اجمع الضحكات انثرها واعيد
ابتسم في وجه صبحي ياهلا ،!
يافرح وينك ترا هاليوم عيد
كلن بحزنه عن افراحه سلا ،!
بان حزنك يالمعنُا وش يفيد
زود همك سارقٍ منك الحلا ،!
كن حزنك شيخ والعالم عبيد
ماانجلا والعيد عيدك ماانجلا ،!
جاتك ابياتي وصندوق البريد
خافقك وارسل عبارات الغلا ،!
ابتسم يا جعل يفداك القصيد
جعل من يبلاك يصلاه البلا ،!
دام حبك زايد وتملك رصيد
يا كذا عشق الخلايق يافلا ،!
ذا لساني ذاكرك باحلا نشيد
لين تاتي واحتفي بك ياهلا ،!
انا وانتي وبس ..
من كثر ما مرّت على
الخيانات ... ما عاد اصدق كلمة انسان
وافي ،!
ومن كثر ما شفت بحياتي نهايات ... ما عاد
يتعبني غياب و تجافي ،!
كتبت في درب الوفا كل الابيات... من نار
جوفي صاير الكف دافي ،!
ابات و احزاني وسط قلبي تبات ... شربت من
كف القدر حزن صافي ،!
المشكله ما احدن فهم فن الانصات ...
ولافيه واحد يعرف اسرار قافي ،!
عشت العمر بسكات وباموت بسكات... من غير
تفسير الجروح الخوافي ،!
يا كثرهم لا عشت وقت المسرات ... و يا
قلهم لا صار حظي مجافي ،!
عمري مضى لو بوصفه بالعبارات ... شخص مشى
ما همه الجمر حافي ،!
انا وانتي وبس..
.
.
صغيره .. ودها تتعبني بالغيره
..... بدري عليك
انك تشوفي عذابي ،!
يابنت .. في قلبي معاني كثيره
..... وادري بــ
دمعاتك سببهـا غيابي ،!
تـرى الكبير .. الي فـعوله كبيره
..... ما هوب ذاك الي
يهمه عذابي ،!
لا مابهرني مضهرك .. ياغريره
.....الزين في
قلبك هو الي غدابي ،!
يا حلـوتي .. تـوَك تراكي صغيره
..... بدري عليك انك تشوفي
عذابي ،!
انا وانتي وبس..
.
.
اهداء لـ حنش
..
يا ابـو سعد يـا قرم يا طيب الفال
عقب المشقه يـالغلا كيف حالك؟!
انا صدفت رجال ورجال ورجال
لاكن قليل الي يجي في خصالك ،!
طيب و متواضع وراهي وحلاٌل
عسر المواقف ما تفوق احتمالك ،!
يالي تبيٌض صفحتك دوم الافعال
وغيرك و لو يتعب ابد ما رقالك ،!
فاح القصيد وجيت اقهويك فنجال
جعلك سعيد ويا عسا طاب فالك ،!
قالوا مريض وجتني ابيات فـ الحال
جعل التعب يا صاحبي ما ينالك ،!
انا وانتي وبس..
.
.
على الميعاد جيت اركض .. تسبقني لك
الخطوات
.............. تخيل روعة المنظر دموع بـ
ضحكة شفاتي
 ،!
عابر
.
.
.
.
البارحه ...
غاب القمر ما عاد بالدنيا بشر ...
ما غير انا ودفتري وشعري ...
اكتب على موج البحر...
كيف انتهى عمري ...
البارحه ...
كل الاماني انتهت ...
ودموعي العذراء بقت ...
شفت المذله والخضوع ..
وايامي الحلوه غدت...
البارحه ...
جتني تقول ليه الحزن دايم يطول ؟!
ليه المحبه ما تفيد ..
وهمومنا دايم تزيد ...
قلت الصبر كل الحلول ..
البارحه ...
نصف الشهر ..
ما شفت في ليلي بدر ...
حتى السهر ...
عاند عيوني وانكسر ..
وغفيت ،!
انا وانتي وبس..
.
.
اعداد ..
منتدى الـ شعر النبطي
..
|