلاع
.. رجل يُجبرك ع احترامه لانه
منبع الاخلاق
..
خفيف الظل ..
توجيهه مباشر ونقده صريح ،
لايجامل احداً ..
التقطنا الممرور التقاطه خاطفه فـي حقل
واسع من الاسئله والاجابه ، لنكشف لكم
جماليات رائعه ويأخذنا فـ اعماقه
،
هُنا .. كتبنا له وكتب لنا
،!
هُنا .. نرتب حروف
الشكر ..
هُنا .. نُسطر كلمه
وفاء و ولاء .. نسوّرها بالثقه ليـ
خرج لِقاء بهذا البهاء
،!
هُنا .. نُـ صافح قلبك بكل ماأُوتينا من
جمال يتناسب مع حُضورك الاكثر اشراقاً
فِـ مسيرتنا الاقلاعيه
،!
لك .. كـُ ل الحُب
والعرفان ..
خذ نفس عميييق واستلم طال عُمرك
،
.
.
بطاقتك الشخصيه ولو ترفق لنا صوره من بطاقة
احوالك مانقول لا
،!
مواليد سنة:
1963م –
1383 هـ
المؤهل العلمي ،!
جامعي –
علم إجتماع
الوظيفة ،!
رجل أعمال ..
العلامة الفارقة
،!
ملكع
..
عددابنائك الله يخليهم لك
.. واعمارهم
،!
4 وأكبرهم عمره
20 وأصغرهم 12
هل فيه احد منهم مسجل بالاقلاع
؟اذا ايه هل تعامله معامله خاصه
وموصي عليه والا زيه زي باقي الاعضاء؟
طيب ماعمر احد منهم جا لمك يشكي لك المشرف الفلاني نقل موضوعي الماصله
او العضو الفلاني يتهزا بي(على وزن
العيال بالمدرسة يطقوني
)؟
ثلاثه منهم مسجلين بالاقلاع ولا لهم اي رتبه
خاصة ومفهمهم ان النظام يمشي على الكل ..
لكل إمرئ من اسمة نصيب .. وانت قلت في
لقاء سابق
(انا شخص هاديء لااغضب كثيرا
.. واذا غضبت فهي مره في السنه)
طيب ممكن تقول لنا متى تغضب او وش الشي اللي ممكن يثير غضبك
،!
يثير غضبي الشخص اللي يتمادى في الخطأ ويصل لحد
الوقاحه , هنا انقلب من شخص هاديء
آخذ الامور من سعه الى شخص آخر تماما لا
اعرفه ..
وقلت انك ماخترت اسمك وان الثلاثي الكوكباني هم
اللي سموك ..
طيب لو انهم ما اقترحو عليك هاليوزر وش كنت بتختار لك اسم وقتها
،!
كنت بسمي نفسي النهر الحزين (
أحتك بصديقي ابو ابراهيم الرجل الغريب
)
انت تصر في المقابلات اللي تجرى معك على ان
كحيلان يصغرك باشهر وهو مصر على ان عمره
بين 26 و 34 وانه اصغر واحد بينكم يالاربع ..
كيف تكون الحسبه وانت عمرك بين 40و49 ومن نصدق انت والا كحيلان
ام ان الزمن متوقف عند كحيلان زي ساعة السياره الفان حقت وحده من
الشباب ،!
كحيلان كذوب وهو اصغر مني بـ شوي وتراه ياخذ
الفنجال قبلي لأن سنه قريب مني في السن بس البودي هو اكبر
. .
وشسالفة تمخض الجبل فولد فأرا وهل لها علاقه في
تصميم صممه كحيلان ،!
الله يهديه ابو عبدالله ,
قعد شهرين يسحبنا على وجيهنا عشان بنر واخرتها جاب بنر انا اقدر اسويه
برجلي وانا ما اعرف هههه , والمرجوج
حمقي قام وغسله بموضوع تمخض الجبل فولد
فأرا .. هذي هي السالفه
.
في مقابلة معك قلت ان كحيلان كان ينتظر حدث سعيد
متمثل في ولادة بنته ما ادري وش صارعلى هالخبر(
على فكره ملف كحيلان الشخصي مكتوب اعزب)
،!
اتركوا هالامور ما نبي مشاكل مع ابو عبدالله
.. مشكلته من تالي أثر عليه السن وقام
يمد يده سليمان غانم ( العمده في
ليالي الحلميه
)
هل صحيح ان هنالك شبة كبير بينك وبين رئيس
الهلال السابق مما أدى إلى مواقف محرجة مع جمهورالهلال
،!
الشبه صحيح لكن ماهنا مواقف محرجه فـ اخي الامير
سعود اصغر مني سن واملح مني رغم اشتراكنا في كثير من
الملامح ورغم ان كلنا عملنا في الهلال
ولكن في فترات مختلفه . .
هل صحيح انك تعرضت للابتزاز من المنفهق وانه
هددك بنشر صورتك يومك تدرس مع البنيات وحط صورة شهادتك يومك بـ ثاني
ابتدائي ،!
عادي , كلّن يتعرض
لهالأمور . وللحين ما عرفت من وين جاب
الشهاده والصوره . .
ليش من عقب رمضان وأنت تنام عقب صلاة العشاء وتقوم الفجر (كنك
خباز
) ،!
الساعه البيولوجيه حقتي صارت وزنيتها كذا
. .
يقولون انك تسوي عيد ميلادك كل سنه مع عيالك
وتأكلهم مطبق بالغصب إلا هالسنه غيرت وعشيتهم بيتزا بحبحر
،!
مطبق غير صحيح ,
سالفة البيتزا بالحبحر صحيح وصارت بس هالسنه واللي حط هالسؤال كني
عرفته لأنه الوحيد اللي علمته اني متعشي بيتزا بحبحر واونس راسي بارد
.
فيه كلمه أنت طايح فيها هاليومين ما ودك تعلمنا
وشي .. خاصة إني أنا ياللي أسالك ما اعرف
وشي بس قالوا لي انه ما سكه معك كلمه وانك خايف إنها تعلق بلسانك
،!
لا والله ماني معلمكم وانا توي متخلص منها ولله
الحمد , وهي كلمه طيحني بها اخ عزيز
حريملاوي واعوذ بالله مسكت معي وما بقى اي احد ينرفزني لو شوي الا
وقلتها له الين نقدت على نفسي والحمد لله بدأت اتخلص منها شوي شوي
..
وش علاقتك في المطاعم الإيرانية وخصوصاً اللبن حقهم
،!
الله لا يبارك فيهم ولا في لبنهم
( الدوغ
) ,
هالسؤال وجهوه لكحيلان ابا الدوغ
.
وش سالفة عينك اللي كنت رازها في مدخل الإقلاع
كانوا يسمونها عين الممرور ،!
هالعين لقيتها بموقع ذاك الحين وجازت لي وعطيتها
العيال قلت حطوها بشنق المنتدى .. الامن
العام مهوب اطيب منا
.
وش مناسبة نقل المرجوج لـ موضوعك للماصله ووش
كان ردك عليه ومن كان يعاونه ،!
المرجوج غرّوه بعض الناس بعد ما انا نقلت موضوعه
الماصل هو واخوي الصمرقع للماصله بسبب نظامي وهو ان موضوعهم فعلا
مخالف للنظام وماصل فعلا
.. فاخذوا الموقف شخصي وانتهزوا اول فرصه
ونقل المرجوج الموضوع للماصله رغم انه ما فيه اي مخالفه .. تركتهم
وقتها الين طاحوا بيدي بـ موضوع ثاني وقلت به للماصله مره ثانيه وانتهت
المعركه 2 – 1 لي
..
ليش كحيلان وقف يوزرك انت وحنش والمرجوج وصكّ
الاقلاع ،!
حمق عليهم ووقفهم وانا كنت نايم وقمت لقيته
موقفني انا بعد ويوم سألته ليه ؟ قال
داري انك بتقوم ويمكن تفزع لهم
.. لاحظوا يمكن
!!
هل انت متابع لـ المجموعة البريدية والا من
الناس اللي يتصفحون الغلاف بس ؟
اذا انت متابع وش رايك بالمجموعة ومايطرح فيها
،!
الاّ متابع جيد لها و هي الحقيقه عمل كبير ورائع
والقائمين عليه هم زبدة اعضاء الاقلاع بصراحه ..
( وه بس
)
نبيك تورد لنا قصة كل من الوقائع التالية
:
قصه اللي كسر اصبع رجلك وقصه اللي جاك في البر
وضمّك وكسر ضلوعك ،!
ما ابغا ادخل في التفاصيل لأنها متاهات لكن اللي
اقوله ان اللي سواها اخ وعزيز والله كبير وبيوريني فيه يوم
،! .
قصه الاطفال اللي رايحين الشغل الصبح في النسيم وشفتوهم يطقون التريله
بنعال ،!
هههههههههههه من وين جبتوها ذي
؟؟ صحيح والمنظر كان يموت من الضحك
وتمنيت ان معي كاميرا ذاك الحين وصورت الموقف .
قصة انك يتيم ويقال انك تتذاب انت و واحد الصبح
وقال تراني راحمك لانك يتيم ،!
هذا كحيلان .. اهب
عليه ابوه حي وابوي ميت .
من اللي شرى الماوس حقت المرجوج ووش قصة لين
زهقتوه قال ترى ابآخذ الماوس حقي ،!
اللي شاريها المرجوج وكل ما قومناه بالقوه من
الكمبيوتر وقمنا نشتغل انغبن وفك الماوس وانحاش به وقال حقي
.. هههه بس هالكلام كان يمكن من ست سنين
او اكثر .
قصه التوك اللي تحركون فيها الشاهي
،!
ابو عبدالله المرجوج جيناه وهو عزوبي واشغلناه
في نفسه الا يقوم يصلح لنا شاهي بنفسه وقام الضعيف ويوم جابه الا وناسي
الملاعق اللي نحرك بها السكر وراح جاب لنا توك
شعر الله يصلحه وشبينا عليه انا وكحيلان وبغا يطردنا بس ما يقدر
حنا انشط منه .. بنجلده ونقعد نتقهوى
.
قصة المطوع اللي يشرب تكيلا
،!
هذا صديق كحيلان ..
واصدقاه اللي غيرنا ترا كلهم كذا مشوهين تحمدوا الله
..
.
.
.
نجي لأسئلةالجمهور ..
نديم يقول لك ،
سؤالي عن مجلة الاقلاع متى بتكون منتظمة ومستمرة
لانها لها جمهورها ،!
هلا وغلا باستاذي نديم ,
والمجله الآن موقفه بـ حُكم ان الاخوان يرون ان
المجموعه البريدية في الوقت الحاضر تسد فراغ المجله
.. والمجله قد تعود مستقبلا ولكن بـ شكل
لا يؤثر على نجاح المجموعه البريديه المتميزه
. .
هل عدد المراقبين المتواجدين كافي في ظل تزايد اعداد الاعضاء وكثرت
طلباتهم ،!
بالطبع لا ، لأن الاقلاع كبر كثير
.. والاعضاء كثروا وزادت الاعباء ولكن
الموجودين يبذلون جهود كبيره الحقيقه وفيهم البركه
.
هل ممكن يكون جوال الاقلاع سبيلا لـ تفعيل
لليوزرات الجديدة بدل انتظار المراقب العام للتفعيل
،!
قريبا سيتم التفعيل عن طريق
جوال الاقلاع بعد الانتهاء من بعض
الترتيبات مع شركة الاتصالات السعوديه بعد العيد . .
انتخابات المجلس الاستشاري هل ستكون قريبه او يكون التعيين للمجلس
القادم اللي طال انتظاره ،!
المجلس الحالي ما قصّر وكثير من التطويرات
الاخيره بـ الاقلاع كانت بفضل الله ثم بفضل اقتراحاتهم
, واعتقد ان المجلس الجديد سيكون تشكيله
بالانتخاب في فبراير القادم ولن يكون فيه اي تعيين. .
مطحن يقول لك ..
خالي الممرور كيفك يالغالي
؟
أحب انتهزهالفرصة لارسل لك تحياتي وأشواقي وأقولك لا تنسى الخمسة آلاف
اللي سلفتك إياهن يوم كنا أنا وياك بمصر ..
يوم تقولي تكفى يامطحن أبي هالخمسة الآف أكمل فيهن مهر عرسي من الشغالة
وأردهن لك أول مانرجع وهالحين لك سنة يالظالم ماجبتهن ولا ترد على
الجوالترى لك مهلة أسبوع وإلا بجيبلك ورقة من الحقوق المدنية
،!
هلا بمطحن .. وينك
مختفي ؟ وتلفوني مع الشباب ومالك عذر
من طرف الخمست آلاف
فـ القانون واضح .. الجريمه صارت بمصر
فلازم تشتكيني بمصر لأنها المكان اللي وقعت فيه الجريمه
.
يقولون ياخالي -
والعهدة على الراوي - انك ماتواطن
القصمان وأنك تحاول تبعدهم عن الاشراف في ساحة الاقلاع ما مدي صحة هذا
القول على الصعيد المحلي والدولي ؟(يسمع
بالاسئلة السياسية
)
لا مهوب صحيح
.. انا ما اواطن المشرفين اللي من عنيزه
لأنهم يستقيلون من يوم يتعبون شوي
.. والله ما يطلع على الاشاعات الا انت
ههههههههه والا انت عارف اني احب القصمان يالاقشر
.
ما رأيك بالديمقراطية ؟
وهل ترى أن تطبيقها على منتديات الانترنت ممكنة
؟ وهل عملتم بها في ساحة الاقلاع ؟
وماهي الآلية التي تسيرون عليها في تطبيقها ؟
الديمقراطيه مثل الارهاب .. مالها تعريف
معين ومحدد .. لكن من اللي نعرفه عن
الديمقراطيه انك تتيح لأي شخص ان يقول رأيه بدون ان يفرضه على الاخرين
وبدون المساس بـ كرامة او حقوق
المتحاورين معه واعتقد انها مطبقه بشكل كبير في الاقلاع وهذي هي آليتها
المبسطه
.
يُلاحظ أنكم كل ماعينتوا مشرفا على احد
المنتديات تقول له : ورنا مشيتك بالصروال
؟ فما معني هذه الكلمة وهل لها أبعاد
إقلاعية ؟
هو مصطلح لأهل نجد يعادل المقوله المأثوره
( الميدان يا
حميدان ) واقولها عادة لبث روح
التحدي في المشرف الجديد
.. امحق تشجيع .
أذكر أول ماسجلت في الاقلاع تلقت من سعادتكم تحطيما لم ار ملثة في
حياتي بعد أن قمت بإنزال موضوع أرى أنه مميّز "
على الاقل في نظري " ،!
أكيد انك مخمبق والا ما اشيله
..
لماذ تتلافى التصادم مع المنفهق وتتجنب الحديث معه في الساحة
؟ هل تخاف أن يكب العشاء
؟ وعلى فكرة "
ترا المنفهق معلمني بأسم أمك "
،!
ابو فيصل ما نقول له شي
.. وعشاه قريب يكبه بسرعه ويعشي الرجاجيل
. .
واسم امي لم يعد سرّا بوجود من يسأل عنه
مثلك وبوجود من يعلم به مثل ابو فيصل
..
ماهي علاقتك مع أبو طارق ؟ وماهو سر الحب
الذي بينكما ؟
اقول .. كلش عاد
ولا ابو طارق .. لا تجي للعين وتخطفها
.
من هو العضوالذي تحب أن تقرأ له في المنتديات
؟
والله واجد وكثار اللي اصبح طرحهم مؤخرا
راقي ومميز واستفيد من مواضيعهم .
أي المنتديات هو الأقرب إلى قلبك ؟
كلها والله في قلبي وكلها ازورها من وقت لآخر
..
ماهو أفضل بيت شعر قرأته
؟
مافيه شي اسمه أفضل بيت
.. ولا تصير مثل شاعر المليون اللي يدورون افضل شاعر
.. لأن الافضليه دائما للقصيدة في
موضوعها وهنا يكون الحكم .. لكن فيه بيوت تستوقف الشخص للتأمل واعتقد
ان بيت اخوي الصغير وصديقي عبدالمحسن بن سعيد (
ابو تركي ) اللي يقول
:
الأماكن هي لهم لاغدا قدري مكان ***
التعب لأرقابهم لاصرت في الصف الأخير ،!
اعتقد انه جميل مره .
ماهي الحكمة التي ترددها دائما
؟
آخر الزمر طيط ..
ماهو هدفك بالحياة ؟
وهل تشعر أنك قدمت شي لوطنك أومجتمعك ؟
أم تشعر أنك مسبب زحمه في البلد وشاركت في ارتفاع اسعار الرز
؟
الاهداف تختلف باختلاف مراحل العمر وهدفي حاليا
اللي اسعى له هو تحقيق عمل اجتماعي مميز يفيد شريحه منسيه في مجتمعنا
واتمنى من الله ان يعيننا على خدمة هؤلاء ,
والحمد لله شاركت في عده اعمال مفيده لـ وطني
ولكنها اكيد غير كافيه فما يقدمه الوطن اكبر مما نقدمه مهما كان حجمه
. . وفي نفس الوقت مسوي زحمه ولكن لـ خفض
اسعار الرز
.
ماهو موقفك لو كنت تتحدث مع شخصية هامة ومعكما
شخص ثالث وكنت قريبا منها جدا وأثناء حديثك معه أخرج احدهما ريحا يتبرأ
منها الصرف الصحي حتى كتم نفسك ثم بدأ ذلك الشخص الهام بالنظر إليك..
وكأنه يتهمك بأنك من أخرج تلك الريحه فهل ستقول له أنك لم تفعل شيئا
؟ أم تبلعها وتلتزم الصمت
؟ وهل تتوقع أنك تستطيع إكمال حديثك رغم
تلك المعاناة؟
ابفشله واعلّم انه هو اللي مسويها .
بعد مرور 8 سنوات
على تأسيس الاقلاع ماهي المكاسب التي حققتها
؟ وهل تتوقع أن الاقلاع وصل إلى الحد الذي يرضيك ويجعلك تطلق
ابتسامة الرضى ؟
( صار لبن المراعي
)
المكسب لي شخصيا هو معرفة ابناء بلدي بشكل افضل واصبحت اقرب للناس
وتعلمت منهم الكثير .. والاقلاع بـ لاشك
انا راضي عنها وخاصة اننا في كل سنه نتقدم خطوه للأمام وسأكون اكثر
سعاده بعد اكتمال مشاريع الاقلاع الكبيره القادمه باذن الله
.
(هذا طلب مهوب سؤال
) ماخبرت لي ياخالي مرة
؟ ودي أعرس ثانية بس مالقيت إلاّ
المتردية والنطيحة عجزت القى اللي في بالي تكفى ياخالي توسط لي وطلعلي
فيزة على أوكرانيا .. ودي بحرمة شاصي طويل وعيون زنون وشعر أسود طويل
وخشم مخلوط بين فلبينية وإيرانية وخلفية لكزس وتكون رخيّصة حتى لو
مستعملة ياخالي ميخالف بس أبي استعمال حشمه
،!
الحين غازي القصيبي حاجر فيز الشغالات الحبوش
والاندنوسيات وانت تبي اوكرانيه ههههههه ..
يبي لك قعده هههههههههه
الله من زين الاسئلة
..
مطحن ذات مسكة على أسئلة مايدري وش يبي فيها
لك مودتي وأحترامي ياخالي
..
Private يقول لك ،
اولا احب ارسل فائق تحياتي للاخ العزيزالممرور
.. تواجد جميل ومنتظر
..
كانت بالماضي فيه مجلة مميزة للاقلاع
،، لها فريق تحرير وشغل على مدى الشهر
... هل هناك توجّهات لإعادتها
؟ بغض النظر عن استمرار المجموعة
البريدية الحالية ، لأن المجلة كان
تميزها في نواحي كثيرة واخذت شعبية حلوة وقتها
،!
هلا وغلا اخوي برايفت ..
وفكرة اعادة المجله وارد ولكن ليس في الوقت الحاضر وليس قبل اعادة
تشكيلها بـ شكل يليق بالاقلاع وبشكل يضمن استمرارها .
كبار الشخصيات ..
هذه الفئة المستضعفة.. اصبحت لاتحل ولا تربط ،
ووجودها حاليا للترزز فقط وش ظنك الاسباب اللي افقدت هذه الرتبة قيمتها
؟ وهل تعتقد ان السبب هو كثرة اعدادهم
حاليا بحيث انهم صاروا اكثر من الاعضاء نفسهم ..
والشي الثاني ليه حقوق هالفئة مهضومة من ناحية الميزات اللي صارت تروح
للاعضاء الذهبيين ، مع ان الكثير من كبار
الشخصيات هم اكثر من ذهبيين وخدماتهم لا تنسى ،!
..
كبار الشخصيات يظلون هم كبار الشخصيات في
الاقلاع .. ولكن مثل ما تفضلت ان
كثرة العدد افقد الرتبه بعض البريق
ولكنهم يظلون المميزين واوافقك على اقتراحك باعطائهم بعض المميزات
الممنوحه للذهبيه وساطرح هذا في اول لقاء بيني وبين الاخوان المسؤولين
عن هذا الامر .
الجيل الذهبي للإقلاع (جيل عام 2000
) . ليه مايتم تكريمه ودعوة من رحل منهم
... اكيد الكثير من الراحلين يحزنون لما
ما يلاقون تكريم وتقدير بالشكل اللي يتوقعونه لمجهوداتهم،
وفي نفس الوقت تكون فرصة لاعادة ابداعاتهم
،! ..
يدي في يدك ..
عطني الاليه لهذا الامر وانا اول داعم لـ تكريمهم وبالشكل اللي يليق
بهم
. .
.
.
آهات يقول لك ،
اخوي العزيز الممرور ،،
بداية معرفتي فيه كانت عام 2000 ،، من
خلال طيارة وهي راقية شجرة .. وش يتذكر عنها ابومحمد
؟
هلا وغلا بالغالي اهات ..
اتذكر التصميم اللي سويته انت وما قصرت وان كاني ماني غلطان فـ
هو عندي في مكان ما وسأبحث عنه واذا لقيته ابنزله بموضوع .
هل كثرة العنصر النسائي في الاقلاع سبب انخفاض
في مقدارالفكاهة والروح الاقلاعية المعروفة ..
وهل العيال دمهم خفيف اكثر من البنات ؟
يعني بالعربي هل البنات ماصلات
؟
اعتقد ان وجود العنصر النسائي حط كثير من الخطوط الحمراء للعنصر
الرجالي فاصبح الكل ينتبه لكل كلمه وهذا بلا شك شي زين لكنه اثر شوي
على روح الفكاهه ولكننا لم نفقدها تماما ..
و العنصر النسائي فيه اقلام خفيفة دم
وافضل من كثر من هاللي يتميلحون من الرجاجيل
.
.
.
مدرس خصوصي يقول لك ،
وش تذكرك فيه أغنية ياطرفة أسرتيني
،!
تذكرني بـ تيزاب ..
.
.
دم الشفق يقول لك ،
ماهو شعورك حينما تم اقفال منتدى الجاده في فترة
من الفترات تجاه حاله التمرد التي قام بها الاعضاء ومطالبتهم باعادة
الجاده ؟
الاقفال وقتها كان بسبب نقل الجاده لـ منتدى اخر
مستقل بعد ما اصبحت الشكاوي كثيره وقلنا ان وجود الجاده في هذا الوقت
كان خطوه مبكره على الاقلاع ولكن التمرد اللي قاده المنفهق ومجموعة من
الكتاب كان له دور في اعادة الجادة واعادة التجربه اللي نجحت ولله
الحمد . . وشعوري وقتها هو اني اعلم ان
الجاده مهمه ولكن في نفس الوقت يجب ان يكون وضعها مدروسا ويكون فيها
للجميع فرصه تماثل فرص الرأي الآخر ..
كيف استطعت التكيف مع التغيرات المتلاحقه على
مستوى الانترنت والحفاظ على الاقلاع كـ صرح شامخ يزداد علواً يوم بعد
يوم
؟
الاقلاع بقيت لأنها متجدده بوجود اعضاء غيورين
قاموا ببذل الوقت والجهد لبناء الاقلاع وبناء الاقلاع يجير لهم لا لنا
وهم من حافظوا على تميّز منتداهم .
ليش ابو محمد ماعاد له ظهور في مجاله اللي عرفوه
الناس فيه من فترة طويله ؟
طاب الخاطر من سنوات ..
ولكني موجود في مجالات اخرى اعتز بها لأنها تخدم المجتمع بـ شكل مباشر
والله يوفقنا لما يحب ويرضى
.
اخيراً ..
سؤال ماسألناك اياه وكان ودك نسالك عنه
؟
السؤال هو : هل
ودك تصير اقوى من كحيلان وتصير تمسكه كل يوم وتطقه
؟
هُنا
.. نضع نقطه آخر
السطر ..
هُنا .. ازهرت
قلوبنا بـ الوَصل والهنا ..
هُنا .. تلبس
المجموعه البريديه ابهى حُله لـ وداعك الى
لقاء قريب ،
ابو محمد .. كُن بالقُرب
.. دوماً
دمْت بـ رضا
،!
|